ബംഗളൂരു നടുറോഡില് യുവതിയെ കടന്നുപിടിക്കാന് ശ്രമിച്ച പ്രതി പിടിയില്. തിലക് നഗര് സ്വദേശി സന്തോഷ് ഡാനിയേല് ആണ് കോഴിക്കോട് നിന്ന് പിടിയിലായത്.റോഡിലൂടെ നടക്കുകയായിരുന്ന യുവതികളെ പിന്തുടര്ന്ന ഇയാള് അവരില് ഒരാളുടെ സ്വകാര്യഭാഗത്ത് കടന്നുപിടിക്കുകയായിരുന്നു. ഇയാളുടെ സിസിടിവി ദൃശ്യങ്ങള് പൊലീസിന് ലഭിച്ചിരുന്നു. ദൃശ്യങ്ങളില് വ്യക്തതയില്ലാത്തതിനാല് കേസന്വേഷണത്തില് വലിയ പ്രതിസന്ധി നേരിട്ടിരുന്നു. തുടര്ന്ന് അന്വേഷണസംഘത്തിന്റെ നേതൃത്വത്തില് 800 സിസിടിവി ദൃശ്യങ്ങളാണ് പൊലീസ് പരിശോധിച്ചത്. മൂന്നു സംസ്ഥാനങ്ങളിലായി നടത്തിയ അന്വേഷണത്തിനൊടുവിലാണ് പൊലീസ് സന്തോഷിലേക്ക് എത്തിയത്.
യുവതികളെ ആക്രമിച്ച ശേഷം പ്രതി സംഭവസ്ഥലത്തുനിന്നു മുങ്ങിയിരുന്നു. ബംഗളൂരുവില്നിന്ന് തമിഴ്നാട്ടിലെ ഹൊസൂരിലേക്കാണ് പ്രതി സന്തോഷ് ആദ്യം കടന്നത്. തുടര്ന്ന് സേലത്തേക്കും പിന്നീട് കോഴിക്കോട്ടേക്കും രക്ഷപ്പെടുകയായിരുന്നു. മൂന്ന് സംസ്ഥാനങ്ങളിലായി ഒരാഴ്ചയോളം നീണ്ടുനിന്ന അന്വേഷണത്തിനൊടുവിലാണ് ബംഗളൂരു പൊലീസ് സന്തോഷിനെ പിടികൂടിയത്.സംഭവം നടന്ന വഴിയിലെ ഒരു കെട്ടിടത്തിന്റെ സിസിടിവിയിലാണ് ആക്രമണത്തിന്റെ ദൃശ്യങ്ങള് പതിഞ്ഞത്. ആളൊഴിഞ്ഞ വഴിയിലൂടെ നടന്നുവന്നിരുന്ന പെണ്കുട്ടികളില് ഒരാളെ പിന്നാലെ എത്തിയ പ്രതി പുറകില്നിന്ന് കടന്നുപിടിക്കുകയായിരുന്നു. പെണ്കുട്ടികള് അക്രമിയെ ചെറുക്കാൻ ശ്രമിക്കുന്നതും നിമിഷങ്ങള്ക്കകം ഇയാള് വന്നവഴിയേ ഓടിമറയുന്നതും സിസിടിവി ദൃശ്യങ്ങളില് കാണാം.
ദൃശ്യങ്ങള് വൈറലായെങ്കിലും ആരും പരാതിയുമായി എത്താതിരുന്നതോടെയാണ് ബെംഗളൂരു പോലീസ് സ്വമേധയാ കേസില് അന്വേഷണം ആരംഭിച്ചത്. കൈയേറ്റം, ലൈംഗികാതിക്രമം, അപായപ്പെടുത്താനുള്ള ലക്ഷ്യത്തോടെ പിന്തുടരുക എന്നീ വകുപ്പുകള് ചുമത്തിയാണ് പോലീസ് പ്രതിക്കെതിരെ എഫ്ഐആർ തയ്യാറാക്കിയത്. സിസിടിവിയില് അക്രമിയുടെ മുഖം വ്യക്തമായി പതിയാതിരുന്നത് പോലീസിന് വലിയ വെല്ലുവിളിയാണ് ഉയർത്തിയത്.
ലഭ്യമായ വിവരങ്ങളുടെ അടിസ്ഥാനത്തില് പോലീസ് പ്രതിക്കായി അന്വേഷണം ശക്തമാക്കിയതോടെ സന്തോഷ് തമിഴ്നാട്ടിലെ ഹൊസൂരിലേക്ക് പോയി. അവിടെനിന്നാണ് കോഴിക്കോട്ടേക്ക് കടന്നത്. മൂന്ന് സംസ്ഥാനങ്ങളിലായി ഒരാഴ്ചയോളം നടത്തിയ അന്വേഷണത്തിനൊടുവില് ഇന്നലെ രാത്രിയോടെയാണ് പോലീസ് സന്തോഷിനെ കോഴിക്കോട്ട് നിന്നും കസ്റ്റഡിയിലെടുത്തത്.കയ്യേറ്റത്തിനിരയായ പെണ്കുട്ടി പോലീസുമായി ബന്ധപ്പെട്ടിരുന്നുവെന്നും ഇത്തരം ഒരു കേസിലേക്ക് വലിച്ചിഴയ്ക്കപ്പെടാൻ താല്പര്യമില്ലാത്തതിനാലാണ് കേസ് നല്കാതിരുന്നത് എന്ന് അറിയിച്ചതായും ബെംഗളൂരു പോലീസിനെ ഉദ്ധരിച്ച് ദേശീയമാധ്യമങ്ങള് റിപ്പോർട്ട് ചെയ്യുന്നു. സംഭവവുമായി ബന്ധപ്പെട്ട്, ‘ബെംഗളൂരു പോലെ വലിയ നഗരങ്ങളില് ഇത്തരം സംഭവങ്ങള് നടക്കുന്നത് സാധാരണയാണ്’ എന്ന കർണാടക ആഭ്യന്തര മന്ത്രിയുടെ പരാമർശം വലിയ വിവാദങ്ങള്ക്ക് വഴിവെച്ചിരുന്നു.
