ബംഗളൂരു: മയക്കുമരുന്ന് കേസില്‍ തെന്നിന്ത്യന്‍ നടിയും മോഡലുമായ സോണിയ അഗര്‍വാളിനെ നാര്‍കോട്ടിക്സ് കണ്‍ട്രോള്‍ ബ്യൂറോ (എന്‍.സി.ബി) കസ്റ്റഡിയിലെടുത്തു. നടിയുടെ ഫ്ലാറ്റില്‍ നിന്ന് മയക്കുമരുന്നും കഞ്ചാവും കണ്ടെടുത്തതിന് പിന്നാലെയാണ് നടപടി. കര്‍ണാടക അതിര്‍ത്തിയില്‍ നിന്ന് ഇന്നലെ 21 കോടി രൂപ വിലമതിക്കുന്ന കഞ്ചാവ് എന്‍സിബി പിടികൂടിയിരുന്നു. ഈ കേസുമായി ബന്ധപ്പെട്ടായിരുന്നു പരിശോധന നടത്തിയത്.
*വിവാഹാഭ്യര്‍ത്ഥന നിരസിച്ചു; ബംഗളൂരുവില് പട്ടാപ്പകല്‍ യുവതിയെ കഴുത്തറുത്ത് കൊന്നു*
കന്നഡ നടന്‍ ഭരത്, ഡിജെ ചിന്നപ്പ എന്നിവരും എന്‍.സി.ബിയുടെ പിടിയിലായിട്ടുണ്ട്. കന്നഡയിലെ പ്രമുഖ നടിമാരായ സജ്ഞന ഗല്‍റാണി, രാഗ്വിണി ദിവേദി എന്നിവരും മയക്കുമരുന്ന് ഉപയോഗിച്ചിരുന്നതായി ഫോറന്‍സിക് റിപ്പോര്‍ട്ടില്‍ തെളിഞ്ഞിരുന്നു. അതിന് പിന്നാലെയാണ് സോണിയ അഗര്‍വാളും കുടുങ്ങുന്നത്. അതേസമയം, കന്നഡ സിനിമ മേഖലയില്‍ വന്‍ മയക്കുമരുന്ന് മാഫിയ പ്രവര്‍ത്തിക്കുന്നതായി ബംഗളൂരു പൊലീസ് ഹൈക്കോടതിയില്‍ റിപ്പോര്‍ട്ട് നല്‍കിയിരുന്നു.
*കർണാടക സ്കൂളുകൾ തുറക്കുന്നു: 6,8 ക്ലാസുകൾ സെപ്റ്റംബർ 6 മുതൽ*
