ബംഗളൂരു: കര്‍ണാടകയില്‍ ജഡ്ജിയെയും രാഷ്ട്രീയക്കാരെയും കബളിപ്പിച്ച്‌ പണം തട്ടിയ ജ്യോത്സ്യന് അറസ്റ്റില്‍. കര്‍ണാടക ഹൈകോടതി മുന്‍ ജഡ്ജിയില്‍നിന്നും ബിസിനസുകാരില്‍നിന്നുമായി 80 കോടി രൂപയാണ് ജ്യോത്സ്യന് തട്ടിയത്.
കേന്ദ്ര, സംസ്ഥാന ഉന്നത നേതാക്കളുമായി അടുത്ത ബന്ധമുണ്ടെന്ന് നടിച്ചായിരുന്നു തട്ടിപ്പ്. യുവരാജ് സ്വാമി, യുവരാജ് രാംദാസ്, സേവലാല്‍ എന്നീ പേരുകളില്‍ അറിയപ്പെടുന്ന 54 കാരനാണ് അറസ്റ്റിലായത്. ബംഗളൂരുവില്‍ ഇയാള്‍ക്കെതിരെ 14 കേസുകള്‍ രജിസ്റ്റര്‍ െചയ്തിട്ടുണ്ട്. കള്ളപ്പണം വെളുപ്പിക്കലിനാണ് എന്‍ഫോഴ്സ്മെന്‍റ് ഡയറക്ടറേറ്റ് കേസെടുത്തത്.
ഗവര്‍ണര്‍, എം.പിമാര്‍, കേന്ദ്രമന്ത്രിമാര്‍, സംസ്ഥാന മന്ത്രിമാര്‍, മറ്റു ഉന്നത സ്ഥാനങ്ങളില്‍ ഇരിക്കുന്നവര്‍ തുടങ്ങിയവരുമായി അടുത്ത ബന്ധം പുലര്‍ത്തിയിരുന്നതായി സേവലാല്‍ ഇരകളെ തെറ്റിദ്ധരിപ്പിച്ചിരുന്നു. ഇവരെ പരിചയപ്പെടുത്തി നല്‍കാമെന്ന് കബളിപ്പിച്ചാണ് പണംതട്ടല്‍.
ശാന്തിനഗർ ബസ് സ്റ്റേഷൻ പണയപ്പെടുത്തി 160 കോടി വായ്പ എടുത്തു
മുന്‍ കര്‍ണാടക ഹൈകോടതി ജഡ്ജി ബി.എസ്. ഇന്ദ്രലേഖയില്‍നിന്ന് എട്ടുകോടി രൂപയാണ് ഇയാള്‍ തട്ടിയെടുത്തത്. 2018- 19 കാലയളവില്‍ ഉയര്‍ന്ന സര്‍ക്കാര്‍ പദവി വാങ്ങി നല്‍കാമെന്ന് പ്രലോഭിപിച്ച്‌ ഉന്നത നേതാക്കളെ പരിചയപ്പെടുത്തി നല്‍കാമെന്ന് പറഞ്ഞായിരുന്നു തട്ടിപ്പ്.
മുന്‍ ബി.ജെ.പി എം.പി 10 കോടി രൂപയാണ് ജ്യോത്സ്യന് നല്‍കിയത്. തെരഞ്ഞെടുപ്പിലെ പുനര്‍ നാമനിര്‍ദേശവും മന്ത്രിസ്ഥാനവുമായിരുന്നു വാഗ്ദാനം. പണം നഷ്ടപ്പെട്ടിട്ടും മുന്‍ എം.പി പരാതി നല്‍കാന്‍ തയാറായിരുന്നില്ല. എന്നാല്‍ അദ്ദേഹത്തിന്‍െ സഹപ്രവര്‍ത്തകര്‍ തട്ടിപ്പ് സംബന്ധിച്ച്‌ 2019 ഡിസംബറില്‍ െപാലീസില്‍ പരാതി നല്‍കുകയായിരുന്നു.
ഡിസംബര്‍ 14ന് ബിസിനസുകാരനായ കെ.പി. സുധീന്ദ്ര റെഡ്ഡി നല്‍കിയ പരാതിയുടെ അടിസ്ഥാനത്തില്‍ ഡിസംബര്‍ 16നാണ് േജ്യാത്സ്യനെ ആദ്യം ബംഗളൂരു െപാലീസ് അറസ്റ്റ് ചെയ്യുന്നത്. 1.5 കോടിയാണ് ഇയാളില്‍നിന്ന് തട്ടിയെടുത്തത്. സര്‍ക്കാര്‍ ബന്ധങ്ങള്‍ ഉപയോഗപ്പെടുത്തി കര്‍ണാടക സ്റ്റേറ്റ് റോഡ് ട്രാന്‍പോര്‍ട്ട് കോര്‍പറേഷന്‍ ചെയര്‍മാന്‍ സ്ഥാനം വാങ്ങി നല്‍കാമെന്ന് വിശ്വസിപ്പിച്ചായിരുന്നു തട്ടിപ്പ്.
േജ്യാത്സ്യന്‍ അറസ്റ്റിലായതോടെ സമാന പരാതിയുമായി ഇന്ദ്രലേഖ, ബി.ജെ.പി നേതാവ് ആനന്ദ കുമാര്‍ കോല തുടങ്ങിയവര്‍ രംഗത്തെത്തുകയായിരുന്നു. ജ്യോത്സ്യന്‍റെ പേരിലെ 26 ഭൂസ്വത്തുക്കള്‍ കണ്ടുകെട്ടാന്‍ ബംഗളൂരു സിവില്‍ ആന്‍ഡ് സെഷന്‍സ് കോടതി ഉത്തരവിട്ടു. 80 കോടിയോളം ആസ്തിയുടെ സ്വത്തുക്കളാണ് കണ്ടുകെട്ടിയത്. രണ്ടുദിവസം മുമ്ബ് ബംഗളൂരു കോടതി ഇയാള്‍ക്ക് ജാമ്യം നിഷേധിച്ചു. രാഷ്ട്രീയമായും സാമ്ബത്തികമായും ഉന്നത സ്വാധീനമുള്ള വ്യക്തിയായതിനാല്‍ ജാമ്യം അനുവദിക്കരുതെന്നായിരുന്നു പൊലീസ് വാദം.
- മേജര്‍ രവി കോണ്‍ഗ്രസിലേക്കെന്ന് സൂചന; ഐശ്വര്യ കേരള യാത്രയില്‍ പങ്കെടുക്കും, കൂടിക്കാഴ്ചയുടെ ചിത്രം പങ്കുവെച്ച് മുല്ലപ്പള്ളി.
- മദ്യപിച്ച്‌ വാഹനം ഓടിക്കുന്നവർ ജാഗ്രതൈ.. ഹൈടെക് ബ്രത്ത് അനലൈസര്‍ വരുന്നു
- ഗോവധ നിരോധന ബില്‍:കര്‍ണാടക ഉപരിസഭയിൽ ബി.ജെ.പി പിന്തുണയില്‍ ചെയര്‍മാന്‍ സ്ഥാനം ജെ.ഡി-എസിന്
- കന്നുകാലി കശാപ്പ് നിരോധന ബില്‍ പാസാക്കി കര്‍ണാടക നിയമ നിര്‍മ്മാണ കൗണ്‍സില്‍ .
- ജഡ്ജിയോടെ പ്രണയാഭ്യര്‍ത്ഥന നടത്തി മോഷണ കേസു പ്രതി, നടകീയ രംഗങ്ങൾ.
- പ്രായപൂര്‍ത്തിയാവാത്തവരുടെ വിവാഹം അധികൃതരെ അറിയിക്കുന്നവര്‍ക്ക് 2,500 രൂപ പ്രതിഫലം
- വടം വലിച്ചാലും ഇനി സർക്കാർ ജോലി; വടംവലി ഉള്‍പ്പെടെ 21 ഇനങ്ങളെയാണ് കേന്ദ്ര സര്‍ക്കാര്‍ സ്പോര്‍ട്സ് ക്വോട്ടയ്ക്ക് കീഴില്‍ ഉള്‍പ്പെടുത്തിയത്.
- ശ്രീരാമക്ഷേത്ര നിര്‍മാണത്തിന് കൈകോര്‍ത്ത് ബെംഗളൂരുവിലെ ക്രിസ്ത്യന്‍ വിഭാഗം; ഒരു കോടി രൂപ കൈമാറി
- ബെംഗളൂരുവിലെ എടിഎം ആക്രമിച്ച്‌ മലയാളിയെ വെട്ടിപ്പരുക്കേല്‍പ്പിച്ച്‌ കൊള്ളയടിച്ച സംഭവത്തിലെ പ്രതിയെ കോടതി പത്ത് വര്‍ഷം കഠിന തടവിന് ശിക്ഷിച്ചു
