ഷെയിന് നിഗത്തെ നായകനാക്കി ടി കെ രാജീവ്കുമാര് സംവിധാനം ചെയ്ത ബര്മുഡയുടെ ട്രെയ്ലര് പുറത്തെത്തി. ഹാസ്യത്തിന് പ്രാധാന്യമുള്ള ചിത്രത്തില് ഇന്ദുഗോപന് എന്ന കഥാപാത്രത്തെയാണ് ഷെയ്ന് അവതരിപ്പിക്കുന്നത്. ഇന്ദുഗോപന് ഒരു കേസുമായി പൊലീസിനെ സമീപിക്കുന്നതോടെയാണ് ചിത്രത്തിന്റെ പ്ലോട്ട് വികസിക്കുന്നതെന്ന് ട്രെയ്ലര് പറയുന്നു. വിനയ് ഫോര്ട്ട് ആണ് പൊലീസ് ഉദ്യോഗസ്ഥന്റെ വേഷത്തില് എത്തുന്നത്. രണ്ടേമുക്കാല് മിനിറ്റ് ദൈര്ഘ്യമുള്ളതാണ് പുറത്തെത്തിയ ട്രെയ്ലര്.
കൃഷ്ണദാസ് പങ്കിയുടേതാണ് ചിത്രത്തിന്റെ രചന. സൈജു കുറുപ്പ്, സുധീര് കരമന, മണിയന്പിള്ള രാജു, ഇന്ദ്രന്സ്, സാജൽ സുധര്ശന്, ദിനേഷ് പണിക്കര്, കോട്ടയം നസീര്, നന്ദു, നിരഞ്ജന അനൂപ്, ഗൗരി നന്ദ, നൂറിന് ഷെറീഫ്, ഷൈനി സാറ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. എൻ എം ബാദുഷ സിനിമാസ്, 24 ഫ്രെയിംസ് എന്നീ ബാനറുകളില് സൂരജ് സി കെ, ബിജു സി ജെ, ബാദുഷ എന് എം, ഷിനോയ് മാത്യു എന്നിവര് ചേര്ന്നാണ് നിര്മ്മിക്കുന്നത്.
അഴകപ്പൻ ആണ് ഛായാഗ്രഹണം. ശ്രീകര് പ്രസാദ് എഡിറ്റിംഗ് നിര്വഹിച്ചിരിക്കുന്ന ചിത്രത്തിൻ്റെ കലാസംവിധാനം ദിലീപ് നാഥ് ആണ്. വിനായക് ശശികുമാർ, ബീയാർ പ്രസാദ് എന്നിവരുടെ വരികൾക്ക് സംഗീതം പകർന്നിരിക്കുന്നത് രമേഷ് നാരായണ് ആണ്. വസ്ത്രാലങ്കാരം സമീറ സനീഷ്, മേക്കപ്പ് അമല് ചന്ദ്രന്, ചീഫ് അസോസിയേറ്റ് ഡയറക്ടര് രാജേഷ് കെ പാർത്ഥൻ, ഷൈനി ബെഞ്ചമിന്, അസോസിയേറ്റ് ഡയറക്ടര് അഭി കൃഷ്ണ, പ്രൊഡക്ഷന് കണ്ട്രോളര് പ്രതാപന് കല്ലിയൂര്, കൊറിയോഗ്രഫി പ്രസന്ന സുജിത്ത്, പ്രൊഡക്ഷന് എക്സിക്യൂട്ടീവ് ഹര്ഷന് പട്ടാഴി, പ്രൊഡക്ഷന് മാനേജര് നിധിന് ഫ്രെഡി, പിആര്ഒ പി ശിവപ്രസാദ്, സ്റ്റില്സ് പ്രേംലാൽ പട്ടാഴി എന്നിവരാണ് മറ്റ് അണിയറ പ്രവർത്തകർ. ഓഗസ്റ്റ് 19ന് തിയറ്ററുകളില് എത്തും.
6 സെക്കന്ഡ് തരാം, ഈ ചിത്രത്തിലെ ജിറാഫിനെ കണ്ടെത്താമോ? വൈറലായി ഒപ്ടിക്കല് ചിത്രം!!
ഒപ്ടിക്കല് ചിത്രങ്ങള് എല്ലാവരുടെയും ഹരമാണ്. പക്ഷേ ഉത്തരം കണ്ടെത്താനാവാതെ പലരും വട്ടം കറങ്ങുന്നതും ഇതില് പതിവാണ്. ഈ ചിത്രങ്ങളില് ഒളിഞ്ഞിരിക്കുന്ന രഹസ്യങ്ങള് കണ്ടെത്തുന്നവര് നൂറില് പത്ത് ശതമാനം പോലും ഉണ്ടാവാറില്ല. അതാണ് ഒപ്ടിക്കല് ഇല്യൂഷന്റെ മികവ്. ഇന്നത്തെ ചിത്രവും അത്തരമൊന്നാണ്.
വളരെ വേഗത്തില് തന്നെ നിങ്ങള് ഉത്തരം പറയാമെന്ന് കരുതുന്നുണ്ടെങ്കില്, നടന്നത് തന്നെ എന്ന് ഞങ്ങള്ക്ക് പറയേണ്ടി വരും. ഒരു ജിറാഫാണ് ഈ ചിത്രത്തില് ഒളിഞ്ഞിരിക്കുന്നത്. ഈ സുന്ദരനെ കണ്ടെത്താന് സാധിക്കുമോ എന്ന് ഒന്ന് ശ്രമിച്ച് നോക്കൂ. സോഷ്യല് മീഡിയയില് ഇപ്പോള് ഈ ചിത്രം വൈറലാണ്. വിശദമായി ഒന്ന് പരിശോധിച്ച് നോക്കാം.
