ബെംഗളൂരു: ഇന്ന് ഇന്ത്യൻ സിനിമയിലെ ഏറ്റവും ശ്രദ്ധേയമായ താരങ്ങളില് ഒരാളാണ് കന്നഡ സൂപ്പർതാരം യഷ്. ‘കെ.ജി.എഫ്’ ഒന്നും രണ്ടും ഭാഗങ്ങളിലെ റോക്കി ഭായ് എന്ന കഥാപാത്രത്തിലൂടെ പാൻ-ഇന്ത്യൻ താരമായി ഉയർന്ന യഷ്, ഗീതു മോഹൻദാസ് സംവിധാനം ചെയ്യുന്ന ‘ടോക്സിക്: എ ഫെയറിടേല് ഫോർ ഗ്രോണ്-അപ്സ്’, നിതീഷ് തിവാരിയുടെ ‘രാമായണ’ തുടങ്ങിയ വമ്പൻ ചിത്രങ്ങളിലൂടെ കരിയറിന്റെ പുതിയ ഘട്ടത്തിലേക്ക് കടക്കുകയാണ്.എന്നാല് യഷിന്റെ ഈ താരപദവിക്ക് പിന്നില് ഏറെ കഠിനമായൊരു യാത്രയുണ്ട്. സിനിമയില് അവസരം തേടി 16-ാം വയസ്സില് വീടുവിട്ടിറങ്ങിയപ്പോള് കൈയിലുണ്ടായിരുന്നത് വെറും 300 രൂപ. ആദ്യകാലത്ത് പ്രതിദിനം 50 രൂപയോളം വരുമാനത്തില് ചായ വില്പ്പന ഉള്പ്പെടെയുള്ള ചെറിയ ജോലികള് ചെയ്താണ് ജീവിതം മുന്നോട്ടുകൊണ്ടുപോയത്.
പിന്നീട് നാടകസംഘങ്ങളുമായി ചേർന്ന് പ്രവർത്തിച്ചാണ് അഭിനയരംഗത്തേക്ക് ചുവടുവച്ചത്.ടെലിവിഷനില് നിന്ന് സിനിമയിലേക്ക്2004-ല് ‘ഉത്തരായന’ എന്ന ടെലിവിഷൻ പരമ്പരയിലൂടെയാണ് യഷിന്റെ അഭിനയജീവിതത്തിന് തുടക്കമാകുന്നത്. തുടർന്ന് ‘നന്ദ ഗോകുല’, ‘മേലെ ബില്ലു’, ‘പ്രീതി ഇല്ലാദ മേലെ’ തുടങ്ങിയ പരമ്പരകളിലൂടെ പ്രേക്ഷകശ്രദ്ധ നേടി. 2007-ല് ‘ജംബാഡ ഹുഡുഗി’യിലൂടെ സഹനടനായാണ് സിനിമയിലെത്തിയത്. തൊട്ടടുത്ത വർഷം ‘റോക്കി’യിലൂടെ നായകനായി. 2010-ല് പുറത്തിറങ്ങിയ ‘മൊദലശാല’ യഷിന് കൂടുതല് ജനപ്രീതി നേടിക്കൊടുത്തു. സിനിമാ സംവിധാനത്തിലും താരം സഹായിയായി പ്രവർത്തിച്ചിട്ടുണ്ടെന്നതും ശ്രദ്ധേയമാണ്.റോക്കി ഭായിയിലൂടെ പാൻ-ഇന്ത്യൻ താരമായിയഷിന്റെ കരിയറിലെ ഏറ്റവും വലിയ വഴിത്തിരിവായിരുന്നു 2018-ല് പുറത്തിറങ്ങിയ ‘കെ.ജി.എഫ്: ചാപ്റ്റർ വണ്’. പ്രശാന്ത് നീല് സംവിധാനം ചെയ്ത ചിത്രം വൻ വിജയമായി മാറിയതോടെ യഷ് ദേശീയതലത്തില് ശ്രദ്ധിക്കപ്പെട്ടു. ചിത്രത്തിലെ സ്റ്റൈലിഷ് ഗ്യാങ്സ്റ്റർ കഥാപാത്രമായ റോക്കി ഭായ് ആരാധകർക്കിടയില് വലിയ തരംഗം സൃഷ്ടിച്ചു.’കെ.ജി.എഫ്: ചാപ്റ്റർ 2′ എത്തിയതോടെ ഈ താരപദവി കൂടുതല് ശക്തമായി.
ചിത്രം ആഗോള ബോക്സ് ഓഫീസില് 1,200 കോടിയിലേറെ രൂപയുടെ കളക്ഷൻ നേടിയതായാണ് റിപ്പോർട്ടുകള്.ഇനി ‘രാമായണ’വും ‘ടോക്സിക്കും’നിതീഷ് തിവാരി സംവിധാനം ചെയ്യുന്ന ബിഗ് ബജറ്റ് ‘രാമായണ’ത്തില് രാവണനായാണ് യഷ് എത്തുന്നത്. രണ്ബീർ കപൂർ രാമനായും സായി പല്ലവി സീതയായും വേഷമിടുന്ന ചിത്രത്തിന്റെ സഹനിർമാതാവും യഷാണ്.ഗീതു മോഹൻദാസ് സംവിധാനം ചെയ്യുന്ന ‘ടോക്സിക്’ ആണ് താരത്തിന്റെ മറ്റൊരു പ്രധാന പ്രോജക്ട്. ആക്ഷൻ ത്രില്ലർ സ്വഭാവത്തിലുള്ള ചിത്രത്തില് രായ എന്ന കഥാപാത്രത്തെയാണ് യഷ് അവതരിപ്പിക്കുന്നത്.കുടുംബവും സ്വകാര്യജീവിതവുംബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷനില് ഡ്രൈവറായിരുന്ന അരുണ് കുമാറിന്റെയും വീട്ടമ്മയായ പുഷ്പയുടെയും മകനാണ് യഷ്.
നടി രാധിക പണ്ഡിറ്റുമായുള്ള ദീർഘകാല പ്രണയത്തിനൊടുവില് ഇരുവരും 2016-ല് വിവാഹിതരായി. ദമ്പതികള്ക്ക് രണ്ട് മക്കളുണ്ട്.കോടികളുടെ ആസ്തിയും ആഡംബര ജീവിതവുംവിവിധ റിപ്പോർട്ടുകള് പ്രകാരം യഷിന്റെ നിലവിലെ ആസ്തി ഏകദേശം 60 കോടി രൂപയാണ്. വടക്കൻ ബെംഗളൂരുവിലെ പ്രസ്റ്റീജ് ഗോള്ഫ്ഷെയറില് ഏകദേശം ഏഴ് കോടി രൂപ വിലമതിക്കുന്ന ആഡംബര ഡ്യൂപ്ലെക്സ് വസതിയും താരത്തിനുണ്ട്. ബെംഗളൂരുവിലും മറ്റ് സ്ഥലങ്ങളിലുമായി നിരവധി വസ്തുവകകളും ആഡംബര കാറുകളുടെ ശേഖരവും യഷിന്റെ സമ്പാദ്യത്തിലുണ്ട്.വെറും 300 രൂപയുമായി സിനിമാ സ്വപ്നം തേടി വീടുവിട്ടിറങ്ങിയ യുവാവില് നിന്ന് പാൻ-ഇന്ത്യൻ സൂപ്പർതാരത്തിലേക്കുള്ള യഷിന്റെ വളർച്ച, ഇന്ത്യൻ സിനിമയിലെ ഏറ്റവും പ്രചോദനാത്മകമായ വിജയകഥകളിലൊന്നാണ്.
