വിവാദ ചിത്രമായ ‘ദി കേരളാ സ്റ്റോറി 2’-ന്(The Kerala Story 2) പ്രദർശനാനുമതി ലഭിച്ചു. ചിത്രത്തിന്റെ റിലീസ് തടഞ്ഞുകൊണ്ടുള്ള ഹൈക്കോടതി സിംഗിള് ബെഞ്ച് ഉത്തരവ് ഡിവിഷൻ ബെഞ്ച് സ്റ്റേ ചെയ്തു.ജസ്റ്റിസ് സുഷ്രുത് ധർമാധികാരി, ജസ്റ്റിസ് പി.വി. ബാലകൃഷ്ണൻ എന്നിവരടങ്ങുന്ന ഡിവിഷൻ ബെഞ്ചിന്റേതാണ് നിർണ്ണായകമായ ഈ ഉത്തരവ്.കോടതിയിലെ വാദങ്ങള്ചിത്രത്തിന്റെ റിലീസ് തടഞ്ഞതിനെത്തുടർന്ന് നിർമ്മാതാക്കള് അടിയന്തരമായി ഡിവിഷൻ ബെഞ്ചിനെ സമീപിക്കുകയായിരുന്നു. ചിത്രത്തിന്റെ ടീസർ പുറത്തിറങ്ങി 16 ദിവസത്തിന് ശേഷമാണ് ഹർജികള് ഫയല് ചെയ്തതെന്ന് നിർമ്മാതാക്കള് കോടതിയില് ചൂണ്ടിക്കാട്ടി
‘ദി കേരളാ സ്റ്റോറി’യുടെ ഒന്നാം ഭാഗം ദേശീയ പുരസ്കാരങ്ങള് നേടിയതും സെൻസർ ബോർഡ് (CBFC) അംഗീകാരം നല്കിയതുമായ ചിത്രമാണെന്ന് അവർ വാദിച്ചു.ചിത്രം കേരളത്തെ അപമാനിക്കുന്നില്ലെന്നും, മറിച്ച് ചില സാമൂഹിക വിപത്തുകളെക്കുറിച്ചാണ് സംസാരിക്കുന്നതെന്നും നിർമ്മാതാക്കള് വ്യക്തമാക്കി. ഒരു മതം മൊത്തത്തിലല്ല, മറിച്ച് മതത്തിലെ ഒരു വിഭാഗം ആളുകള് നടത്തുന്ന സാമൂഹിക വിപത്തിനെതിരെയാണ് സിനിമ പ്രതികരിക്കുന്നത്. ഭരണഘടനയും സുപ്രീം കോടതിയും ഉറപ്പുനല്കുന്ന ആവിഷ്കാര സ്വാതന്ത്ര്യം തങ്ങള്ക്കുണ്ടെന്നും, ചിത്രം റിലീസ് ചെയ്തില്ലെങ്കില് വൻ സാമ്പത്തിക ബാധ്യത നേരിടേണ്ടി വരുമെന്നും അവർ കോടതിയെ ബോധിപ്പിച്ചു.സിംഗിള് ബെഞ്ചിന്റെ മുൻ ഉത്തരവ്പ്രഥമദൃഷ്ട്യാ സിനിമ സാമുദായിക സൗഹാർദ്ദത്തിന് ഭീഷണിയാണെന്ന് ചൂണ്ടിക്കാട്ടിയാണ് സിംഗിള് ബെഞ്ച് ചിത്രത്തിന്റെ റിലീസ് 15 ദിവസത്തേക്ക് തടഞ്ഞിരുന്നത്. കേരളത്തെ ആഗോളതലത്തില് മതഭ്രാന്തിന്റെയും വർഗീയതയുടെയും നാടായി ചിത്രീകരിക്കാൻ ഈ സിനിമ കാരണമാകുമെന്നും, സെൻസർ ബോർഡ് ഈ ഘടകങ്ങള് പരിശോധിച്ചില്ലെന്നും സിംഗിള് ബെഞ്ച് നിരീക്ഷിച്ചിരുന്നു.എന്തായാലും ഡിവിഷൻ ബെഞ്ചിന്റെ പുതിയ ഇടപെടലോടെ ചിത്രം പ്രദർശിപ്പിക്കുന്നതിനുള്ള തടസ്സങ്ങള് നീങ്ങിയിരിക്കുകയാണ്. കേരളം ഒരുപോലെ ഉറ്റുനോക്കിയ വിഷയമാണിത്. പ്രദർശനാനുമതി ലഭിച്ചതോടെ ചിത്രം ഉടൻ തന്നെ തീയേറ്ററുകളില് എത്തും.
