മാസം ഒന്നരലക്ഷം രൂപ ശമ്ബളമുള്ള കോർപറേറ്റ് ജോലി രാജി വച്ച് മധുരപലഹാരം വില്ക്കാനിറങ്ങിയ ബംഗളുരു സ്വദേശിനിയെക്കുറിച്ചാണ് ഇപ്പോള് സോഷ്യല് മീഡിയയില് ചർച്ച.യുവതിയുടെ ഭർത്താവ് എക്സില് പങ്കുവച്ച ഒരു പോസ്റ്റാണ് വൈറല് ആയിരിക്കുന്നത്. ബംഗളൂരു സ്വദേശിനിയായ അസമിത 2023 ലാണ് അമേരിക്കൻ കമ്ബനിയുടെ എച്ച് ആർ വിഭാഗത്തിലെ ജോലി ഉപേക്ഷിച്ച് തന്റെ പാഷനായ പാചകത്തിലേക്ക് ഇറങ്ങിയത്.അസ്മിത ഉണ്ടാക്കിയ വാനില കപ്കേക്കിന്റെ ചിത്രം പങ്കു വച്ച് കൊണ്ടാണ് ഭർത്താവ് സാഗർ എക്സില് ചിത്രം പങ്കു വച്ചത്. ‘ ദാ ഇതുണ്ടാക്കാനാണ് എന്റെ ഭാര്യ അവളുടെ ഒന്നര ലക്ഷം ശമ്ബളമുള്ള ജോലി ഉപേക്ഷിച്ചത്. അവളത് ചെയ്തതിന് ദൈവത്തിന് നന്ദി’. എന്നാണ് അദ്ദേഹം എക്സില് കുറിച്ചത്.
പോസ്റ്റ് വൈറലായതോടെ നിരവധി പേരാണ് അസ്മിതക്ക് പിന്തുണയുമായി എത്തിയത്. റിസ്ക് എടുത്ത് പാഷനെ പിന്തുടരുന്ന നിങ്ങളുടെ ഭാര്യയുടെ സംരഭം വിജയിക്കട്ടെ എന്നാണ് ഒരാള് ആശംസകള് അറിയിച്ചത്. 30 ലക്ഷം രൂപ ശമ്ബളമുണ്ടായിട്ട് പോലും ജീവിതത്തില് സന്തോഷമില്ലാതെ ഇരിക്കുന്നവർക്ക് തങ്ങളുടെ പാഷനെ പിന്തുടരാൻ ഉള്ള പ്രചോദനമാണിത് എന്ന് മറ്റൊരാളും കുറിച്ച്. ദിവസങ്ങള്ക്കകം ലക്ഷത്തക്കണക്കിന് പേരാണ് പോസ്റ്റ് കണ്ടത്.
മോഷ്ടിച്ചകാറിന്റെ പിന്സീറ്റില് കുഞ്ഞ് ! അമ്മയെ കണ്ടെത്തി ഏല്പ്പിച്ച ശേഷം കള്ളന് കാറുമായി കടന്നു.
കള്ളനാണെങ്കിലും നല്ലവനാണെന്ന് പറയാറുണ്ട്. അത്തരം ഒരു കള്ളന്റെ കഥ സാമൂഹ്യമാധ്യമങ്ങളില് വൈറലാകുന്നുണ്ട്. മോഷ്ടിച്ച കാറില് കുഞ്ഞിനെ കണ്ടെത്തിയതിനെ തുടര്ന്ന് അതുമായി അമ്മയുടെ അരികെ എത്തുകയും കുഞ്ഞിനെ ശ്രദ്ധിക്കാത്തതിന് മാതാവിനെ ശകാരിച്ച ശേഷം കുഞ്ഞിനെ തിരിച്ചു നല്കുകയും ചെയ്ത കള്ളന്റെ 2021 ല് നടന്ന സംഭവമാണ് വൈറലായിരിക്കുന്നത്.അണ്നോണ് ഫാക്ട് ഇന്സ്റ്റാ എന്ന് തിരിച്ചറിഞ്ഞ ഒരു ഇന്സ്റ്റാഗ്രാം ഹാന്ഡില് ആണ് ഈ കഥ സോഷ്യല് മീഡിയയില് പങ്കുവെച്ചത്. അടിക്കുറിപ്പ് മുഴുവന് സംഭവവും വിവരിച്ചു. “2021 ല് ഒറിഗോണിലെ ബീവര്ട്ടണിലാണ് അസാധാരണമായ സംഭവം നടന്നത്.
മോഷ്ടിച്ച കാറിന്റെ പിന്സീറ്റില് കുഞ്ഞിനെ കണ്ടെത്തിയതിനെ തുടര്ന്ന് കാര്മോഷ്ടാവ് അതിനെ എടുത്ത് അമ്മയ്ക്ക് തിരിച്ചു കൊടുത്ത ശേഷം കാറുമായി കടന്നു. പോകുന്നതിന് മുമ്ബായി അമ്മയെ നന്നായി ഉപദേശിക്കാനും മറന്നില്ല. ക്രിമിനല് സ്വഭാവത്തിന്റെയും ധാര്മ്മിക പ്രഭാഷണത്തിന്റെയും ഈ വിചിത്രമായ മിശ്രിതം അതിന്റെ അസാധാരണമായ സ്വഭാവം കാരണം അക്കാലത്ത് തലക്കെട്ടുകള് സൃഷ്ടിച്ചു.
കുട്ടികളെ വാഹനങ്ങളില് കയറ്റിവിടുന്നതിന്റെ അപകടങ്ങളെക്കുറിച്ചായിരുന്നു മോഷ്ടാവിന്റെ പ്രഭാഷണം. സംഭവം കുട്ടികളെ കാറുകളില് ഒറ്റയ്ക്ക്, കുറഞ്ഞ സമയത്തേക്ക് പോലും ഉപേക്ഷിക്കുന്നതിന്റെ അപകടങ്ങള് നിര്ണായകമായ ഒരു സുരക്ഷാ പ്രശ്നത്തിലേക്ക് ശ്രദ്ധ ക്ഷണിക്കുകയും ചില കുറ്റവാളികളുടെ പ്രവചനാതീത പ്രവര്ത്തനങ്ങളെയും ഒരുപോലെ ഉയര്ത്തിക്കാട്ടി. കുഞ്ഞിനെ പിടിച്ച് നില്ക്കുന്ന കള്ളന്റെ ഫോട്ടോ ഉള്പ്പെടുത്തിയ പോസ്റ്റിന് നിരവധി ലൈക്കുകളും കമന്റുകളും ലഭിച്ചു.
