കോഴിക്കോട് വടകരയില് നിര്ത്തിയിട്ട കാരവനില് രണ്ട് മൃതദേഹങ്ങള് കണ്ടെത്തി . മലപ്പുറം സ്വദേശി മനോജും കാസര്കോട് സ്വദേശി ജോയലുമാണ് മരിച്ചത്. ഒരു മൃതദേഹം കാരവന്റെ വാതിലിലും മറ്റൊന്ന് വാഹനത്തിനുള്ളിലുമായിരുന്നു. മലപ്പുറം വെളിയങ്കോട് സ്വദേശി നാസറിന്റെ പേരിലാണ് വാഹനം . പൊന്നാനി റജിസ്ട്രേഷനാണ്.മനോജ് മലപ്പുറം വണ്ടൂർ വാണിയമ്പലം സ്വദേശി മനോജ്, കണ്ണൂർ പറശേരി സ്വദേശി ജോയൽ എന്നിവരാണ് മരിച്ചത്.
കണ്ണൂരിൽ വിവാഹത്തിന് ആളെ എത്തിച്ച് മടങ്ങിയവരാണെന്ന് പൊലീസ് പറയുന്നു. ഇന്നലെ റോഡരികിൽ വാഹനം നിർത്തിയിട്ടിരിക്കുകയായിരുന്നു. ഇതിന് ശേഷമാണ് മരണമെന്നാണ് പ്രാഥമിക നിഗമനം. എസി ഗ്യാസ് ലീക്കായതാകാം മരണ കാരണമെന്നാണ് പൊലീസ് സംശയിക്കുന്നത്. പൊന്നാനിയില് കാരവൻ ടൂറിസം കമ്പനിയിലെ ഡ്രൈവറാണ് മരിച്ച മനോജ്. ഇതേ കമ്പനിയിൽ ജീവനക്കാരനാണ് ജോയൽ. പൊലീസ് സ്ഥലത്തെത്തി കൂടുതല് പരിശോധനകള് നടത്തുകയാണ്.
വിദ്യാഭ്യാസ നിലവാരം ഉയര്ത്തണം: അഞ്ച്, എട്ട് ക്ലാസുകളില് പഠിക്കുന്നവര്ക്ക് നല്കി വന്നിരുന്ന ഓള് പാസ് രീതി ഇനി വേണ്ടെന്ന് കേന്ദ്രം
വാര്ഷിക പരീക്ഷയില് തോറ്റാലും ഉയര്ന്ന ക്ലാസിലേക്ക് സ്ഥാനക്കയറ്റം നല്കുന്ന രീതി അവസാനിപ്പിച്ച് കേന്ദ്ര സര്ക്കാര്.ഇതുവരെ നിലവില് ഉണ്ടായിരുന്ന അഞ്ച്, എട്ട് ക്ലാസ്സുകളിലെ ഓള് പാസ് രീതിയാണ് കേന്ദ്രം വേണ്ടെന്ന് വയ്ക്കുന്നത്.ഓള് പാസ് രീതി മാറ്റി തീരെ നിലവാരമില്ലാത്ത കുട്ടികളെ തോല്പ്പിച്ച് അതേ ക്ലാസില് നില നിറുത്തണമെന്ന് കേന്ദ്രത്തിന്റെ കര്ശന നിര്ദ്ദേശം നല്കി. ഓള് പാസ് നല്കുന്നത്, പഠനത്തില് പിന്നാക്കമായ കുട്ടികളുടെ നിലവാരം ഉയര്ത്തുന്നില്ലെന്ന് വിലയിരുത്തിയാണിത്. വിദ്യാഭ്യാസ നിലവാരം ഉയര്ത്തുന്നതിന്റെ ഭാഗമായി കേന്ദ്രസര്ക്കാര് നടത്തുന്ന വിദ്യാലയങ്ങളിലാണ് നടപടി സ്വീകരിച്ചതെന്ന് കേന്ദ്ര വിദ്യാഭ്യാസ മന്ത്രാലയം അറിയിച്ചു.
2019ലെ വിദ്യാഭ്യാസ അവകാശ നിയമത്തില് ഭേദഗതി വരുത്തിയാണ് അഞ്ച്, എട്ട് ക്ലാസിലെ വിദ്യാര്ഥികള്ക്ക് മുഴുവന് പാസും നല്കി ഉയര്ന്ന ക്ലാസുകളിലേക്ക് സ്ഥാനക്കയറ്റം നല്കുന്ന രീതി എടുത്തുകളഞ്ഞത്. പകരം അഞ്ച്, എട്ട് ക്ലാസ് വിദ്യാര്ഥികള് തോറ്റാല് തോറ്റതായി രേഖപ്പെടുത്തി വീണ്ടും പരീക്ഷ എഴുതാന് അവസരം നല്കും.രണ്ടുമാസത്തിനകം തോറ്റ വിദ്യാര്ഥികള് വീണ്ടും വാര്ഷിക പരീക്ഷ എഴുതണം. ഇതിലും തോല്ക്കുകയാണെങ്കില് ഇവര്ക്ക് ഉയര്ന്ന ക്ലാസുകളിലേക്ക് സ്ഥാനക്കയറ്റം നല്കില്ല.
അവര് വീണ്ടും ആ വര്ഷം ആ ക്ലാസില് തന്നെ ഇരിക്കേണ്ടതായി വരും. എന്നിരുന്നാലും, പ്രാഥമിക വിദ്യാഭ്യാസം പൂര്ത്തിയാകുന്നതുവരെ ഒരു കുട്ടിയെയും ഒരു സ്കൂളില് നിന്നും പുറത്താക്കില്ലെന്നും വിദ്യാഭ്യാസ മന്ത്രാലയം അറിയിച്ചു.കേരളത്തില് ഈവര്ഷം മുതല് എട്ടാം ക്ലാസില് ഓള് പാസ് വേണ്ട എന്ന് സംസ്ഥാന സര്ക്കാര് തീരുമാനിച്ചിട്ടുണ്ട്. കെഎസ്ടിഎ അടക്കമുള്ള ഇടത് സംഘടനകള് ഇതില് എതിര്പ്പ് ഉന്നയിച്ചിരുന്നു. അടുത്ത വര്ഷം ഇത് ഒന്പതാം ക്ലാസിലേക്ക് കൂടി വിപുലീകരിക്കും. 2026-27 അക്കാദമിക വര്ഷം പത്ത് വരെയുള്ള ഹൈസ്കൂള് ക്ലാസുകളില് ഹയര് സെക്കന്ഡറിക്ക് സമാനമായി സബ്ജക്ട് മിനിമം കൊണ്ടു വരാനാണ് സംസ്ഥാന സര്ക്കാരിന്റെ തീരുമാനം.
