കർണാടകയി: ഞായറാഴ്ച (ഡിസംബർ 12, 2021) ഒമിക്‌റോൺ വേരിയന്റിന്റെ മൂന്നാമത്തെ കേസ് റിപ്പോർട്ട് ചെയ്തു, രാജ്യത്തെ ഒമിക്രോൺ ബാധിതരുടെ എണ്ണം ഇപ്പോൾ 36 ആയി ഉയർന്നു. ദക്ഷിണാഫ്രിക്കയിൽ നിന്ന് മടങ്ങിയെത്തിയ 34 കാരനാണു പോസിറ്റീവ് റിപ്പോർട്ട് ചെയ്തതെന്ന് കർണാടക ആരോഗ്യമന്ത്രി ഡോ.സുധാകർ കെ അറിയിച്ചു.
ഇയാൾ ഇപ്പോൾ സർക്കാർ ആശുപത്രിയിൽ ചികിത്സയിലാണ്. ഇയാളുമായി അഞ്ച് നേരിട്ടുള്ളതും, 15 സെക്കൻഡറി കോൺടാക്റ്റുകളും കണ്ടെത്തി, അവരുടെ സാമ്പിളുകൾ പരിശോധനയ്ക്ക് അയച്ചിട്ടുണ്ട്, ”അദ്ദേഹം കൂട്ടിച്ചേർത്തു.
രണ്ട് കേസുകളിൽ ഒന്ന്, 66 കാരനായ ദക്ഷിണാഫ്രിക്കൻ പൗരനാണ്, അദ്ദേഹം നവംബർ 20 ന് ബെംഗളൂരുവിലെത്തി പരിശോധനാ ഫലം നെഗറ്റീവായതിന് ശേഷം ഇന്ത്യ വിട്ടു. മറ്റൊരാൾ ബംഗളൂരുവിലെ ഒരു ആശുപത്രിയിൽ ഡോക്ടറായ അനസ്‌തറ്റിസ്റ്റായ 46 വയസ്സുകാരനാണ്, നവംബർ 22-ന് പോസിറ്റീവായിരുന്നു. അദ്ദേഹത്തിന് ദക്ഷിണാഫ്രിക്കയിലേക്കോ മറ്റേതെങ്കിലും രാജ്യത്തിലേക്കോ യാത്രാ ചെയ്ത ആളായിരുന്നില്ല.
