ബെംഗളൂരുവിൽ പരിശീലനത്തിനിടെ ഹൃദയാഘാതം: അകാസ എയർ പൈലറ്റ് മരിച്ചു

ബെംഗളൂരു: നഗരത്തിൽ വ്യാഴാഴ്ച പരിശീലനത്തിനിടെ ഹൃദയാഘാതം മൂലം ആകാശ എയർ പൈലറ്റ് മരിച്ചു. 44 വയസ്സുള്ള ക്യാപ്റ്റൻ ഗ്രൗണ്ട് പരിശീലന സെഷനിൽ പങ്കെടുക്കുന്നതിനിടെ അപ്രതീക്ഷിതമായി മെഡിക്കൽ എമർജൻസി അനുഭവിച്ചതായി വൃത്തങ്ങൾ അറിയിച്ചു.പൈലറ്റിനെ ഉടൻ സമീപത്തെ ആശുപത്രിയിൽ എത്തിച്ചെങ്കിലും, അദ്ദേഹത്തെ മരിച്ചതായി ഡോക്ടർമാർ സ്ഥിരീകരിച്ചു. സംഭവത്തിൽ ദുഃഖം രേഖപ്പെടുത്തി എയർലൈൻ പ്രസ്താവന പുറത്തിറക്കി.“ബെംഗളൂരുവിൽ ഗ്രൗണ്ട് പരിശീലന ഡ്യൂട്ടിയിലിരിക്കെ വ്യക്തിപരമായ മെഡിക്കൽ എമർജൻസി ഉണ്ടായിരുന്ന ഞങ്ങളുടെ പൈലറ്റ് സഹപ്രവർത്തകരിൽ ഒരാളുടെ വിയോഗത്തിൽ ഞങ്ങൾ അതീവ ദുഃഖിതരാണ്,” വക്താവ് അറിയിച്ചു.കൂടുതൽ വിവരങ്ങൾ വെളിപ്പെടുത്താതെ, പൈലറ്റിന്റെ കുടുംബത്തിനും സഹപ്രവർത്തകർക്കും ആവശ്യമായ എല്ലാ പിന്തുണയും നൽകുന്നതായി കമ്പനി വ്യക്തമാക്കി.ഇതിനിടെ, രണ്ട് ദിവസത്തിനിടെ ഇന്ത്യൻ വിമാനരംഗവുമായി ബന്ധപ്പെട്ട രണ്ടാമത്തെ മരണമാണ് റിപ്പോർട്ട് ചെയ്യുന്നത്. വ്യാഴാഴ്ച തന്നെ എയർ ഇന്ത്യയുടെ ഒരു പൈലറ്റ് ഷെഡ്യൂൾ ചെയ്ത വിശ്രമത്തിനിടെ ബാലിയിൽ ഹൃദയാഘാതം മൂലം മരിച്ചിരുന്നു.