ബെംഗളൂരു: തന്റെ ഇൻസ്റ്റാഗ്രാം അക്കൗണ്ടിൽ അജ്ഞാതൻ അശ്ലീലച്ചുവയുള്ള കമന്റുകൾ രേഖപ്പെടുത്തുന്നതായി ചൂണ്ടിക്കാട്ടി നടിയും കോൺഗ്രസ് മുൻ എംപിയുമായ ദിവ്യ സ്പന്ദന (രമ്യ) സൈബർ പൊലീസിൽ പരാതി നൽകി. കേസെടുത്ത് അന്വേഷണം ആരംഭിച്ചു.
കോൺഗ്രസ്സ സമൂഹ മാധ്യമ വിഭാഗത്തിന്റെ മുൻ ചുമതലക്കാരിയായിരുന്ന രമ്യ 2019ലെ ലോക്സഭാ തിരഞ്ഞെടുപ്പിനു മുന്നോടിയായാണ് ഈ പദവി ഉപേക്ഷിച്ചത്. സ്വന്തം സമുഹമാധ്യമ അക്കൗണ്ടുകളും ഇതിനു പിന്നാലെ ഡിലീറ്റ് ചെയ്ത രമ്യ, അടുത്തിടെയാണ് വീണ്ടും സജീവമായത്.
കോവിഡ് വ്യാപനം: കർണാടക സർക്കാർ പുതുക്കിയ മാർഗ്ഗനിർദ്ദേശങ്ങൾ പുറത്തിറക്കി
ബംഗളൂരു: സംസ്ഥാനത്ത് കൊവിഡ് 19 കേസുകൾ വർധിക്കുന്ന സാഹചര്യത്തിൽ പുതിയ മാർഗനിർദേശങ്ങൾ പുറപ്പെടുവിക്കാൻ കർണാടക സർക്കാരിനെ പ്രേരിപ്പിച്ചു.ഷോപ്പിംഗ് മാളുകൾ, സിനിമാ തിയേറ്ററുകൾ, റസ്റ്റോറന്റുകൾ, ബസുകൾ, ഓഫീസ് ഇടങ്ങൾ, വിദ്യാഭ്യാസ സ്ഥാപനങ്ങൾ തുടങ്ങി പൊതു ഇടങ്ങളിലും അടച്ചിട്ട ഇടങ്ങളിലും മാസ്ക് ധരിക്കുന്നത് നിർബന്ധമാക്കിയിരിക്കുകയാണ് സർക്കാരിന്റെ ഏറ്റവും പുതിയ നിർദ്ദേശത്തിൽ.
രോഗം പടരുന്നത് തടയാൻ സ്വകാര്യ വാഹനങ്ങളിൽ യാത്ര ചെയ്യുന്നവരോടും മാസ്ക് ധരിക്കാൻ ആവശ്യപ്പെട്ടിട്ടുണ്ട്.വാക്സിൻ എടുക്കാത്ത വ്യക്തികളോട് മുൻകരുതൽ വാക്സിൻ ഡോസുകൾ എടുക്കാനും സർക്കാർ അഭ്യർത്ഥിച്ചിട്ടുണ്ട്.
ജൂൺ 10 ന് കർണാടകയിൽ 525 പുതിയ കോവിഡ് കേസുകൾ റിപ്പോർട്ട് ചെയ്തു, പോസിറ്റീവ് നിരക്ക് 2.31 ശതമാനമാണ്. ഇതിൽ 494 കേസുകളും ബെംഗളൂരുവിലാണ് കണ്ടെത്തിയത്. സംസ്ഥാനത്ത് സജീവമായ കേസുകൾ 3,177 ആണ്.
