മലയാളസിനിമയിലെ തീരാനഷ്ടമായ ഇടവ ബഷീറിന്റെ മരണത്തിന് പിന്നാലെ ഒരു ഗായകന് കൂടി കൊഴിഞ്ഞു.രണ്ടു പേര്ക്കും ഒരേ തരത്തിലുളള മരണം.ഇന്നലെ രാത്രി നടന്ന സംഗീത പരിപാടിക്ക് ശേഷമാണ് ബോളിവുഡ് ഗായകനും മലയാളിയുമായ കൃഷ്ണകുമാര് കുന്നത്ത് അന്തരിച്ചത്.
സംഭവത്തില് അസ്വാഭാവിക മരണത്തിന് കൊല്ക്കത്ത പോലീസ് കേസെടുത്തിരുന്നു. കെ.കെയുടെ പോസ്റ്റ്മോര്ട്ടം കൊല്ക്കത്തയില് നടക്കും. ശേഷം വൈകിട്ടോടെ മൃതദേഹം ഡല്ഹിയിലെത്തിക്കും. പശ്ചിമ ബംഗാള് സര്ക്കാര് ഔദ്യോഗിക ബഹുമതികളോടെ കെ.കെയ്ക്ക് വിടനല്കുമെന്ന് മുഖ്യമന്ത്രി മമതാ ബാനര്ജി അറിയിച്ചു.
ഷോ കഴിഞ്ഞ് മടങ്ങിയ ശേഷം കൊല്ക്കത്തയിലെ ഗ്രാന്ഡ് ഹോട്ടലില് വെച്ചായിരുന്നു കെ.കെയുടെ അന്ത്യം. ഷോയ്ക്കിടെ വേദിയില് കൊള്ളാവുന്നതിലും അധികം കാണികളുണ്ടായിരുന്നു. സ്റ്റേജിലെ കനത്ത ചൂടിനെക്കുറിച്ച് അദ്ദേഹം പരാതിപ്പെട്ടിരുന്നു. പരിപാടിക്കിടെ അസ്വസ്ഥനായ കെ.കെയെ അദ്ദേഹത്തിന്റെ സ്റ്റാഫംഗങ്ങള് വേദിയില് നിന്ന് പുറത്തേക്ക് കൊണ്ടുപോകുന്നത് വിഡിയോ ദൃശ്യങ്ങളില് കാണാം.
വിവിധ ഭാഷകളിലായി എഴുന്നൂറോളം ഗാനങ്ങള് ആലപിച്ചിട്ടുണ്ട് കെ.കെ എന്ന കൃഷ്ണകുമാര് കുന്നത്ത്. സിനിമാഗാനങ്ങള്ക്കൊപ്പം ഇന്ഡി പോപ്പ്, പരസ്യചിത്രങ്ങളുടെ ഗാന മേഖലയിലും തന്റെ വ്യക്തിമുദ്ര പതിപ്പിച്ച വ്യക്തിയാണ് ഈ പ്രവാസി മലയാളി. ബോളിവുഡ് സിനിമകള്ക്കായി നിരവധി ജനപ്രിയ ഗാനങ്ങള് ഇദ്ദേഹം ആലപിച്ചിട്ടുണ്ട്. കെ.കെയുടെ നിര്യാണത്തില് പ്രമുഖര് അനുശോചനങ്ങള് അറിയിച്ചു.
ഇന്നലെ രാത്രി കൊല്ക്കത്തയിലെ പരിപാടിയില് ഒരു മണിക്കൂറോളം പാടിയ ശേഷം ഹോട്ടലിലേക്കു മടങ്ങിയെത്തിയ കെകെയ്ക്ക് ശാരീരിക അസ്വസ്ഥതകളുണ്ടായി. ആശുപത്രിയിലെത്തിച്ചപ്പോഴേയ്ക്കും മരിച്ചു.
ആല്ബങ്ങളായും ജിംഗിളുകളായും ഹിന്ദി സിനിമാഗാനങ്ങളായും സംഗീതപ്രേമികളുടെ ഹൃദയം കവര്ന്ന ഗായകനാണ് കെകെ. സിനിമാഗാനങ്ങള്ക്കൊപ്പം ഇന്ഡി- പോപ്പ്, പരസ്യചിത്രങ്ങളുടെ ഗാനമേഖലയിലും വ്യക്തിമുദ്ര പതിപ്പിച്ചു. കെകെയുടെ അപ്രതീക്ഷിത വിയോഗത്തില് പ്രധാനമന്ത്രി നരേന്ദ്ര മോദി, ബോളിവുഡിലെ പ്രമുഖര് തുടങ്ങിയവര് അനുശോചിച്ചു.
കൃഷ്ണകുമാര് കുന്നത്ത്, ഗായകന് ശങ്കര് മഹാദേവനൊപ്പം തൃശൂര് തിരുവമ്ബാടി സ്വദേശി സി.എസ്.മേനോന്റെയും പൂങ്കുന്നം സ്വദേശി കനകവല്ലിയുടെയും മകനായി 1968ല് ഡല്ഹിയിലാണു ജനനം. എഴുതാനും വായിക്കാനും അറിയില്ലെങ്കിലും മലയാളം നന്നായി സംസാരിച്ചു. മോണ്ട് സെന്റ് മേരീസ് സ്കൂളിലും കിരോരി മാല് കോളജിലും പഠിക്കുമ്ബോള് ഹൃദിസ്ഥമാക്കിയതു കിഷോര് കുമാറിന്റെയും മുഹമ്മദ് റഫിയുടെയും അബ്ബയുടെയും ഗാനങ്ങള്
സ്വന്തമായി റോക്ക് മ്യൂസിക് ഗ്രൂപ്പുണ്ടാക്കി പാടി. കോളജ് വിദ്യാഭ്യാസം കഴിഞ്ഞപ്പോള് മാര്ക്കറ്റിങ് എക്സിക്യൂട്ടീവായി. താമസിയാതെ ഹീറോ ഹോണ്ടയ്ക്കും ഉഷാ ഫാനിനും വേണ്ടി പരസ്യട്യൂണുകള് മൂളിസംഗീതരംഗത്തേക്കു തന്നെയെത്തി.
ആ അനുഭവത്തിന്റെ ബലത്തിലാണ് കെകെ മുംബൈയിലെത്തിയത്. 3500ല് അധികം ജിംഗിളുകള് (പരസ്യചിത്രഗാനങ്ങള്). ടെലിവിഷന് സീരിയലുകള്ക്കായും പാടിയിട്ടുള്ള കെകെയുടെ ശബ്ദം എല്ലാ പ്രേക്ഷകര്ക്കും പരിചിതം.
മാച്ചിസ് എന്ന ഗുല്സാര് ചിത്രത്തിലെ ‘ഛോടായേ ഹം വോ ഗലിയാം….’ എന്ന ഗാനത്തോടെ കെകെയെ ഗാനലോകമറിഞ്ഞു. ഹം ദില് ദേ ചുകെ സനം എന്ന ചിത്രത്തിലെ ‘തടപ് തടപ്’ എന്ന ഗാനവും തൂ ആഷികി ഹെ (ജങ്കാര് ബീറ്റ്സ്), ആവാര പന് (ജിസം), ഇറ്റ്സ് ദ ടൈം ഫോര് ഡിസ്കോ (കല് ഹോ നാ ഹോ) എന്നീ ഗാനങ്ങളും കെകെയെ പോപ്പുലര് ചാര്ട്ടുകളുടെ മുന്നിരയിലെത്തിച്ചു.എ.ആര്. റഹ്മാന്റെ സംഗീതത്തില് മിന്സാരക്കനവില് പാടിയാണു ദക്ഷിണേന്ത്യന് സിനിമയിലേക്കു പ്രവേശിച്ചത്. വൈകാതെ തമിഴിലും തെലുങ്കിലും സ്ഥിരം ഗായകനായി.
മലയാളത്തില് പാടാന് പിന്നെയും വൈകി. ആയുധം എന്ന സിനിമയില് പാടിയെങ്കിലും യേശുദാസിന്റെ സ്ഫടികസമമായ സ്വരം കേട്ടു ശീലിച്ച മലയാളികള് തന്റെ ഉച്ചാരണശുദ്ധിയില്ലായ്മ സ്വീകരിക്കുമോ എന്നു സംശയിച്ചു. മലയാളത്തില് പുതിയ മുഖത്തിലെ ‘രഹസ്യമായ്’ ഹിറ്റ് ഗാനമാണ്.
