പനാജി : മാദ്ധ്യമപ്രവര്‍ത്തകയെ കെട്ടിപ്പിടിച്ച്‌ ചുംബിച്ച്‌ സല്‍മാൻ ഖാൻ . ഗോവയില്‍ നടക്കുന്ന ഫിലിം ഫെസ്റ്റിവലില്‍ പങ്കെടുക്കാൻ എത്തിയതാണ് സല്‍മാൻ ഖാൻ . ഇതിനിടെയാണ് പഴയ സുഹൃത്തായ മാദ്ധ്യമ പ്രവര്‍ത്തകയോട് സല്‍മാന്‍ ഖാന്‍ സ്നേഹപ്രകടനം കാണിച്ചത് . വീഡിയോയില്‍, സല്‍മാൻ മാദ്ധ്യമപ്രവര്‍ത്തകയെ ചുംബിക്കുന്നത് കാണാം. സല്‍മാന്‍ ഖാന്‍ സുഖം തന്നെയല്ലെ എന്ന് ചോദിച്ചാണ് മാദ്ധ്യമ പ്രവര്‍ത്തകയെ ചുംബിക്കുന്നത്. വെറുതെ നാടകം കളിക്കരുത് എന്നാണ് ചുംബനം സ്വീകരിച്ച്‌ മാദ്ധ്യമപ്രവര്‍ത്തക പറയുന്നത്.
അടുത്തിടെ “ഫാരി” എന്ന ചിത്രത്തിലൂടെ ബോളിവുഡില്‍ അരങ്ങേറ്റം കുറിച്ച തന്റെ മരുമകള്‍ അലിസെ അഗ്നിഹോത്രിയ്‌ക്കൊപ്പം സല്‍മാൻ മാദ്ധ്യമങ്ങളെ കാണുന്നതിനിടെയായിരന്നു സംഭവം. ഈ സംഭവത്തിന്‍റെ വീഡിയോ സോഷ്യല്‍ മീഡിയയില്‍ അടക്കം വൈറലാണ് ‘ടൈഗര്‍ 3’ യുടെ വിജയത്തിന്റെ ത്രില്ലിലാണ് സല്‍മാൻ ഖാൻ ഇപ്പോള്‍ . കത്രീന കൈഫ് ആണ് ചിത്രത്തിലെ നായിക.
