പണമുണ്ടാക്കാനായി, ലൈംഗിക ബന്ധത്തില്‍ ഏര്‍പ്പെടുന്നത് ലൈവ് സ്ട്രീം ചെയ്ത ദമ്ബതികള്‍ അറസ്റ്റില്‍.ഡ്രൈവറായി ജോലി ചെയ്ത് വരുന്ന 41കാരനും 37കാരിയായ പങ്കാളിക്കും എതിരെയാണ് നിയമ നടപടി. ഹൈദരാബാദിന് സമീപം അംബര്‍പേട്ട് മല്ലികാര്‍ജുന നഗര്‍ നിവാസികളാണ് ദമ്ബതികള്‍. മൊബൈല്‍ ആപ്പ് വഴി പണം സമ്ബാദിക്കുകയായിരുന്നു ഇരുവരുടെയും ലക്ഷ്യം.ടാസ്‌ക് ഫോഴ്‌സ് ഇവരുടെ വീട്ടില്‍ നടത്തിയ റെയ്ഡില്‍ ഹൈ ഡെഫനിഷന്‍ ക്യാമറകള്‍ ഉള്‍പ്പടെ പിടിച്ചെടുത്തിട്ടുണ്ട്. റെക്കോര്‍ഡ് ചെയ്ത വീഡിയോ ക്ലിപ്പ് അയച്ച്‌ നല്‍കുന്നതിന് 500 രൂപയും ലൈവ് സ്ട്രീമിങ്ങ് കാണാന്‍ 2000 രൂപയുമാണ് ഇവര്‍ ഈടാക്കിയത്. സ്വകാര്യത സംരക്ഷിക്കാന്‍ ഇരുവരും മുഖംമൂടി ധരിച്ചാണ് ലൈംഗിക ബന്ധത്തില്‍ ഏര്‍പ്പെട്ടത്.
കിടപ്പറ രംഗങ്ങള്‍ തത്സമയം മൊബൈല്‍ ആപ്പ് വഴി പ്രക്ഷേപണം ചെയ്യുമെന്ന് ഇവര്‍ മുന്‍കൂട്ടി പ്രഖ്യാപിച്ചിരുന്നു. ഇതുപ്രകാരം നിരവധി ആപ്പ് ഉപയോക്താക്കള്‍ ഇത് കാണാനായി പണം നല്‍കി. ഇവരില്‍ കൂടുതലും യുവാക്കളായിരുന്നു. ഇവര്‍ക്ക് ദമ്ബതിമാര്‍ ആപ്പില്‍ ആക്‌സസ് ലിങ്കുകള്‍ പങ്കുവയ്ക്കുകയും ചെയ്തു.എന്നാല്‍ രഹസ്യ വിവരത്തിന്റെ അടിസ്ഥാനത്തില്‍ ഹൈദരാബാദ് പൊലീസിന്റെ ടാസ്‌ക് ഫോഴ്‌സ് അന്വേഷണം നടത്തി ദമ്ബതികളെ അറസ്റ്റ് ചെയ്യുകയായിരുന്നു. ഐടി നിയമപ്രകാരമാണ് ഇരുവര്‍ക്കുമെതിരെ അന്വേഷണ ഉദ്യോഗസ്ഥര്‍ കേസെടുത്തിരിക്കുന്നത്. എളുപ്പത്തില്‍ പണം ഉണ്ടാക്കാനാണ് സ്വകാര്യ രംഗങ്ങള്‍ ലൈവ് സ്ട്രീം ചെയ്യാന്‍ തീരുമാനിച്ചതെന്ന് ഇരുവരും പൊലീസിന് മൊഴി നല്‍കി.
