ബെംഗളൂരു: ബെംഗളൂരുവിലെ ഹിന്ദുസ്ഥാൻ എയറോനോട്ടിക്സ് ലിമിറ്റഡ് വിമാനത്താവളത്തിൽ വിമാനം അടിയന്തിരമായി ഇറക്കി. ബെംഗളൂരു അന്താരാഷ്‌ട്ര വിമാനത്താവളത്തിലേക്ക് പോവുകയായിരുന്ന ഫ്‌ളൈ ബൈ വയർ പ്രീമിയർ 1എ എന്ന വിമാനമാണ് അടിയന്തിരമായി ഇറക്കിയത്.വിമാനത്തിന്റെ നോസ് ലാൻഡിംഗ് ഗിയറിൽ സാങ്കേതിക തകരാർ സംഭവിച്ചിരുന്നു. തുടർന്നാണ് അടിയന്തിരമായി ലാൻഡ് ചെയ്തത്. എന്നാൽ എച്ച്എഎൽ വിമാനത്താവളത്തിന്റെ റൺവേയിലുണ്ടായിരുന്ന വെള്ളക്കെട്ട് മുറിച്ചുകടക്കുന്നതിനിടെ വിമാനത്തിന്റെ മുൻഭാഗം ഇളകി മറിഞ്ഞ് വീണു.
സംഭവസമയത്ത് രണ്ട് പൈലറ്റുമാരാണ് ഉണ്ടായിരുന്നതെന്നും വിമാനത്തിൽ യാത്രക്കാരൊന്നും ഉണ്ടായിരുന്നില്ലെന്നും അധികൃതർ അറിയിച്ചു.
ചെരിപ്പുകള്‍ വലിച്ചെറിഞ്ഞ്, മുഷ്ടി ചുരുട്ടി തമ്മില്‍ത്തല്ലി സ്ത്രീകള്‍; ലോക്കല്‍ ട്രെയിനില്‍ കൂട്ടത്തല്ല്
കൊല്‍ക്കൊത്തയിലെ ഒരു ലോക്കല്‍ ട്രെയിനിലെ കൂട്ടത്തല്ലിന്‍റെ ദൃശ്യങ്ങളാണ് സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്നത്.ട്രെയിനിനകത്ത് ഒരു കൂട്ടം സ്ത്രീകള്‍ പരസ്പരം ചെരിപ്പ് വലിച്ചെറിയുന്നതും നിലവിളിക്കുന്നതും അടിക്കുന്നതുമാണ് വീഡിയോയിലുള്ളത്.ആയുഷി എന്ന ഉപയോക്താവാണ് ട്വിറ്ററില്‍ ഈ വീഡിയോ പങ്കുവച്ചിരിക്കുന്നത്. ട്രെയിനിലെ ലേഡീസ് കോച്ചിലാണ് സംഭവം അരങ്ങേറിയത്.
എന്നാല്‍ വഴക്കിനുള്ള കാരണം വ്യക്തമല്ല. അവിടെയുണ്ടായിരുന്ന ചില സ്ത്രീകള്‍ ഇവരെ തടയാൻ ശ്രമിച്ചെങ്കിലും ഫലമുണ്ടായില്ല. തര്‍ക്കത്തിലേര്‍പ്പെട്ട സ്ത്രീകളില്‍ ഒരാള്‍ തന്റെ അരികില്‍ നില്‍ക്കുന്ന മറ്റൊരു സ്ത്രീക്ക് നേരെ ചെരുപ്പ് എറിയുന്നത് വീഡിയോയുടെ അവസാനം കാണാം.
