മുംബൈ: ഇന്ത്യന് ഓഹരി വിപണികള് തുടര്ച്ചയായ ആറാം ദിവസവും നഷ്ടത്തോടെ വ്യാപാരം തുടങ്ങി. ആഗോളവിപണികളിലെ തകര്ച്ചമൂലം ഇന്ത്യയില് ഉടലെടുത്ത കനത്ത വില്പന സമ്മര്ദമാണ് വിപണിക്ക് തിരിച്ചടിയായത്. ഏഷ്യന്, യു.എസ് വിപണികളില് കഴിഞ്ഞ ദിവസം തിരിച്ചടിയുണ്ടായി. ഇത് ഇന്ത്യന് വിപണിയിലും പ്രതിഫലിക്കുകയായിരുന്നു. യു.എസ് കേന്ദ്രബാങ്കിെന്റ സാമ്ബത്തിക നയം എന്തായിരിക്കുമെന്ന ആശങ്ക വലിയൊരളവ് വരെ ആഗോളവിപണികളെ സ്വാധീനിക്കുന്നുണ്ട്. നിര്മ്മല സീതാരാമന് അവതരിപ്പിക്കുന്ന കേന്ദ്രബജറ്റും ഇന്ത്യന് വിപണിയെ സ്വാധീനിക്കുന്നുണ്ട്.
ബോംബെ സൂചിക സെന്സെക്സ് 1021 പോയിന്റ് നഷ്ടത്തോടെയാണ് ഇന്ന് വ്യാപാരം ആരംഭിച്ചത്. 1.78 ശതമാനം നഷ്ടമാണ് സെന്സെക്സില് രേഖപ്പെടുത്തിയത്. നിഫ്റ്റി 301 പോയിന്റും ഇടിഞ്ഞു. നിഫ്റ്റി 17,000 പോയിന്റിന് താഴെ പോകുന്നതിനും വിപണി ഇന്ന് സാക്ഷിയായി. മിഡ്ക്യാപ്, സ്മോള് ക്യാപ് ഓഹരികള് നെഗറ്റീവ് സോണിലാണ്. മിഡ്ക്യാപ് ഇന്ഡക്സ് 1.19 ശതമാനവും സ്മോള് ക്യാപ് ഷെയറുകള് 1.06 ശതമാനവും നഷ്ടത്തോടെയാണ് വ്യാപാരം നടത്തുന്നത്.
നിഫ്റ്റിയില് ഏഷ്യന് പെയിന്റിനാണ് വന് നഷ്ടം നേരിട്ടത്. 3.19 ശതമാനം നഷ്ടത്തോടെ 3,054.60 രൂപയിലാണ് ഏഷ്യന് പെയിന്റ് വ്യാപാരം തുടങ്ങിയത്. വിപ്രോ, ഡിവി ലാബ്, എല്&ടി തുടങ്ങിയ ഓഹരികള്ക്കും നഷ്ടം നേരിട്ടു. ബി.എസ്.ഇയില് ഏഷ്യന് പെയിന്റ്, വിപ്രോ, കൊട്ടക് മഹീന്ദ്ര ബാങ്ക്, എച്ച്.ഡി.എഫ്.സി ബാങ്ക്, എച്ച്.ഡി.എഫ്.സി, റിലയന്സ് ഇന്ഡസ്ട്രീസ് എന്നിവക്കെല്ലാം നഷ്ടം നേരിട്ടു.
