കാസർകോട്: സംസ്ഥാനത്ത് വീണ്ടും മങ്കി പോക്സ് ബാധ. കാസർകോട് ജില്ലയിലാണ് ഒരു കേസ് സ്ഥിരീകരിച്ചിരിക്കുന്നത്. യുഎഇയിൽ നിന്ന് വന്ന കാസർകോട് സ്വദേശിയായ 37 കാരനാണ് മങ്കി പോക്സ് സ്ഥിരീകരിച്ചത്.
എന്താണ് മങ്കിപോക്സ്?മൃഗങ്ങളില് നിന്ന് മനുഷ്യരിലേക്ക് വൈറസ് വഴി പകരുന്ന ഒരു രോഗമാണ് മങ്കിപോക്സ് അഥവാ വാനരവസൂരി. തീവ്രത കുറവാണെങ്കിലും 1980ല് ലോകമെമ്പാടും ഉന്മൂലനം ചെയ്യപ്പെട്ടതായി പ്രഖ്യാപിക്കപ്പെട്ട ഓര്ത്തോപോക്സ് വൈറസ് അണുബാധയായ വസൂരിയുടെ ലക്ഷണങ്ങളുമായി മങ്കി പോക്സ് ലക്ഷണങ്ങള്ക്ക് സാദൃശ്യമുണ്ട്. പ്രധാനമായും മധ്യ, പടിഞ്ഞാറന് ആഫ്രിക്കയിലാണ് ഈ രോഗം കാണപ്പെടുന്നത്. 1958ലാണ് ആദ്യമായി കുരങ്ങുകളില് രോഗം സ്ഥിരീകരിച്ചത്.
1970ല് ഡെമോക്രാറ്റിക് റിപ്പബ്ലിക് ഓഫ് കോംഗോയില് 9 വയസുള്ള ആണ്കുട്ടിയിലാണ് മനുഷ്യരില് മങ്കി പോക്സ് ആദ്യമായി കണ്ടെത്തിയത്.രോഗ പകര്ച്ചരോഗം ബാധിച്ച മൃഗങ്ങളുടെ രക്തം, ശരീര സ്രവങ്ങള് എന്നിവ വഴി നേരിട്ടുള്ള സമ്പര്ക്കത്തിലൂടെ മൃഗങ്ങളില് നിന്ന് മനുഷ്യരിലേക്ക് മങ്കി പോക്സ് പകരാം. അണ്ണാന്, എലികള്, വിവിധ ഇനം കുരങ്ങുകള് എന്നിവയുള്പ്പെടെ നിരവധി മൃഗങ്ങളില് മങ്കി പോക്സ് വൈറസ് അണുബാധയുടെ തെളിവുകള് കണ്ടെത്തിയിട്ടുണ്ട്.
വനമേഖലയിലോ സമീപത്തോ താമസിക്കുന്ന ആളുകള്ക്ക് രോഗബാധിതരായ മൃഗങ്ങളുമായുള്ള സമ്പര്ക്കമുണ്ടായാല് രോഗബാധയുണ്ടാകാനുള്ള സാധ്യതയുണ്ട്.രോഗബാധിതനായ ഒരാളുടെ ശ്വാസകോശ സ്രവങ്ങളുമായുള്ള അടുത്ത സമ്പര്ക്കത്തിലൂടെയാണ് മനുഷ്യരില് നിന്ന് മനുഷ്യരിലേക്ക് രോഗം പകരുന്നത്. ക്ഷതങ്ങള്, ശരീര സ്രവങ്ങള്, ശ്വസന തുള്ളികള്, കിടക്ക പോലുള്ള വസ്തുക്കള് എന്നിവയുമായുള്ള അടുത്ത സമ്പര്ക്കം, രോഗം ബാധിച്ചയാളുമായുള്ള ലൈംഗിക ബന്ധം എന്നിവയിലൂടെ മങ്കി പോക്സ് വൈറസ് ഒരാളില് നിന്ന് മറ്റൊരാളിലേക്ക് പകരുന്നത്.
പ്ലാസന്റ വഴി അമ്മയില് നിന്ന് കുഞ്ഞിലേക്കോ അല്ലെങ്കില് ജനനസമയത്തോ, അതിനുശേഷമോ കുഞ്ഞുമായുള്ള അടുത്ത സമ്പര്ക്കത്തിലൂടെയും രോഗസംക്രമണം സംഭവിക്കാം. ലോകമെമ്പാടും വസൂരിക്കുള്ള വാക്സിനേഷന് നിര്ത്തലാക്കിയതിനാല് പൊതുജനങ്ങളില് വസൂരിക്കെതിരെയുള്ള പ്രതിരോധശേഷി കുറയുന്നത് മങ്കി പോക്സിനെതിരെയുള്ള പ്രതിരോധശേഷി കുറയ്ക്കുന്നതിനും കാരണമായേക്കാം.ലക്ഷണങ്ങള്സാധാരണഗതിയില് മങ്കി പോക്സ് ഇന്കുബേഷന് കാലയളവ് 6 മുതല് 13 ദിവസം വരെയാണ്.
എന്നാല് ചില സമയത്ത് ഇത് 5 മുതല് 21 ദിവസം വരെയാകാം. 2 മുതല് 4 ആഴ്ച വരെ ലക്ഷണങ്ങള് നീണ്ടു നില്ക്കാറുണ്ട്. മരണ നിരക്ക് പൊതുവെ കുറവാണ്.പനി, തീവ്രമായ തലവേദന, കഴലവീക്കം, നടുവേദന, പേശി വേദന, ഊര്ജക്കുറവ് എന്നിവയാണ് പ്രാരംഭ ലക്ഷണങ്ങള്. പനി വന്ന് 13 ദിവസത്തിനുള്ളില് ദേഹത്ത് കുമിളകള് പ്രത്യക്ഷപ്പെടാന് തുടങ്ങുന്നു. മുഖത്തും കൈകാലുകളിലുമാണ് കൂടുതല് കുമിളകള് കാണപ്പെടുന്നത്. ഇതിനുപുറമെ കൈപ്പത്തി, ജനനേന്ദ്രിയം, കണ്ജങ്ക്റ്റിവ, കോര്ണിയ എന്നീ ശരീരഭാഗങ്ങളിലും ഇവ കാണപ്പെടുന്നു.രോഗം ഗുരുതരമാകുന്നത് രോഗിയുടെ ആരോഗ്യനില, പ്രതിരോധശേഷി, രോഗത്തിന്റെ സങ്കീര്ണതകള് എന്നിവയെ ആശ്രയിച്ചിരിക്കുന്നു.
സാധാരണയായി കുട്ടികളിലാണ് രോഗം ഗുരുതരമാകുന്നതായി കാണപ്പെടുന്നത്. അണുബാധകള്, ബ്രോങ്കോന്യുമോണിയ, സെപ്സിസ്, എന്സെഫലൈറ്റിസ്, കോര്ണിയയിലെ അണുബാധ എന്നിവയും തുടര്ന്നുള്ള കാഴ്ച നഷ്ടവും ഈ രോഗത്തിന്റെ സങ്കീര്ണതകളില് ഉള്പ്പെടുന്നു. രോഗലക്ഷണങ്ങളില്ലാതെയുള്ള അണുബാധ എത്രത്തോളം സംഭവിക്കാം എന്നത് അജ്ഞാതമാണ്.
അഞ്ചടി പൊക്കത്തില് കാല് ചവിട്ടി മോഹന്ലാല്; ബെഞ്ചില് ചവിട്ടി ചിരഞ്ജീവി; പറ്റുന്ന പണിയ്ക്ക് പോയാല് പോരേയെന്ന് ട്രോളി സോഷ്യല് മീഡിയ
സൂപ്പര്ഹിറ്റ് ചിത്രം ലൂസിഫറിന്റെ തെലുങ്ക് റീമേക്ക് ആയ ഗോഡ് ഫാദര് ആദ്യ ടീസറിനു ലഭിച്ച ട്രോളിനു പിന്നാലെ ട്രെയിലറിനെയും വെറുതി വിടാതെ മലയാളികള്.സ്റ്റീഫന് നെടുമ്ബള്ളി’യായി എത്തുന്ന ചിരഞ്ജീവിയുടെ ഇന്ട്രൊ സീന് ആണ് ആദ്യം ട്രോള് നേരിട്ടതെങ്കില് ഇത്തവണ മോഹന്ലാലിന്റെ കാല് പൊക്കിയുള്ള ആക്ഷന് അനുകരിച്ചതാണ് വിനയായത്.
ചില ആക്ഷന് രംഗങ്ങള് മോഹന്ലാലിനു മാത്രം ചെയ്യാന് പറ്റുന്നതാണെന്നും അത് അനുകരിക്കാന് ദയവ് ചെയ്ത് ശ്രമിക്കരുതെന്നുമാണ് ട്രോളന്മാര് പറയുന്നത്. ഈ രണ്ട് രംഗങ്ങളെയും താരതമ്യം ചെയ്തുള്ള മീം കൊണ്ട് നിറയുകയാണ് സിനിമാ പേജുകളും.തമിഴിലെ സൂപ്പര്ഹിറ്റ് സംവിധായകന് മോഹന്രാജ(ജയം രാജ)യാണ് ചിരഞ്ജീവിയെ നായകനാക്കി തെലുങ്ക് ലൂസിഫര് ഒരുക്കുന്നത്. എസ്. തമന് ആണ് സംഗീത സംവിധാനം.
മലയാളത്തില് മഞ്ജു വാരിയര് അവതരിപ്പിച്ച പ്രിയദര്ശിനി എന്ന കഥാപാത്രത്തെ നയന്താരയാണ് തെലുങ്കില് പുനരവതരിപ്പിക്കുന്നത്.ലൂസിഫര് തെലുങ്കിലെത്തുമ്ബോള് നിരവധി മാറ്റങ്ങളുണ്ടാകുമെന്ന് മോഹന്രാജ വ്യക്തമാക്കിയിരുന്നു. മോഹന്ലാല് അവതരിപ്പിച്ച സ്റ്റീഫന് നെടുമ്ബള്ളിയായി തെലുങ്കില് ചിരഞ്ജീവി വരുമ്ബോള് കഥാപാത്രത്തിന്റെ ഭൂതകാലം മലയാളത്തില് നിന്ന് വ്യത്യസ്ഥമാണന്നും റിപ്പോര്ട്ടുകളുണ്ട്. പൃഥ്വിരാജ് അവതരിപ്പിച്ച സയീദ് മസൂദ് എന്ന ഗ്യാങ്സ്റ്റര് കഥാപാത്രത്തിന്റെ റോളില് സല്മാന് ഖാന് എത്തുന്നു. എന്നാല് ഇതേ കഥാപാത്രത്തെ ചില മാറ്റങ്ങളോടെയാകും തെലുങ്കില് അവതരിപ്പിക്കുക.
ഖുറേഷി അബ്രാം എന്ന ഡോണ് ആയി ഇന്ത്യയ്ക്കു പുറത്തും സ്റ്റീഫന് നെടുമ്ബള്ളി എന്ന രാഷ്ട്രീയക്കാരനായി കേരളത്തിലും വിലസുന്ന നായകനെയാണ് മോഹന്ലാല് മലയാളത്തില് അവതരിപ്പിച്ചത്. മലയാളത്തില് മാസ് പൊളിറ്റിക്കല് ത്രില്ലറായിരുന്നുവെങ്കില് തെലുങ്കില് റൊമാന്റിക് ട്രാക്കിലൂടെയും സ്റ്റീഫന് സഞ്ചരിക്കും.സത്യദേവ് കഞ്ചരണ ഒരു പ്രധാനവേഷത്തിലെത്തുന്നു. ഛായാഗ്രഹണം നിരവ് ഷാ. എഡിറ്റിങ് ശ്രീകര് പ്രസാദ്. പുരി ജഗന്നാഥ്, നാസര്, ഹരീഷ് ഉത്തമന്, സച്ചിന് ഖഡേക്കര് എന്നിവരാണ് മറ്റ് പ്രധാന താരങ്ങള്.ഒക്ടോബര് അഞ്ചിനാണ് സിനിമയുടെ റിലീസ്.
