ബെലഗാവി: കന്നഡ സിനിമാ നടൻ ശിവരഞ്ജൻ ബോലന്നവറിന് നേരെ ചൊവ്വാഴ്ച വൈകുന്നേരം അക്രമികൾ വെടിയുതിർത്തു. താരം പരിക്കേൽക്കാതെ അത്ഭുതകരമായി രക്ഷപ്പെട്ടു. ബൈൽഹോങ്കൽ ടൗണിലെ ഹനുമാൻ ക്ഷേത്രത്തിന് സമീപമുള്ള ശിവരഞ്ജനി റെസിഡൻസിക്ക് നേരെ ബൈക്കിലെത്തിയ രണ്ട് അക്രമികൾ 3-4 റൗണ്ട് വെടിയുതിർത്തു.
അക്രമികളെ ഇതുവരെ തിരിച്ചറിഞ്ഞിട്ടില്ലെങ്കിലും സ്വത്ത് തർക്കമാണ് ആക്രമണത്തിന് കാരണമെന്ന് സംശയിക്കുന്നു. പോലീസ് ഉദ്യോഗസ്ഥർ സ്ഥലത്തെത്തി അന്വേഷണം ആരംഭിച്ചു. വെടിവെപ്പ് നടത്തിയവരെക്കുറിച്ചുള്ള വിവരങ്ങൾ ലഭിക്കാൻ ശിവരഞ്ജനെ ചോദ്യം ചെയ്തുവരികയാണ്.
അക്രമികളെ കണ്ടെത്താൻ സിസിടിവി ക്യാമറകൾ പരിശോധിച്ചുവരികയാണ്. അതേസമയം, വെടിയുതിർത്തത് താരത്തെ ഭയപ്പെടുത്താനാണോ അതോ കൊല്ലാനാണോ എന്ന് കണ്ടെത്താനുള്ള ശ്രമത്തിലാണ്.
