കർണാടക: അമ്മാവൻ കാമം തീർത്തത് പിഞ്ചു കുഞ്ഞിൽ; രണ്ടു വയസുള്ള കുഞ്ഞ് മരിച്ചു

അമ്മാവന്റെ ബലാത്സംഗത്തിനിരയായ രണ്ടുവയസ്സുകാരി അത്തിബെലെയിലെ ആശുപത്രിയിൽ മരിച്ചു.കുട്ടിയുടെ അമ്മാവൻ എന്ന് പറയപ്പെടുന്ന ദീപുവാണ് പ്രതിയെന്ന് തിരിച്ചറിഞ്ഞിട്ടുണ്ട്. ഇയാളെ ഇപ്പോൾ പോലീസ് അറസ്റ്റ് ചെയ്തിട്ടുണ്ട്.മാർച്ച് 20 ന് ദീപു കാറിൽ വെച്ച് കുട്ടിയെ ബലാത്സംഗം ചെയ്തെന്നാണ് കേസ്. ഗ്രാമത്തിൽ നിന്ന് അത്തിബെലെയിലെ വീട്ടിൽ ദീപു പിഞ്ചുകുഞ്ഞിനെയും കൊണ്ടുവന്നിരുന്നു. കാറിലുണ്ടായിരുന്ന സുഹൃത്തിനെ മദ്യം വാങ്ങാനയച്ച് ദീപു കുട്ടിയെ ബലാത്സംഗം ചെയ്തു. തുടർന്ന് കുട്ടിയെ അടുത്തുള്ള ആശുപത്രിയിലെത്തിച്ചെങ്കിലും വൈകാതെ കുട്ടി മരിച്ചു. പിന്നീട് അത്തിബെലെ പോലീസ് സ്‌റ്റേഷനിലെത്തി കുട്ടി അപകടത്തെ തുടർന്നാണ് മരിച്ചതെന്നു പറഞ്ഞു.പോസ്റ്റ്‌മോർട്ടം റിപ്പോർട്ടിൽ കുട്ടി ബലാത്സംഗത്തിനിരയായെന്നും അമിത രക്തസ്രാവം മൂലമാണ് മരിച്ചതെന്നും വ്യക്തമായത്. ഇയാളെ പിന്നീട് പോലീസ് അറസ്റ്റ് ചെയ്തു