ബംഗളൂരു: കെംപെഗൗഡ രാജ്യാന്തര വിമാനത്താവളത്തില് പുതിയതായി തുറന്ന ടെര്മിനലിന്റെ അടിസ്ഥാന സൗകര്യങ്ങളെ പ്രശംസിച്ച് നടൻ ആര്. മാധവൻ. ഇൻസ്റ്റഗ്രാമില് പങ്കുവച്ച വിഡിയോയിലാണ് നടൻ പ്രശംസയുമായെത്തിയത്.
ഇതൊരു വിമാനത്താവളമാണെന്ന് ആരും വിശ്വസിക്കില്ല. ഇന്ത്യയിലെ അടിസ്ഥാനസൗകര്യങ്ങളുടെ വികസനം അവിശ്വസനീയ തരത്തിലാണ്. വിമാനത്താവളത്തിലെ പല ഭാഗങ്ങളിലും മച്ചില്നിന്നും തൂങ്ങിക്കിടക്കുന്ന ചെടികള് പിടിപ്പിച്ചിട്ടുണ്ട്. അവ യഥാര്ഥ ചെടികളാണ്. ദിവസവും അവയ്ക്കു വെള്ളം ഒഴിച്ചു പരിചരിക്കുന്നുണ്ട്. നിരവധി മുള കൊണ്ടുള്ള നിര്മിതികളും കാണാം. അതുകൊണ്ട് തന്നെ ഇതൊരു വിമാനത്താവളമാണെന്ന് ആരും വിശ്വസിക്കില്ലെന്നും മാധവൻ പറഞ്ഞു. ടെര്മിനലിന്റെ വിഡിയോയും മാധവൻ പുറത്തുവിട്ടിട്ടുണ്ട്.
മാധവന്റെ അഭിപ്രായ ശ്രദ്ധയില്പെട്ട പ്രധാനമന്ത്രി മോദി ഉടൻ പ്രതികരണവുമായി രംഗത്തെത്തി. രാജ്യത്തിന്റെ വളര്ച്ചക്കായുള്ള പുതിയ തലമുറയുടെ അടിസ്ഥാന സൗകര്യങ്ങളെന്നായിരുന്നു പ്രധാനമന്ത്രിയുടെ പ്രതികരണം.
