പോലീസ് ഒരു വ്യക്തിയെ അന്യായമായി അറസ്റ്റ് ചെയ്തതല്ലേ? അറസ്റ്റിലായ യുവാവിന് മൂന്നു ലക്ഷം രൂപ നഷ്ടപരിഹാരമായി സർക്കാർ നൽകണമെന്ന് കർണാടക ഹൈക്കോടതി വിധിച്ചു. അറസ്റ്റ് മാത്രമല്ല, കുൽദീപ് എന്ന യുവ അഭിഭാഷകനെ പോലീസ് മർദിക്കുകയും ചെയ്തു.
മർദനത്തിനും അറസ്റ്റിനും ഉത്തരവാദികളായ പോലീസുകാരും എസ്.ഐയും ആരാണെന്ന് അന്വേഷിച്ച് കണ്ടെത്തണമെന്ന് ഹൈക്കോടതി ഉത്തരവിട്ടു. അവരിൽനിന്നു മൂന്നു ലക്ഷം ഈടാക്കാൻ സർക്കാർ നടപടി വേണമെന്നും ഹൈക്കോടതി പറഞ്ഞു. കൂടാതെ സിവിൽ കോടതിയെ സമീപിച്ച് നഷ്ടപരിഹാരം നേടാൻ കുൽദീപിന് അവകാശമുണ്ടെന്നും ഹൈക്കോടതി പറഞ്ഞു.
കുൽദീപും അയൽവാസിയും തമ്മിൽ ഉണ്ടായ തർക്കവും കലാപവും നിമിത്തമാണ് അറസ്റ്റ് ഉണ്ടായത്. അറസ്റ്റ് ചെയ്യുമ്പോൾ പാലിക്കേണ്ട മാർഗരേഖകൾ പോലീസ് അവഗണിച്ചതാണ് ഹൈക്കോടതിയുടെ നടപടിക്ക് വിധേയമായത്. നിയമവും നടപടിക്രമങ്ങളും പോലീസ് പാലിച്ചേ പറ്റൂ. ഇല്ലെങ്കിൽ അത് നിയമവിരുദ്ധമാകുമെന്നും ഹൈക്കോടതി പറഞ്ഞു. അതുകൊണ്ടാണ് നഷ്ടപരിഹാരം നൽകേണ്ടത്.
വിവാദങ്ങള്ക്കിടയിലും റെക്കോഡിട്ട് ‘പഠാന്’; കെ.ജി.എഫ് 2വിനെ പിന്നിലാക്കി ചിത്രം
നൂറിലേറെ രാജ്യങ്ങളില് റിലീസെന്ന റെക്കോഡുമായാണ് ഷാരൂഖ് ഖാന്റെ പുതിയ ചിത്രം ‘പഠാന്’ തിയേറ്ററുകളിലെത്തിയത്.വിദേശരാജ്യങ്ങളില് 2500 സ്ക്രീനുകളിലാണ് ചിത്രം പ്രദര്ശിപ്പിക്കുന്നത്. ഇന്ത്യയില് 5000 സ്ക്രീനുകളിലും ചിത്രം പ്രദര്ശിപ്പിക്കുന്നുണ്ട്. ആദ്യമായാണ് ഒരു ഇന്ത്യന് ചിത്രം ഇത്രയും വിപുലമായ റിലീസിങ് നടത്തുന്നത്. നേരത്തേ, ഭീഷണി ഉണ്ടായിരുന്നതിനാല് ഉത്തരേന്ത്യയില് തിയേറ്ററുകള്ക്ക് സുരക്ഷയേര്പ്പെടുത്തിയിരുന്നു.
ഒറ്റപ്പെട്ട ചിലയിടങ്ങളിലെ പ്രതിഷേധമൊഴിച്ചാല് കാര്യമായ പ്രശ്നങ്ങളുണ്ടായതായി റിപ്പോര്ട്ടുകളില്ല. അഡ്വാന്സ് ബുക്കിങ്ങിലും പഠാന് കുതിപ്പ് നടത്തിയിരുന്നു. 5.21 ലക്ഷം ആദ്യദിന ബുക്കിങ്ങുകളുമായി കെ.ജി.എഫ്. ചാപ്റ്റര് 2 വിനെ മറികടന്ന് ഇന്ത്യയില് ഈ വിഭാഗത്തില് മുന്നിലുള്ള രണ്ടാമത്തെ ചിത്രമായി പഠാന് മാറി. കെ.ജി.എഫ്. ചാപ്റ്റര് 2 വിന്റെ ആദ്യദിന ബുക്കിങ് 5.15 ലക്ഷമായിരുന്നു. 6.5 ലക്ഷം ടിക്കറ്റുകള് വിറ്റ ബാഹുബലി 2 ആണ് ഒന്നാമത്.
