ദക്ഷിണ കന്നഡ ജില്ലയിലെ ബണ്ട്വാള്‍ താലൂക്കിലെ പുഞ്ചല്‍കട്ടെ കുക്കിക്കാട്ടെയില്‍ യുവാവിനെ ആത്മഹത്യ ചെയ്ത നിലയില്‍ കണ്ടെത്തി.ചേതൻ (25) ആണ് മരിച്ചത്. എട്ട് മാസം മുമ്ബാണ് ചേതനും ചൈതന്യ എന്ന യുവതിയും ഇൻസ്റ്റഗ്രാമിലൂടെ പരിചയപ്പെടുകയും പ്രണയത്തിലാകുകയും തുടർന്ന് വിവാഹനിശ്ചയം നടത്തുകയും ചെയ്തത്. ജനുവരി 21 ന് ചേതൻ തനിക്ക് പരിചയമുള്ള മറ്റൊരു യുവതിയുടെ ഫോട്ടോകള്‍ ഇൻസ്റ്റാഗ്രാമില്‍ ലൈക്ക് ചെയ്തിരുന്നു.
എന്നാല്‍ ഇക്കാര്യം ശ്രദ്ധിച്ച ചൈതന്യ ചേതന്റെ മാതാപിതാക്കള്‍ സഥലത്തില്ലാതിരുന്ന സമയത്ത് വീട്ടില്‍ എത്തി ഇൻസ്റ്റാഗ്രാം ഫോട്ടോകള്‍ ലൈക്ക് ചെയ്യുന്നതിനെച്ചൊല്ലി വഴക്കിട്ടിരുന്നു. ഇതില്‍ മനംനൊന്ത് ചേതൻ തൻ്റെ വീട്ടിലെ ചങ്ങലയില്‍ തുണി കെട്ടി പ്രതിശ്രുത വധുവിൻ്റെ മുന്നില്‍ തൂങ്ങിമരിച്ചു എന്നാണ് റിപ്പോർട്ട്. ചൈതന്യ ഉടൻ തന്നെ യുവാവിനെ താഴെയിറക്കി. തുടർന്ന് ചേട്ടൻ ഉറങ്ങുകയാണെന്നും വിളിച്ചിട്ട് എണീക്കുന്നില്ലെന്നും പറഞ്ഞ് അമ്മയെ വിളിച്ചു.
എന്നാല്‍ പിന്നീട് ചങ്ങലയില്‍ തുണി കെട്ടിയിരിക്കുന്നത് വീട്ടുകാരുടെ ശ്രദ്ധയില്‍പ്പെടുകയും, തുടർന്ന് ഇവർ ചോദിച്ചതോടെ എന്താണ് സംഭവിച്ചതെന്ന് ചൈതന്യ വെളിപ്പെടുത്തുകയും ചെയ്തു. പുഞ്ചല്‍കട്ടെ പോലീസ് സംഭവസ്ഥലത്തെത്തി കേസെടുത്ത് കൂടുതല്‍ അന്വേഷണം ആരംഭിച്ചു.
കുരങ്ങുകള്‍ ടെറസില്‍ നിന്ന് തള്ളിയിട്ടു; ബിഹാറില്‍ പത്താം ക്ലാസ് വിദ്യാര്‍ത്ഥിനിക്ക് ദാരുണാന്ത്യം
ബിഹാറിലെ സിവാൻ ജില്ലയില്‍ കുരങ്ങുകള്‍ വീടിൻ്റെ ടെറസില്‍ നിന്ന് തള്ളിയിട്ടതിനെത്തുടർന്ന് പത്താം ക്ലാസുകാരി മരിച്ചു.ഭഗവാൻപൂർ പൊലീസ് സ്‌റ്റേഷൻ പരിധിയിലെ മഘർ ഗ്രാമത്തില്‍ ശനിയാഴ്ച ഉച്ചയോടെയാണ് അപകടമുണ്ടായത്. 15 വയസുകാരി പ്രിയ കുമാർ ആണ് മരിച്ചത്. ടെറസിലിരുന്ന് പഠിക്കുകയായിരുന്നു കുട്ടി.ദൃക്‌സാക്ഷികള്‍ പറയുന്നതിങ്ങനെ, ‘ഒരു കൂട്ടം കുരങ്ങുകള്‍ ടെറസിലെത്തി പ്രിയയെ ഉപദ്രവിക്കാൻ തുടങ്ങി. ഇത് കണ്ട ഞങ്ങള്‍ ഒച്ചവെച്ച്‌ കുരങ്ങന്മാരെ ഓടിക്കാൻ ശ്രമിച്ചു. ഈ തക്കത്തില്‍ ഓടിരക്ഷപ്പെടാൻ ശ്രമിച്ച കുട്ടിയെ കുരങ്ങന്മാർ ടെറസില്‍ നിന്ന് തള്ളിയിട്ടു.
വീഴ്ച്ചയില്‍ തലയുടെ പിൻഭാഗത്തും ശരീരത്തിലും പരിക്കേല്‍ക്കുകയും ബോധം നഷ്ടപ്പെടുകയും ചെയ്തു’. പ്രിയയുടെ വീട്ടുകാർ ചികിത്സയ്ക്കായി ശിവാൻ സദർ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. ഒന്നിലധികം പരിക്കുകളാണ് പെണ്‍കുട്ടിയുടെ ദേഹത്ത് ഉണ്ടായിരുന്നത്. കുറച്ചുകാലമായി കുരങ്ങുകള്‍ പ്രദേശത്ത് ശല്യമുണ്ടാക്കുന്നുണ്ടെന്ന് നാട്ടുകാർ പറഞ്ഞു.പത്താം ക്ലാസ് വിദ്യാർത്ഥിനിയായ പ്രിയ കുമാരി മെട്രിക്കുലേഷൻ പരീക്ഷയ്ക്ക് തയ്യാറെടുക്കുകയായിരുന്നു.
