തിരുവനന്തപുരം: കാമുകൻ നൽകിയ ശീതളപാനീയം കുടിച്ചതിന് പിന്നാലെ വയറ് വേദനയെ തുടർന്ന് ആശുപത്രിയിൽ പ്രവേശിപ്പിച്ച വിദ്യാർത്ഥിനി മരിച്ചു. സംഭവത്തിൽ ദുരൂഹതയെന്ന് ബന്ധുക്കൾ ആരോപിച്ചു. കേരള തമിഴ്നാട് അതിർത്തിയ്ക്ക് സമീപം തമിഴ്നാടിലെ കന്യാകുമാരി ജില്ലയിലെ നിദ്രവിള വാവറ പുളിയറത്തലവിള വീട്ടിൽ സി.അഭിത(19)യാണ് ശനിയാഴ്ച രാത്രി മരിച്ചത്. സംഭവത്തിൽ സുഹൃത്തായ യുവാവിനെതിരെ അഭിതയുടെ അമ്മ തങ്കഭായി നിദ്രവിള പൊലീസിന് പരാതി നൽകി.
ഇരുവരും പ്രണയത്തിൽ ആയിരുന്നുവെന്നും എന്നാല്, വിവാഹ വാഗ്ദാനം നൽകിയ യുവാവ് പിന്നീട് ഇതിൽ നിന്ന് പിൻമാറിയതിന് പിന്നാലെ അഭിതയെ ഒഴിവാക്കാൻ ശ്രമിച്ചിരുന്നതായും ബന്ധുക്കൾ ആരോപിക്കുന്നു. അഭിതയും യുവാവുമായി കൂടിക്കാഴ്ച നടത്തിയതിന് അടുത്ത ദിവസം മുതലാണ് യുവതിയ്ക്ക് വയറുവേദന തുടങ്ങിയത്. ഇരുവരും കണ്ടുമുട്ടിയപ്പോള് യുവാവ് അഭിതയ്ക്ക് ശീതള പാനീയം കുടിക്കാൻ നൽകിയതായി അഭിത വീട്ടുകാരോട് പറഞ്ഞിരുന്നു. യുവാവ്, അഭിതയെ ഒഴിവാക്കാന് വേണ്ടി മനപൂര്വ്വം വിഷം കലര്ത്തിയ ശീതളപാനീയം നല്കുകയായിരുന്നുവെന്നും വീട്ടുകാര് ആരോപിക്കുന്നു.
വയറ് വേദന ശക്തമായതിനെ തുടർന്ന് അഭിതയെ മാർത്താണ്ഡത്തെ സ്വകാര്യ ആശുപത്രിയില് പ്രവേശിപ്പിച്ചു. എന്നാല്, പിന്നീട് വയറ് വേദന കൂടുകയായിരുന്നു. ഇതേ തുടർന്ന് കഴിഞ്ഞ നാലാം തിയതി ആരോഗ്യനില വഷളായപ്പോള് തിരുവനന്തപുരത്തെ സ്വകാര്യ ആശുപത്രിയിലേയ്ക്ക് അഭിതയെ മാറ്റിയിരുന്നു. ഇവിടെ ചികിത്സയിൽ കഴിയുമ്പോഴാണ് അഭിത മരണത്തിന് കീഴടങ്ങിയത്. അഭിതയുടെ കരളിന്റെ പ്രവർത്തനം പൂർണമായും തകരാറിൽ ആയതായാണ് മരണ കാരണം എന്ന് ഡോക്ടർമാർ പറഞ്ഞതായി ബന്ധുക്കൾ പറയുന്നു. പരാതിയുടെ അടിസ്ഥാനത്തിൽ തമിഴ്നാട് നിദ്രവിള പൊലീസ് അന്വേഷണം ആരംഭിച്ചു. പോസ്റ്റ്മോർട്ടം റിപ്പോർട്ട് ലഭിച്ച ശേഷം മാത്രമെ കൂടുതൽ കര്യങ്ങൾ വ്യക്തമാകൂ എന്ന് നിദ്രവിള പൊലീസ് അറിയിച്ചു. തിരുവനന്തപുരം മെഡിക്കൽ കോളേജിൽ മേൽനടപടികൾക്ക് ശേഷം മൃതദേഹം ബന്ധുക്കൾക്ക് കൈമാറി.
ജോഡോ യാത്രയിലെ കെജിഎഫിലെ ഗാനം: കോണ്ഗ്രസ് അക്കൗണ്ട് ബ്ലോക്ക് ചെയ്യാന് ട്വിറ്ററിനോട് കോടതി ഉത്തരവ്
കോണ്ഗ്രസിന്റെ അക്കൗണ്ട് ബ്ലോക്ക് ചെയ്യാന് ട്വിറ്ററിന് ബാംഗ്ലൂര് കോടതിയുടെ നിര്ദേശം. രാഹുല് ഗാന്ധിയുടെ നേതൃത്വത്തില് നടക്കുന്ന ഭാരത് ജോഡോ യാത്രയില് കെജിഎഫ് ചിത്രത്തിലെ ഗാനം അനുമതിയില്ലാതെ ഉപയോഗിച്ചെന്ന കേസിലാണ് കോടതിയുടെ നിര്ദേശം.
താത്കാലികമായി അക്കൗണ്ട് ബ്ലോക്ക് ചെയ്യണമെന്നാണ് കോടതി ആവശ്യപ്പെട്ടിരിക്കുന്നത്. കേസിന്റെ അടുത്ത വാദം കേള്ക്കുന്നത് വരെ സംഗീതം ഉപയോഗിക്കുന്നതില് നിന്ന് കോണ്ഗ്രസിനെ കോടതി വിലക്കി.
ട്വിറ്റര് പ്ലാറ്റ്ഫോമില് നിന്ന് മൂന്ന് ലിങ്കുകള് നീക്കം ചെയ്യാനും കോണ്ഗ്രസിന്റേയും ഭാരത് ജോഡോ യാത്രയുടെയും അക്കൗണ്ടുകള് ബ്ലോക്ക് ചെയ്യാനും ഉത്തരവിടുകയും ചെയ്തു.
ഭാരത് ജോഡോ യാത്രയുടെ വീഡിയോയില് കെജിഎഫ് 2 വിലെ ഗാനം ഉപയോഗിച്ചതിന്റെ പേരില് പകര്പ്പാവകാശ നിയമലംഘനത്തിന് നേരത്തേ, രാഹുല് ഗാന്ധി, ജയറാം രമേശ് എന്നിവര്ക്കെതിരെ പൊലീസ് കേസ് രജിസ്റ്റര് ചെയ്തിരുന്നു.
