ബിഗ് ബോസ് വീട്ടില്‍ രാഹുല്‍ ഈശ്വറിന്റെ ഗെയിമിനെകുറിച്ചുള്ള ചർച്ചകള്‍ക്കിടെ ഭാര്യ ദീപയുടെ വാക്കുകള്‍ ശ്രദ്ധ നേടുന്നു.ചാനല്‍ ചർച്ചകളില്‍ വേഗം പ്രകോപിതനാകുന്ന രാഹുല്‍, ബിഗ് ബോസ് വീട്ടിനുള്ളില്‍ കഴിയുന്നത്ര ശാന്തമായി പെരുമാറാൻ ശ്രമിക്കുന്നതിന് പിന്നിലെ കാരണവും ദീപ വിശദീകരിച്ചു.നൂറ് ദിവസത്തെ ബിഗ് ബോസ് ജീവിതം കഴിഞ്ഞാലും പുറത്തൊരു ജീവിതമുണ്ടെന്ന ബോധ്യം രാഹുലിനുണ്ടെന്നാണ് ദീപ പറയുന്നത്.ബിഗ് ബോസ് വീട്ടിലെ ദൃശ്യങ്ങള്‍ നൂറ് ദിവസം കഴിയുന്നതോടെ അവസാനിക്കുന്നതല്ല. പിന്നീട് അവയും പുറത്തുണ്ടാകും. നാളെ തന്റെ മക്കള്‍ പോലും ബിഗ് ബോസ് വീട്ടിലെ രാഹുലിന്റെ പെരുമാറ്റം കാണുമ്പോള്‍ അതിനെക്കുറിച്ച്‌ അഭിപ്രായം പറയാം.
അതുകൊണ്ടുതന്നെ ഗെയിമിന്റെ പേരില്‍ എന്തും ചെയ്യണമെന്ന നിലപാടല്ല രാഹുലിനുള്ളതെന്നും ദീപ പറഞ്ഞു.ചാനല്‍ ചർച്ചകളില്‍ രാഹുല്‍ വേഗത്തില്‍ പ്രകോപിതനാകുന്ന സ്വഭാവമുള്ളയാളാണെങ്കിലും ബിഗ് ബോസ് വീട്ടില്‍ അത്തരത്തിലുള്ള രാഹുലിനെയല്ല കാണുന്നതെന്നാണ് ദീപയുടെ വാക്കുകളില്‍ നിന്ന് വ്യക്തമാകുന്നത്. എല്ലാവരും ആക്രോശിച്ച്‌ കളിക്കണമെന്നോ ആക്രോശിക്കുന്നതാണ് ഒരു മത്സരാർഥിയുടെ പൊട്ടൻഷ്യലിന്റെ തെളിവെന്നോ കരുതുന്നത് തെറ്റാണെന്നും അവർ പറഞ്ഞു.മറ്റുള്ളവരുടെ കാര്യങ്ങളില്‍ ഇടപെട്ട് കഴിയുന്നത്ര പ്രശ്നങ്ങള്‍ക്ക് പരിഹാരം കാണാനും ബിഗ്ബോസ്വീട്ടില്‍ സമാധാനം കൊണ്ടുവരാനുമാണ് രാഹുല്‍ ശ്രമിക്കുന്നതെന്നും ദീപ വ്യക്തമാക്കി. അതിനെ സേഫ് ഗെയിം എന്ന് വിശേഷിപ്പിക്കാനാകില്ലെന്നും അവർ പറഞ്ഞു.മോഹൻലാലിനോട് രാഹുല്‍ തന്നെ ഒരു ബോസ് അല്ല, ലീഡർ മാത്രമാണെന്ന് പറഞ്ഞ കാര്യവും ദീപ പരാമർശിച്ചു. രാഹുല്‍ എന്ത് ചെയ്താലും വിമർശനങ്ങള്‍ ഉണ്ടാകുമെന്നും ബിഗ് ബോസ് ഗെയിമിനൊപ്പം അത്തരം വിമർശനങ്ങളും സ്വാഭാവികമായി ഉണ്ടാകുമെന്നും അവർ പറഞ്ഞു.
അതിനിടെ, ജസീല രാഹുല്‍ ഈശ്വറിന് മസാജ് ചെയ്ത സംഭവത്തെക്കുറിച്ചുള്ള ചർച്ചകളോടും ദീപ പ്രതികരിച്ചു. അതേക്കുറിച്ച്‌ സംസാരിക്കേണ്ട കാര്യം പോലുമില്ലെന്നും കേവലം മലയാളികളുടെ സദാചാര ബുദ്ധിയാണ് ഇതിന് പിന്നിലെന്നുമായിരുന്നു ദീപയുടെ പ്രതികരണം.രാഹുലിന്റെ ബിഗ് ബോസ് ഗെയിമിനെക്കുറിച്ച്‌ ദീപ നടത്തുന്ന ഈ വിശദീകരണം സോഷ്യല്‍ മീഡിയയിലും ശ്രദ്ധ നേടുന്നുണ്ട്. രാഹുലിന് ശക്തമായ പിന്തുണ നല്‍കുന്ന ഭാര്യയാണ് ദീപയെന്നും, പുറത്തുള്ള ചർച്ചകളിലെ രാഹുലിനെയും ബിഗ് ബോസ് വീട്ടിലെ രാഹുലിനെയും രണ്ടായി കാണണമെന്നുമുള്ള തരത്തിലുള്ള പ്രതികരണങ്ങളാണ് ആരാധകരില്‍ ചിലരുടേത്.മൂവി വേള്‍ഡ് മീഡിയയ്ക്ക് നല്‍കിയ അഭിമുഖത്തിലാണ് ദീപ ഇക്കാര്യങ്ങള്‍ പറഞ്ഞത്. ബിഗ് ബോസ് വീട്ടിനുള്ളില്‍ കഴിയുന്നത്ര ശാന്തമായി ഗെയിം മുന്നോട്ടുകൊണ്ടുപോകുന്ന രാഹുലിന്റെ സമീപനത്തെക്കുറിച്ചുള്ള ദീപയുടെ വാക്കുകള്‍ വരും ദിവസങ്ങളില്‍ കൂടുതല്‍ ചർച്ചയാകാനും സാധ്യതയുണ്ട്.
