തെലങ്കാന മുഖ്യമന്ത്രിയായി എ.രേവന്ത് റെഡ്ഡി ഇന്ന് സത്യപ്രതിജ്ഞ ചെയ്തു അധികാരമേല്ക്കും. ഹൈദരബാദിലെ ലാല് ബഹദൂര് ശാസ്ത്രി സ്റ്റേഡിയത്തില് ഉച്ചയ്ക്കു 1.04 നാണ് സത്യപ്രതിജ്ഞ. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ, രാഹുല് ഗാന്ധി തുടങ്ങിയ നേതാക്കള് സത്യപ്രതിജ്ഞ ചടങ്ങില് പങ്കെടുക്കും.
ഉപമുഖ്യമന്ത്രി അടക്കം അഞ്ച് പേരെങ്കിലും ഇന്ന് സത്യപ്രതിജ്ഞ ചെയ്തേക്കും. കഴിഞ്ഞ സഭയിലെ പ്രതിപക്ഷ നേതാവും ദലിത് മുഖവുമായ മല്ലു ഭട്ടി വിക്രമാര്കെ ഉപമുഖ്യമന്ത്രിയായേക്കുമെന്ന് റിപ്പോര്ട്ടുകളുണ്ട്. മുതിര്ന്ന നേതാവ് ഉത്തം കുമാര് റെഡ്ഡിയും ഉപമുഖ്യമന്ത്രി പദം ആവശ്യപ്പെട്ടിട്ടുണ്ട്.
2014 ല് രൂപീകൃതമായ തെലങ്കാന സംസ്ഥാനത്തിന്റെ ആദ്യ കോണ്ഗ്രസ് മുഖ്യമന്ത്രിയാണ് 56 കാരമായ രേവന്ത് റെഡ്ഡി. 119 അംഗ തെലങ്കാന നിയമസഭയില് 64 സീറ്റ് നേടിയാണ് കോണ്ഗ്രസ് അധികാരത്തിലെത്തിയത്. ഭരണകക്ഷിയായിരുന്ന ബിആര്എസ് 39 സീറ്റിലേക്ക് പിന്തള്ളപ്പെട്ടു.
