മംഗളൂരു: മംഗളൂരുവിൽ കഞ്ചാവ് കടത്തിയതിന് 12 കോളേജ് വിദ്യാർത്ഥികളെ സിറ്റി ക്രൈംബ്രാഞ്ച് (സിസിബി) അറസ്റ്റ് ചെയ്തു.
മലയാളികളായ ഷാനുഫ് അബ്ദുൾ ഗഫൂർ (21), മുഹമ്മദ് റസീൻ (22), ഗോകുല കൃഷ്ണൻ (22), ഷാരൂൺ ആനന്ദ് (19), അനന്തു കെപി (18), അമൽ (21), (21), ഷഹീദ് എം.ടി.പി (22), മുഹമ്മദ് റിഷിൻ (22), റിജിൻ റിയാസ് (22),അഭിഷേക് (21), ഫഹദ് ഹബീബ് (22) എന്നിവരാണ് അറസ്റ്റിലായത്.
രഹസ്യവിവരം ലഭിച്ചതിനെ തുടർന്ന് സിസിബി ഇൻസ്പെക്ടർ മഹേഷ് പ്രസാദ്, പിഎസ്ഐ രാജേന്ദ്ര ബി എന്നിവരുടെ നേതൃത്വത്തിൽ സിസിബി പൊലീസ് ഉദ്യോഗസ്ഥർ മംഗളൂരുവിലെ വലൻസിയയിലുള്ള പ്രതിയുടെ വസതിയിൽ റെയ്ഡ് നടത്തി.
20,000 രൂപ വിലമതിക്കുന്ന 900 ഗ്രാം കഞ്ചാവ്, പുകവലിക്കുന്ന പൈപ്പുകൾ, റോളിംഗ് പേപ്പറുകൾ, 1000 രൂപ എന്നിവ പിടിച്ചെടുത്തു. പ്രതിയിൽ നിന്ന് 4500 രൂപയും 11 മൊബൈൽ ഫോണുകളും ഡിജിറ്റൽ വെയ്റ്റ് സ്കെയിലും പിടിച്ചെടുത്തു. പിടിച്ചെടുത്ത വസ്തുവിന്റെ ആകെ കണക്കാക്കിയ മൂല്യം 2,85,000 രൂപയാണ്.
കൂടുതൽ അന്വേഷണങ്ങൾ നടന്നുവരികയാണ്
