രണ്ടു വയസ്സുള്ള കുട്ടിയുമായി ഗുരുപൂർ പാലത്തില്‍ ആത്മഹത്യ ഭീഷണി മുഴക്കിയ യുവാവിനെ നാട്ടുകാർ പൊതിരെ തല്ലി.പാലത്തിന്റെ സംരക്ഷണ കൈവരിയില്‍ കയറിനിന്ന് പുഴയില്‍ ചാടുമെന്ന് ഭീഷണി മുഴക്കുന്നതിനിടെ ഏതാനും പേർ കുട്ടിയെ താങ്ങിയ ശേഷം യുവാവിനെ വലിച്ചിട്ട് അടിക്കുകയായിരുന്നു. കുട്ടിയെ പുഴ കാണിക്കാൻ കയറിയതാണെന്ന് തല്ലു കൊള്ളുന്നതിനിടെ യുവാവ് മാറ്റിപ്പറഞ്ഞു.
നടിമാരുടെ ചിത്രം കാണിച്ച്‌ ലൈംഗിക വാഗ്ദാനം; പണം തട്ടിയ ആള്‍ അറസ്റ്റില്‍
പ്രുഖരായ സിനിമാ നടിമാരുടെ ചിത്രം കാണിച്ച്‌ ലൈംഗിക വാഗ്ദാനം നടത്തി പണം തട്ടിയ കേസില്‍ ഒരാള്‍ അറസ്റ്റില്‍.എറണാകുളം എളമക്കര സ്വദേശി ശ്യാം മോഹനെ (37) ആണ് കൊച്ചി സിറ്റി സൈബർ പൊലീസ് പിടികൂടിയത്. രണ്ട് നടിമാരുടെ പരാതിയിലാണ് കേസ് എടുത്തിരിക്കുന്നത്. സിറ്റി പൊലീസ് കമ്മിഷണർക്ക് ലഭിച്ച പരാതിയുടെ അടിസ്ഥാനത്തില്‍ സൈബർ പൊലീസാണ് അന്വേഷണം നടത്തിയത്.സോഷ്യല്‍ മീഡിയ ഗ്രൂപ്പുകളിലൂടെയാണ് പ്രതി നടിമാരുടെ ഫോട്ടോ പ്രചരിപ്പിക്കുന്നത്. ഗ്രൂപ്പുകള്‍ വഴി നടിമാരുമായി ഡേറ്റിങ്ങിനും അടുത്തിടപഴകാനും അവസരം നല്‍കാമെന്ന് പറഞ്ഞ് വാഗ്ദാനം നടത്തിയാണ് തട്ടിപ്പ്.
അന്വേഷണത്തില്‍ ഗള്‍ഫിലുള്ള മലയാളി സോഷ്യല്‍ മീഡിയ ഗ്രൂപ്പുകളിലും പ്രതി സജീവമാണെന്ന് പൊലീസ് കണ്ടെത്തിയിട്ടുണ്ട്. തട്ടിപ്പ് നടത്തി ലക്ഷങ്ങള്‍ തട്ടിയെടുത്തിട്ടുണ്ടെന്ന് വ്യക്തമായതിന്റെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി.സമാനമായ കേസില്‍ മറ്റൊരു പ്രതിയെയും പൊലീസ് കസ്റ്റഡിയില്‍ എടുത്തിരുന്നു. പാലക്കാട് അട്ടപ്പാടി സ്വദേശിയെയാണ് കസ്റ്റഡിയില്‍ എടുത്തത്. ഇത്തരത്തിലുള്ള പ്രവർത്തികളില്‍ ഏർപ്പെടുന്നവർക്കെതിരെ ശക്തമായ നടപടി സ്വീകരിക്കുമെന്ന് കൊച്ചി സിറ്റി സൈബർ പൊലീസ് അറിയിച്ചു.
