കേരളത്തില് നിന്നുള്ള അന്തര് സംസ്ഥാന സ്വകാര്യ ബസുകള് ഇന്ന് മുതല് സര്വീസ് നിര്ത്തിവയ്ക്കും. തമിഴ്നാട്, കര്ണാടക സംസ്ഥാനങ്ങളിലെ അന്യായ നികുതിയില് പ്രതിഷേധിച്ചാണ് കോണ്ട്രാക്ട് കാരിയേജ് ബസ് സര്വീസുകള് ഇന്ന് മുതല് ബസ് സര്വീസ് നിര്ത്തിവച്ച് പ്രതിഷേധിക്കുന്നത്.കേരളത്തില് നിന്നും ബെംഗളൂരുവിലേക്കും ചെന്നൈയിലേക്കും അടക്കം സര്വീസ് നടത്തുന്ന സ്ലീപ്പര്, സെമി സ്ലീപ്പര് ലക്ഷ്വറി ബസുകളാണ് സര്വീസ് നിര്ത്തുന്നത്. അഖിലേന്ത്യ പെര്മിറ്റ് ഉണ്ടായിട്ടും തമിഴ്നാട്ടിലും കര്ണാടകയിലും ഉള്പ്പെടെ അന്യായമായ നികുതി ചുമത്തുകയാണ് എന്നാണ് പ്രധാന ആരോപണം. അന്യായമായി വാഹനം പിടിച്ചെടുത്ത് പിഴ ഈടാക്കുകയാണെന്നും ഇവര് ആരോപിച്ചു.ബസ് സര്വീസ് നിര്ത്തിവയ്ക്കുന്നത് ബെംഗളൂരുവിലേക്കും ചെന്നൈയിലേക്കും പോകുന്ന യാത്രക്കാരെ ദുരിതത്തിലാക്കും. കേരളത്തില് നിന്ന് തിരുവനന്തപുരം മുതല് കാസര്ഗോഡ് വരെയുള്ള ജില്ലകളില് നിന്നായി ബെംഗളൂരുവിലേക്ക് അടക്കം നിരവധി സ്വകാര്യ ബസുകളാണ് സര്വീസ് നടത്തുന്നത്.
അന്യായ നികുതി ചുമത്തുന്നു; കര്ണാടക, തമിഴ്നാട് സര്വീസുകള് നിര്ത്തി കേരളത്തിലെ അന്തര്സംസ്ഥാന ബസുകള്
