ഉണ്ണി മുകുന്ദൻ, സൂരി, ശശികുമാർ എന്നിവർ അഭിനയിക്കുന്ന ‘ഗരുഡൻ’ ഇനി വീട്ടിലേക്ക്. ചിത്രത്തിന്റെ ഒ.ടി.ടി.സ്ട്രീമിംഗ് ആരംഭിച്ചു. ആമസോണ്‍ പ്രൈം, സിംപ്ലി സൗത്ത്, ടെന്റ് കൊട്ട തുടങ്ങിയ പ്ലാറ്റ്‌ഫോമുകളിലാണ് സ്ട്രീമിംഗ്. വെട്രിമാരന്റെ അസോസിയേറ്റ് ഡയറക്ടർ ദുരൈ സെന്തില്‍ കുമാറാണ് ചിത്രം സംവിധാനം ചെയ്യുന്നത്. എതിർ നീച്ചല്‍, കൊടി, പട്ടാസ്, കാക്കിസട്ടെ തുടങ്ങിയ ചിത്രങ്ങള്‍ സംവിധാനം ചെയ്തത് ദുരൈ സെന്തില്‍കുമാർ ആണ്. 2024 മെയ് 31നായിരുന്നു ഈ ചിത്രം തിയേറ്ററില്‍ റിലീസ് ചെയ്തത്.
സമുദ്രക്കനി, രേവതി ശർമ്മ, ശിവദ നായർ, മൈം ഗോപി, മൊട്ടൈ രാജേന്ദ്രൻ, തുടങ്ങിയവരും താരനിരയില്‍ ഉള്‍പ്പെടുന്നു.യുവൻ ശങ്കർ രാജയുടെ സംഗീതവും ആർതർ എ. വില്‍സണ്‍ ഛായാഗ്രഹണവും നിർവ്വഹിക്കുന്ന ഈ ചിത്രത്തിന്റെ കഥ സംവിധായകൻ വെട്രിമാരനാണ് എഴുതിയിരിക്കുന്നത്. പ്രദീപ് ഇ. രാഘവ് എഡിറ്റിംഗും ജി. ദുരൈരാജും കലാസംവിധാനത്തിന് മേല്‍നോട്ടം വഹിക്കുന്നു.ലാർക്ക് സ്റ്റുഡിയോസിന്റെ ബാനറില്‍ കെ. കുമാർ നിർമ്മിച്ച ആക്ഷൻ പാക്ക് എന്റർടെയ്‌നർ ചിത്രമാണിത്.
