ബെംഗളൂരു: ഐടി നഗരമായ ബെംഗളൂരുവിലേക്ക് ദിവസവും ആയിരങ്ങളാണ് എത്തുന്നത്. ദക്ഷിണേന്ത്യയിലെ പ്രധാന നഗരമായതിനാല് ബെംഗളൂരുവിലേക്ക് എത്തുന്നവർ കൂടുതലായി ആശ്രയിക്കുന്ന കെമ്പെഗൗഡ അന്താരാഷ്ട്ര വിമാനത്താവളത്തെയാണ്.അതിനാല് തന്നെ തന്നെ വിമാനത്താവളത്തിലെ തിരക്ക് കണക്കിലെടുത്ത് ബെംഗളൂരു നഗരത്തില് നിന്ന് ഏതാനം കിലോമീറ്റർ അകലെ പുതിയ വിമാനത്താവളം നിർമിക്കനുള്ള ഒരുക്കങ്ങള് കർണാടക സർക്കാർ ആരംഭിച്ചിരുന്നു.നിർദിഷ്ട പദ്ധതിക്കായി മൂന്ന് സ്ഥലങ്ങള് കണ്ടെത്തുകയും ഇവയിലൊന്ന് തെരഞ്ഞെടുക്കാനുള്ള ശ്രമങ്ങള് ആരംഭിക്കുകയും ചെയ്തുവെങ്കിലും ബെംഗളൂരുവിന്റെ രണ്ടാമത്തെ വിമാനത്താവളം ദക്ഷിണ (സൗത്ത്) ബെംഗളൂരുവില് വരുമെന്ന് കർണാടക മുഖ്യമന്ത്രി ഡികെ ശിവകുമാർ ബുധനാഴ്ച പറഞ്ഞു.
നിർദിഷ്ട വിമാനത്താവള പദ്ധതിക്കായുള്ള സ്ഥലത്തിന് ഇതുവരെ പേര് നല്കിയിട്ടില്ല, എന്നാല് നേരത്തെ നിർദേശിച്ച സ്ഥലങ്ങള്ക്ക് അനുസൃതമായി പദ്ധതി പ്രദേശം ബെംഗളൂരു നഗരത്തിന്റെ തെക്കൻ ഭാഗത്തായിരിക്കും. പദ്ധതിക്കായി ഗ്രാമങ്ങള് ഒഴിപ്പിക്കാനോ താമസക്കാരെ മാറ്റിപ്പാർപ്പിക്കുകയോ ചെയ്യാൻ സർക്കാർ ആഗ്രഹിക്കുന്നില്ലെന്ന് മുഖ്യമന്ത്രി പറഞ്ഞു.വിമാനത്താവളത്തിനായി അനുകൂലമായ ഭൂമിയുള്ള പ്രദേശം, കുന്നിൻ പ്രദേശമല്ലാത്ത ഭൂപ്രകൃതി ഉള്പ്പെടെയുള്ള കാര്യങ്ങള്സാധ്യമാകുന്നതുമായ ഒരു സ്ഥലം കണ്ടെത്തിയ ശേഷം കേന്ദ്ര സർക്കാരിന് സമർപ്പിക്കാൻ ഒരു നിർദേശം തയ്യാറാക്കാൻ ഉദ്യോഗസ്ഥരോട് ആവശ്യപ്പെട്ടിട്ടുണ്ടെന്ന് കർണാടക മുഖ്യമന്ത്രി പറഞ്ഞു. കെമ്പെഗൗഡ അന്താരാഷ്ട്ര വിമാനത്താവളത്തിലെ തിരക്ക് കുറയ്ക്കാനുള്ള ശ്രമത്തിൻ്റെ ഭാഗമായാണ് ബെംഗളൂരുവിന്റെ രണ്ടാമത്തെ വിമാനത്താവള പദ്ധതി.വിമാനത്താവള പദ്ധതി ഒരു ഗ്രാമത്തെയും ബാധിക്കില്ലെന്നും ഗ്രാമവാസികള് കുടിയിറക്കപ്പെടരുതെന്നും സർക്കാർ ആവശ്യപ്പെടുന്നുണ്ടെന്ന് മന്ത്രി എം.ബി. പാട്ടീല് പറഞ്ഞു.
“ഭൂമിയുടെ വില കുറവുള്ളതും സാങ്കേതികമായി സാധ്യമായതും വളരെ കുന്നിൻ പ്രദേശങ്ങള് ഇല്ലാത്തതുമായ സ്ഥലം പരിഗണിച്ച ശേഷം കേന്ദ്ര സർക്കാരിന് നിർദേശം സമർപ്പിക്കാൻ ഉദ്യോഗസ്ഥരോട് ആവശ്യപ്പെട്ടു.ചിതറിക്കിടക്കുന്ന കുറച്ച് വീടുകള് ഒരു പ്രശ്നമല്ല, കാരണം അവയ്ക്ക് നഷ്ടപരിഹാരം നല്കാൻ കഴിയും, പക്ഷേ പദ്ധതിക്കായി ഗ്രാമങ്ങള് മാറ്റരുതെന്ന് മന്ത്രി കൂട്ടിച്ചേർത്തു.മാർച്ചില് അവതരിപ്പിച്ച സംസ്ഥാന ബജറ്റില് രാജ്യത്തെ മൂന്നാമത്തെ വലിയ വിമാനത്താവളമായി ഉയർന്നുവന്ന കെമ്പെഗൗഡ അന്താരാഷ്ട്ര വിമാനത്താവളത്തിലെ ഗതാഗതം സുഗമമാക്കുന്നതിന് ബെംഗളൂരുവില് രണ്ടാമത്തെ വിമാനത്താവളം വികസിപ്പിക്കുമെന്ന് അന്നത്തെ മുഖ്യമന്ത്രിയായിരുന്ന സിദ്ധരാമയ്യ പറഞ്ഞിരുന്നു. എയർപോർട്ട് അതോറിറ്റി ഓഫ് ഇന്ത്യയുടെ സാങ്കേതിക ഉപദേശത്തിന് ശേഷം ഒരു സാധ്യതാ റിപ്പോർട്ട് തയ്യാറാക്കുമെന്ന് അദ്ദേഹം അറിയിച്ചിരുന്നു.ബെംഗളൂരുവിലെ രണ്ടാമത്തെ അന്താരാഷ്ട്ര വിമാനത്താവളത്തിനായി നേരത്തെ ഷോർട്ട്ലിസ്റ്റ് ചെയ്ത മൂന്ന് സ്ഥലങ്ങള് എഎഐ ഉദ്യോഗസ്ഥർ ഇതിനകം സന്ദർശിച്ചു. ദക്ഷിണ ബെംഗളൂരുവിലെ ഹരോഹള്ളിക്ക് സമീപമുള്ള കനകപുര റോഡിലുള്ള രണ്ടെണ്ണവും നഗരത്തിന്റെ പടിഞ്ഞാറ് ഭാഗത്തുള്ള നെലമംഗലയിലെ കുനിഗലിലുമാണ് മറ്റൊരു സ്ഥലം.
