മംഗളൂരു: അന്തർ സംസ്ഥാന യാത്രക്കാർ ചെക്ക് പോസ്റ്റുകളിൽ കാണിക്കുന്ന ആർടി-പിസിആർ നെഗറ്റീവ് സർട്ടിഫിക്കറ്റ് ആധികാരികമാണെന്ന് ഉറപ്പുവരുത്താൻ അതിർത്തി നിരീക്ഷണത്തിൽ ഏർപ്പെട്ടിരിക്കുന്ന ഉദ്യോഗസ്ഥർക്ക് ദക്ഷിണ കന്നഡ ജില്ലാ ഭരണകൂടം നിർദേശം നൽകി.
അതിർത്തികളിൽ ആർടി-പിസിആർ നെഗറ്റീവ് റിപ്പോർട്ടുകൾ കാണിച്ചതിനുശേഷവും കേരളത്തിലെ 228 വിദ്യാർത്ഥികൾക്ക് ദക്ഷിണ കന്നഡയിലെത്തിയതിനു ശേഷം പോസിറ്റീവ് ആയ പശ്ചാത്തലത്തിലാണ് പരിശോധന കടുപ്പിക്കാൻ തീരുമാനമെടുത്തത്.
അടുത്ത ദിവസങ്ങളിൽ കേരളത്തിൽ നിന്നുള്ള വിദ്യാർത്ഥികൾക്ക് കമ്പസുകളിൽ കോവിഡ് പോസിറ്റീവ് റിപ്പോർട്ട്‌ ചെയ്തതിനെ തുടർന്ന് അതിർത്തികളിൽ ആർടി-പിസിആർ നെഗറ്റീവ് റിപ്പോർട്ടുകൾ രണ്ടു തവണ പരിശോധിക്കണമെന്ന് ജില്ലാ ഭരണകൂടം നിർദ്ദേശം നൽകി.
ജില്ലയിൽ പ്രവേശിക്കുമ്പോൾ കേരളത്തിൽ നിന്നുള്ള വിദ്യാർത്ഥികൾ കൊണ്ടുവരുന്ന ആർടി-പിസിആർ നെഗറ്റീവ് റിപ്പോർട്ടുകളുടെ ആധികാരികത പരിശോധിക്കാൻ ഞാൻ ഉദ്യോഗസ്ഥരോട് നിർദ്ദേശിച്ചിട്ടുണ്ട്. വിദ്യാർത്ഥികൾ ക്യാമ്പസിൽ പ്രവേശിക്കുമ്പോൾ കോവിഡ് -19 റിപ്പോർട്ടുകളുടെ ആധികാരികത പരിശോധിക്കാൻ ഞങ്ങൾ ജില്ലയിലെ കോളേജുകളോടും നിർദ്ദേശിച്ചിട്ടുണ്ട്. റിപ്പോർട്ടുകൾ ഏകീകൃതമല്ലാത്തതിനാൽ ആർടി-പിസിആർ നെഗറ്റീവ് സർട്ടിഫിക്കറ്റുകളുടെ ആധികാരികത ഞങ്ങൾക്ക് വലിയ വെല്ലുവിളിയാണ്, “രാജേന്ദ്ര പറഞ്ഞു.
