ചെന്നൈ: നടിമാരെയും ബലാത്സംഗ രംഗങ്ങളെയും ബന്ധപ്പെടുത്തി നടൻ മൻസൂര്‍ അലി ഖാൻ നടത്തിയ സ്ത്രീ വിരുദ്ധ പരാമര്‍ശത്തില്‍ നടപടിയെടുക്കുമെന്ന് വനിത കമ്മീഷൻ അംഗം ഖുശ്ബു സുന്ദര്‍.തമിഴ് ചലച്ചിത്ര ലോകത്തെ പ്രമുഖരടക്കം മൻസൂര്‍ അലി ഖാനെതിരേ രംഗത്തെത്തിയിട്ടുണ്ട്. വിജയും തൃഷയും അഭിനയിച്ച ലിയോ എന്ന ചിത്രവുമായി ബന്ധപ്പെട്ട അഭിമുഖത്തിലായിരുന്നു മൻസൂര്‍ അലി ഖാന്‍റെ വിവാദ പരാമര്‍ശം. അതില്‍ തൃഷയുടെയും ഖുശ്ബുവിന്‍റെയും റോജയുടെയും പേരെടുത്ത് പറയുകയും ചെയ്തു.
ഇതിനെതിരേ തൃഷ ശക്തമായി രംഗത്തെത്തയിരുന്നു. അദ്ദേഹത്തിനൊപ്പം ഇനി അഭിനയിക്കില്ലെന്നും തൃഷ വ്യക്തമാക്കിയിരുന്നു. ഇത്തരം വൃത്തികെട്ട മനോഭാവങ്ങള്‍ അനുവദിച്ച കൊടുക്കാനാവില്ലെന്നും ഈ വിഷയം വനിത കമ്മീഷനിലെ മറ്റ് അംഗങ്ങളുമായി ചര്‍ച്ച ചെയ്തിട്ടുണ്ടെന്നും ഉടൻ നടപടിയുണ്ടാവുമെന്നും ഖുശ്ബു വ്യക്തമാക്കി.
കർണാടക: ദാവനഗരെയിൽ കുരങ്ങിന്റെ ആക്രമണത്തിൽ 70 വയസുകാരൻ മരിച്ചു
ദാവനഗരെ: മൃഗങ്ങളുടെ ആക്രമണം അസാധാരണമല്ല, എന്നാൽ ഇത്തവണ ഞായറാഴ്ച രാത്രി ദാവനഗരെ ജില്ലയിലെ ഹൊന്നാലി താലൂക്കിൽ 70 വയസുകാരനെ മാരകമായി ആക്രമിച്ചത് കുരങ്ങാണ്. താലൂക്കിലെ അരക്കെരെ സ്വദേശിയായ ഗുത്യപ്പ എകെ കോളനിയിലെ വീട്ടിൽ നിന്ന് പുറത്ത് ഇറങ്ങിയപ്പോൾ പതിയിരുന്ന കുരങ്ങൻ പെട്ടെന്ന് അദ്ദേഹത്തിന്റെ മേൽ കുതിക്കുകയും ഗുരുതരമായി പരിക്കേൽക്കുകയും ചെയ്തുവെന്ന് പോലീസ് പറഞ്ഞു. സഹായത്തിനായുള്ള നിലവിളി കേട്ട് വീട്ടുകാർ ഓടിയെത്തി ആശുപത്രിയിലെത്തിച്ചെങ്കിലും മരിച്ചതായി ഡോക്ടർമാർ സ്ഥിരീകരിച്ചു. കുരങ്ങൻ സ്ഥലത്ത് നിന്ന് രക്ഷപ്പെട്ടു.
