ബംഗളൂരു: നഗരത്തിലെ ഹോട്ടല്‍ മുറിക്കുള്ളില്‍ വ്യാജ കറൻസി അച്ചടിച്ചതിന് കമേഴ്‌സ്യല്‍ സ്ട്രീറ്റ് പൊലീസ് തുണി വ്യാപാരിയുടെ മകൻ കൃഷ് മാലിയെ (23) അറസ്റ്റ് ചെയ്തു.കുടുംബ തർക്കത്തെത്തുടർന്ന് ജൂണ്‍ ഒന്നിന് കൃഷ് മാലി ടസ്കർ ടൗണിലെ ഹോട്ടലില്‍ മുറിയെടുത്ത് പ്രിന്ററും സ്കാനറും ഉപയോഗിച്ച്‌ കളർ സിറോക്സിലൂടെ വ്യാജ 500 രൂപ നോട്ടുകള്‍ നിർമിക്കാൻ തുടങ്ങി.ഏഴാം തീയതി മുറി ഒഴിയുന്നതിനിടെ വ്യാജ നോട്ടുകള്‍ ഉപയോഗിച്ച്‌ 3000 രൂപയുടെ ഹോട്ടല്‍ ബില്‍ അടച്ചു.
എന്നാല്‍, അന്ന് രാവിലെ ശുചീകരണ തൊഴിലാളികള്‍ ഹോട്ടല്‍ പരിസരത്തുനിന്ന് ശേഖരിച്ച മാലിന്യത്തില്‍ വ്യാജ കറൻസി കണ്ടെത്തിയതിനാല്‍ മാലി നല്‍കിയ പണം പരിശോധിച്ചു.നോട്ടുകള്‍ വ്യാജമാണെന്ന് കണ്ടെത്തി. തുടർന്ന് ഹോട്ടല്‍ മാനേജർ മുഹമ്മദ് ശരീഫുദ്ദീൻ കമേഴ്‌സ്യല്‍ സ്ട്രീറ്റ് പൊലീസ് സ്റ്റേഷനില്‍ പരാതി നല്‍കി. മുറി ബുക്ക് ചെയ്യുമ്ബോള്‍ സമർപ്പിച്ച ആധാർ കാർഡില്‍ പരാമർശിച്ചിരിക്കുന്ന വിലാസം ഉപയോഗിച്ചാണ് പൊലീസ് പ്രതിയെ കണ്ടെത്തിയത്.
ഭര്‍ത്താവുമായി വാക്കുതര്‍ക്കം : യുവതി രണ്ട് കുട്ടികളുമായി കിണറ്റില്‍ ചാടി; മൂന്ന് പേര്‍ക്കും ദാരുണാന്ത്യം
ബീഹാറിലെ ബങ്കയില്‍ കുടുംബകലഹത്തെ തുടർന്ന് മനംനൊന്ത യുവതി രണ്ട് കുട്ടികളുമായി കിണറ്റില്‍ ചാടി ജീവനൊടുക്കി.ചൊവ്വാഴ്ച രാത്രി ചന്ദൻ പോലീസ് സ്റ്റേഷൻ പരിധിയിലെ ബിഹായ് ഗ്രാമത്തിലാണ് ഈ സംഭവം നടന്നത്.ചൊവ്വാഴ്ച രാത്രി ചന്ദൻ യാദവിന്റെ ഭാര്യയും അമ്മായിയമ്മയും തമ്മില്‍ എന്തോ തർക്കമുണ്ടായി. സംഘർഷത്തെത്തുടർന്ന് വിഷയം വഷളായതോടെ സ്ത്രീ രണ്ട് കുട്ടികളുമായി വീട് വിട്ട് ഗ്രാമത്തിന് പുറത്തുള്ള ഒരു കിണറ്റില്‍ ചാടുകയായിരുന്നു.
കുടുംബാംഗങ്ങള്‍ ഇക്കാര്യം അറിഞ്ഞപ്പോഴേക്കും വളരെ വൈകിപ്പോയിരുന്നു. ബുധനാഴ്ച രാവിലെ മരിച്ചയാളുടെയും രണ്ട് കുട്ടികളുടെയും മൃതദേഹങ്ങള്‍ കിണറ്റില്‍ നിന്ന് കണ്ടെടുത്തു. സംഭവത്തെക്കുറിച്ച്‌ വിവരം ലഭിച്ചയുടനെ പോലീസ് സ്ഥലത്തെത്തി മൂന്ന് മൃതദേഹങ്ങളും കിണറ്റില്‍ നിന്ന് പുറത്തെടുത്ത് പോസ്റ്റ്‌മോർട്ടത്തിനായി സദർ ആശുപത്രിയിലേക്ക് അയച്ചു.
