ബെംഗളൂരു: നാല് ദിവസത്തെ മഹാകുംഭമേള -2022 ഒക്ടോബർ 13 മുതൽ 16 വരെ മാണ്ഡ്യ ജില്ലയിലെ കെആർ പേട്ട് താലൂക്കിലെ ക്ലസ്റ്റർ വില്ലേജുകൾക്ക് സമീപമുള്ള ത്രിവേണി സംഗമത്തിൽ നടക്കും. കാവേരി, ഹേമാവതി, ലക്ഷ്മണതീർഥ നദികളുടെ സംഗമസ്ഥാനമായ ത്രിവേണി സംഗമത്തിലാണ് മഹാകുംഭമേള നടക്കുകയെന്ന് ഇന്നലെ രാവിലെ ചാമുണ്ഡി മലയുടെ അടിവാരത്തുള്ള സുത്തൂർ മഠത്തിൽ നടത്തിയ വാർത്താ സമ്മേളനത്തിൽ സുന്നൂർ മഠാധിപതി ശ്രീ ശിവരാത്രി ദേശികേന്ദ്ര സ്വാമിജി പറഞ്ഞു.
2013ൽ നടന്ന ആദ്യ കുംഭമേളയ്ക്ക് ശേഷമുള്ള രണ്ടാമത്തെ കുംഭമേളയാണിത്. നാളെ ഉച്ചകഴിഞ്ഞ് മൂന്നിന് കെആർ പേട്ട് ടൗണിൽ നടക്കുന്ന സംഗമത്തിലെ മുന്ന് ജ്യോതി രഥങ്ങൾ അണിനിരക്കുന്ന മഹാഘോഷയാത്രയോടെയാണ് കുംഭമേള ഔപചാരികമായി ആരംഭിക്കുന്നത്.
മണ്ഡ്യ ജില്ലാ ഇൻചാർജ് മന്ത്രി കെ.ഗോപാലയ്യ ജാഥ ഉദ്ഘാടനം ചെയ്യും. കെആർ പെറ്റ് നിയമസഭാ മണ്ഡലത്തെ പ്രതിനിധീകരിക്കുന്ന യുവജന ശാക്തീകരണ കായിക മന്ത്രി കെ സി നാരായണഗൗഡ, മാണ്ഡ്യ എംപി സുമലത അംബരീഷ്, മാണ്ഡ്യ ജില്ലയിലെ നിയമസഭാംഗങ്ങൾ എന്നിവരുടെ സാന്നിധ്യത്തിൽ കന്നഡ സാംസ്കാരിക മന്ത്രി വി.സുനിൽ കുമാർ വൈകിട്ട് 6.30ന് കുംഭമേള ഔപചാരികമായി ഉദ്ഘാടനം ചെയ്യും.
അന്നേ ദിവസം രാത്രി തന്നെ രഥങ്ങൾ ത്രിവേണി സംഗമത്തിലെത്തും, തുടർന്ന് മഹാദേശ്വര വിഗ്രഹ പ്രതിഷ്ഠയും ചടങ്ങുകളും നടക്കും. മഹാകുംഭമേള പരിപാടികൾ ഒക്ടോബർ 14ന് രാവിലെ 11ന് ധർമസ്ഥല ധർമാധികാരിയും രാജ്യസഭാ എംപിയുമായ ഡോ.ഡി.വീരേന്ദ്ര ഹെഗ്ഗഡെ ഉദ്ഘാടനം ചെയ്യുമെന്ന് ശ്രീ ശിവരാത്രി ദേശികേന്ദ്ര സ്വാമിജി അറിയിച്ചു.
സമൂസയില് എഴുതിയിരിക്കുന്നത് എന്ത്? വൈറലായി ഫോട്ടോ…
എല്ലാ മേഖലകളിലും വിപ്ലവകരമായ മാറ്റങ്ങളാണ് ടെക്നോളജിയും ഡിജിറ്റല് മുന്നേറ്റവും കൊണ്ടുവന്നിട്ടുള്ളത്. ഭക്ഷണവുമായി ബന്ധപ്പെട്ട് പ്രവര്ത്തിക്കുന്ന മേഖലകളിലും സ്ഥിതി വ്യത്യസ്തമല്ല. മുൻകാലങ്ങളില് മനുഷ്യര് അവരുടെ അധ്വാനം കൊണ്ട് മാത്രം ചെയ്തിരുന്ന ജോലികള് പിന്നീട് മെഷീനുകളുടെ സഹായത്തോടെ ചെയ്യാവുന്ന സാഹചര്യമായി.പലഹാരങ്ങളോ മറ്റ് ഭക്ഷണസാധനങ്ങളോ എല്ലാം വ്യാവസായികാടിസ്ഥാനത്തില് ഇത്തരത്തില് എളുപ്പത്തില് ഉത്പാദിപ്പിക്കാനും വിപണനം ചെയ്യാനുമെല്ലാം തുടങ്ങി.
ഇത് കച്ചവടമേഖലയെ അതിവേഗം വളര്ത്തുന്നതിനും ആകെ സാമ്പത്തികാവസ്ഥ മാറുന്നതിനുമെല്ലാം സഹായകമായിട്ടുണ്ട്.ഭക്ഷണസാധനങ്ങള് ഉത്പാദിപ്പിക്കുന്നതിന് ടെക്നോളജിയുടെ സഹായമെത്തിയതോടെ ഇതുമായി ബന്ധപ്പെട്ട ഒരുപാട് കാര്യങ്ങള് എളുപ്പത്തിലായി. ഇതിനോട് ചേര്ത്തുവായിക്കാവുന്നൊരു സംഗതിയാണിനി പങ്കുവയ്ക്കുന്നത്. നമ്മള് ഹോട്ടലുകളിലോ ബേക്കറികളിലോ പോയാല്, അവിടെയുള്ള സ്നാക്സുകളില് പച്ചക്കറിയേത്- നോണ് വെജിറ്റേറിയൻ ഏത് എന്നെല്ലാം സംശയം വരാം.
അതുപോലെ ഓണ്ലൈനായി ഓര്ഡര് ചെയ്യുന്ന സ്നാക്സാണെങ്കിലും തുറന്നുനോക്കാതെ വെജ് ആണോ നോണ് വെജ് ആണോ എന്നറിയാൻ പലപ്പോഴും സാധിക്കറില്ല. എന്നാലീ പ്രശ്നത്തിന് പരിഹാരമായി സമൂസയില് തന്നെ അതിന്റെ ഫില്ലിംഗ് ഏതാണെന്ന് രേഖപ്പെടുത്തിയിരിക്കുകയാണ് ബംഗലൂരുവിലുള്ള ഒരു റെസ്റ്റോറന്റ്. ശോഭിത് ബക്ലിവാള് എന്നയാളാണ് ഇതിന്റെ ചിത്രം ട്വിറ്ററില് പങ്കുവച്ചത്. നല്ലൊരു കണ്ടെത്തലാണിതെന്ന അടിക്കുറിപ്പുമായാണ് ശോഭിത് ചിത്രം പങ്കുവച്ചത്. തുടര്ന്ന് നിരവധി പേരാണ് ഈ ആശയത്തെ അനുകൂലിച്ച് അഭിപ്രായം പങ്കിട്ടിരിക്കുന്നത്.
ബംഗലൂരുവിലെ റെസ്റ്റോറന്റ് ചിത്രം പങ്കുവച്ചതിന് ശോഭിതിന് പ്രത്യേക നന്ദിയും അറിയിച്ചിട്ടുണ്ട്.ഉരുളക്കിഴങ്ങ് ഫില്ലിംഗ് ആണെങ്കില് ആലൂ, നൂഡില് ആണ് ഫില്ലിംഗ് എങ്കില് നൂഡില് എന്നുമെല്ലാം സമൂസയുടെ പുറത്തെ കട്ടിയുള്ള ഭാഗത്ത് മെഷീൻ വച്ചുതന്നെ രേഖപ്പെടുത്തിയിരിക്കുകയാണ്. ഇത് ചിത്രത്തില് വ്യക്തമായി കാണാം. ഏതായാലും രസകരമായ ആശയത്തിന് അധികവും കയ്യടി തന്നെയാണ് ലഭിക്കുന്നത്.
