കെജിഎഫ് എന്ന ചിത്രത്തിലൂടെ ഇന്ത്യൻ സിനിമയെ ഇളക്കിമറിച്ച കന്നഡ സൂപ്പർതാരം യഷിന്റെ ഏറ്റവും പുതിയ ചിത്രമായ ‘ടോക്സിക്: എ ഫെയറി ടെയില് ഫോർ ഗ്രോണ്-അപ്പ്സ്’ എന്ന സിനിമയുടെ റിലീസ് തീയതി അണിയറപ്രവർത്തകർ ഔദ്യോഗികമായി പ്രഖ്യാപിച്ചു.പിതൃദിനമായ ഞായറാഴ്ചയാണ് ആരാധകർക്ക് വലിയൊരു സപ്രൈസ് നല്കിക്കൊണ്ട് ചിത്രത്തിന്റെ പുതിയ പോസ്റ്ററും റിലീസ് തീയതിയും പുറത്തുവിട്ടത്. മലയാളി സംവിധായിക ഗീതു മോഹൻദാസാണ് ഈ ബിഗ് ബജറ്റ് ചിത്രം ഒരുക്കുന്നത്. “ഏറ്റവും സന്തോഷമുള്ള ഓണം വരുന്നു” എന്ന അടിക്കുറിപ്പോടെയാണ് ഗീതു മോഹൻദാസ് പുതിയ പോസ്റ്റർ പങ്കുവെച്ചത്. 2026 ഓഗസ്റ്റ് 26 മുതല് ചിത്രം ലോകമെമ്പാടുമുള്ള തിയേറ്ററുകളില് പ്രദർശനത്തിന് എത്തും.
ഇരട്ട വേഷത്തില് യഷ്; സസ്പെൻസ് നിറച്ച് പുതിയ പോസ്റ്റർഞായറാഴ്ച പുറത്തുവിട്ട പോസ്റ്റർ സോഷ്യല് മീഡിയയില് ഇതിനകം തന്നെ തരംഗമായിക്കഴിഞ്ഞു. ചിത്രത്തില് യഷ് അവതരിപ്പിക്കുന്ന ‘രായ’, ‘ടിക്കറ്റ്’ എന്നീ രണ്ട് വ്യത്യസ്ത ലുക്കുകളാണ് പോസ്റ്ററിലുള്ളത്. കടുത്ത ഇരുണ്ട പശ്ചാത്തലത്തില് ഒരുക്കിയിരിക്കുന്ന ഈ പോസ്റ്റർ സിനിമയുടെ വലിപ്പവും ഗൗരവവും വ്യക്തമാക്കുന്നു. ഒരു സാധാരണ അച്ഛൻ-മകൻ ബന്ധത്തിന് അപ്പുറം, പ്രതികാരവും അധികാരവും വൈകാരികമായ സങ്കീർണ്ണതകളും നിറഞ്ഞ ഒരു കഥാപരിസരമാണ് ചിത്രത്തിന്റേതെന്ന സൂചന പോസ്റ്റർ നല്കുന്നുണ്ട്. ലേഡി സൂപ്പർസ്റ്റാർ നയൻതാര, കിയാര അദ്വാനി, ഹുമ ഖുറേഷി, രുക്മിണി വസന്ത്, താര സുതാരിയ എന്നിവരടങ്ങുന്ന വൻ താരനിരയാണ് ചിത്രത്തില് അണിനിരക്കുന്നത്.തുടർച്ചയായ മാറ്റങ്ങള്ക്ക് ശേഷം വമ്പൻ ഓണം റിലീസ്ഈ ചിത്രം യഥാർത്ഥത്തില് 2026 മാർച്ച് 19-നായിരുന്നു റിലീസ് ചെയ്യാൻ നിശ്ചയിച്ചിരുന്നത്.
രണ്വീർ സിംഗ് നായകനായ ‘ധുരന്ധർ: ദി റിവഞ്ച്’ എന്ന ചിത്രവുമായിട്ടായിരുന്നു അന്നത്തെ ബോക്സ് ഓഫീസ് പോരാട്ടം. എന്നാല് പിന്നീട് ഇത് ജൂണ് 4-ലേക്ക് മാറ്റി. ഇപ്പോള് ചിത്രം ആഗോളതലത്തില് വൻ രീതിയില് വിതരണത്തിനെത്തിക്കാനും അന്താരാഷ്ട്ര വിപണിയിലെ പങ്കാളിത്തം ഉറപ്പാക്കാനുമായിട്ടാണ് ഓഗസ്റ്റിലേക്ക് മാറ്റിയത്.ഒരു ബുധനാഴ്ച ചിത്രം റിലീസ് ചെയ്യുന്നത് വഴി ഓണം, വരമഹാലക്ഷ്മി പൂജ, ഈദ്, രക്ഷാബന്ധൻ തുടങ്ങിയ വലിയ ഉത്സവങ്ങളുടെ തുടർച്ചയായ അവധി ദിനങ്ങള് ചിത്രത്തിന് അനുകൂലമായി മാറും. ഇത് ആഗോള ബോക്സ് ഓഫീസില് റെക്കോർഡ് കളക്ഷൻ നേടാൻ ചിത്രത്തെ സഹായിക്കുമെന്നാണ് വിലയിരുത്തല്. കെവിഎൻ പ്രൊഡക്ഷൻസും യഷിന്റെ സ്വന്തം മോണ്സ്റ്റർ മൈൻഡ് ക്രിയേഷൻസും ചേർന്നാണ് ഈ ചിത്രം നിർമ്മിക്കുന്നത്.
