ബെലഗാവി (കര്ണാടക): മധ്യപ്രദേശിലെ മൊറേനയില് വ്യോമസേനയുടെ ഫൈറ്റര് ജെറ്റ് വിമാനങ്ങള് കൂട്ടിയിടിച്ചുണ്ടായ അപകടത്തില് കൊല്ലപ്പെട്ടത് കര്ണാടക ബെലഗാവി ഗണേഷ്പൂരിലെ സംഭാജി നഗര് സ്വദേശി വിങ് കമാന്ഡര് ഹനുമന്ത റാവു സാരഥി. എയര്ഫോഴ്സ് ട്രെയിനിങ് സെന്റര് ഉദ്യോഗസ്ഥര് വീട്ടില് നേരിട്ടെത്തിയാണ് അപകടത്തെക്കുറിച്ച് അറിയിച്ചത്. അച്ഛനും അമ്മയും ഭാര്യയും രണ്ട് കുട്ടികളും ഉള്പ്പെടുന്നതാണ് ഹനുമന്ത റാവു സാരഥിയുടെ കുടുംബം.
ഹനുമന്ത റാവുവിന്റെ പിതാവ് രേവണസിദ്ധപ്പ ഇന്ത്യന് കരസേനയില് ക്യാപ്റ്റനായി സേവനമനുഷ്ഠിച്ച് വിരമിച്ചയാളാണ്. ഹനുമന്ത റാവുവിന്റെ സഹോദരന് പ്രവീണ് ഇന്ത്യന് വ്യോമസേനയില് തന്നെ ഗ്രൂപ്പ് ക്യാപ്റ്റനാണ്.വീരമൃത്യു വരിച്ച ഹനുമന്ത റാവുവിന്റെ മൃതശരീരം ഞായറാഴ്ച രാവിലെ പ്രത്യേക വിമാനത്തില് ബെലഗാവിയിലെത്തുമെന്ന് ബന്ധപ്പെട്ട വൃത്തങ്ങള് അറിയിച്ചു. ഇന്ന് പുലര്ച്ചെ പതിവ് പറക്കലിനിടെ മധ്യപ്രദേശിലെ ഗ്വാളിയോറിന് സമീപമാണ് ഇന്ത്യന് വ്യോമസേനയുടെ സുഖോയ്-30, മിറാഷ് 2000 യുദ്ധവിമാനങ്ങള് കൂട്ടിയിടിച്ച് അപകടമുണ്ടായത്.
അപകടത്തെ തുടര്ന്ന് ഒരു വിമാനം മധ്യപ്രദേശിലെ മൊറേനയിലും മറ്റൊന്ന് രാജസ്ഥാനിലെ ഭരത്പൂരിലുമാണ് തകര്ന്നുവീണത്. ഭരത്പൂരില് വീണ വിമാനം പൂര്ണമായി കത്തി നശിച്ചതായും ആകാശത്തുനിന്ന് തീ പടര്ന്ന വിമാനം താഴേക്ക് പതിക്കുകയായിരുന്നുവെന്നും ദൃക്സാക്ഷികള് അറിയിച്ചു. എന്നാല് അപകടസ്ഥലത്തേക്കുള്ള യാത്ര ദുര്ഘടമായതിനാല് രക്ഷാപ്രവര്ത്തനം വൈകിയിരുന്നു. യുദ്ധവിമാനങ്ങള് ഇടിച്ച് തകര്ന്ന സംഭവത്തില് വ്യോമസേന മേധാവി എയര് ചീഫ് മാര്ഷല് വി.ആര് ചൗധരി പ്രതിരോധ മന്ത്രി രാജ്നാഥ് സിങ്ങിന് വിശദീകരണം നല്കിയിട്ടുണ്ട്.
പുലി കോഴിക്കൂട്ടില് കുടുങ്ങി; ഫിലിപ്പ് രക്ഷപെട്ടത് തലനാരിഴക്ക്
പാലക്കാട്: കോഴിക്കൂട്ടില് കുടുങ്ങി പുലി. മണ്ണാര്ക്കാട് മേക്കളപ്പാറയിലാണ് സംഭവം. മണ്ണാര്ക്കാട് കുന്തിപ്പാടം ഫിലിപ്പിന്റെ വീട്ടിലെ കോഴിക്കൂട്ടിലാണ് പുലിയെ വലയില് കുരുങ്ങിയ നിലയില് ഇന്ന് പുലര്ച്ചെ കണ്ടെത്തിയത്.ശബ്ദം കേട്ട് എത്തിയ ഫിലിപ്പ് പുലിയുടെ ആക്രമണത്തില് നിന്ന് രക്ഷപെട്ടത് തലനാരിഴക്ക്.പുലി കോഴിക്കൂട്ടില് കയറാന് ശ്രമിച്ചതിനിടെ കുടുങ്ങുകയായിരുന്നു.
കൂട്ടില് കയറാനുള്ള ശ്രമത്തിനിടെ കൂടിന്റെ വലയില് പുലിയുടെ കാല് കുടുങ്ങുകയായിരുന്നു.വിവരമറിയിച്ചതിനെ തുടര്ന്ന് വനം വകുപ്പ് ഉദ്യോഗസ്ഥരും പൊലീസും സംഭവസ്ഥലത്തെത്തി. പുലിയെ മയക്കുവെടി വെച്ച് പിടികൂടാനാണ് അധികൃതരുടെ തീരുമാനം.
