Home Featured ബെംഗളൂരു: ബ്ലോക്കിൽ കുടുങ്ങരുത്, നഗരത്തിലെ വിവിധ റോഡുകളിൽ ഗതാഗത നിയന്ത്രണം ; ബദൽ റൂട്ടുകൾ ഉപയോഗിക്കാം നിർദേശം

ബെംഗളൂരു: ബ്ലോക്കിൽ കുടുങ്ങരുത്, നഗരത്തിലെ വിവിധ റോഡുകളിൽ ഗതാഗത നിയന്ത്രണം ; ബദൽ റൂട്ടുകൾ ഉപയോഗിക്കാം നിർദേശം

by admin

ബെംഗളൂരു: ഐടി നഗരമായ ബെംഗളൂരുവിലെ വിവിധ റോഡുകളിൽ ഗതാഗത നിയന്ത്രണം. ബിടിഎം ലേഔട്ട് 29-ാം മെയിൻ ജങ്ഷനിൽ വൈറ്റ് ടോപ്പിങ് ജോലികൾ നടക്കുന്നതിനാൽ ബെംഗളൂരുവിലെ നിരവധി റോഡുകളിൽ ഗതാഗത നിയന്ത്രണം ഏർപ്പെടുത്തിയതായി ബെംഗളൂരു ട്രാഫിക് പോലീസ് അറിയിച്ചു. എന്നുവരെയാണ് നിയന്ത്രണങ്ങൾ തുടരുകയെന്ന കാര്യത്തിൽ പോലീസ് കൂടുതൽ വിവരങ്ങൾ പങ്കുവച്ചിട്ടില്ല.നഗരത്തിലെ ഗതാഗതക്കുരുക്ക് ലഘൂകരിക്കുന്നതിന് ബദൽ റൂട്ടുകൾ ഉപയോഗിക്കണമെന്ന് ബെംഗളൂരു സിറ്റി ട്രാഫിക് പോലീസ് അറിയിച്ചു.

ഔട്ടർ റിങ് റോഡിലെ ബിടിഎം 29-ാം മെയിൻ ജങ്ഷൻ മുതൽ ബന്നാർഘട്ട മെയിൻ റോഡിലെ റൂബി-2 ജങ്ഷൻ വരെയുള്ള ഭാഗങ്ങളിൽ നിയന്ത്രണം ഏർപ്പെടുത്തിയിട്ടുണ്ട്. ഈ ഭാഗത്തൂടെ സഞ്ചരിക്കേണ്ട യാത്രക്കാർ ഔട്ടർ റിങ് റോഡിലെ സിൽക്ക് ബോർഡ് ജങ്ഷനിൽ നിന്ന് ജയദേവ ജംഗ്ഷനിലേക്ക് പോകുന്ന വാഹനങ്ങൾക്ക് ബിടിഎം പതിനാറാം മെയിൻ ജങ്ഷൻ വഴി മുന്നോട്ട് പോകാം. ജയദേവ ജങ്ഷനിൽ എത്തി ഇടത്തേക്ക് തിരിഞ്ഞ് ബന്നാർഘട്ട മെയിൻ റോഡിൽ ചേരാം.

ബന്നാർഘട്ട മെയിൻ റോഡിലെ വേഗ സിറ്റി മാൾ ജങ്ഷനിൽ നിന്ന് ജയദേവ ജങ്ഷനിലെക്കുള്ള വാഹനങ്ങൾക്ക് സായിറാം ജങ്ഷനിലെ ജയദേവ ഫ്ലൈഓവറിന്റെ സർവീസ് റോഡ് ഉപയോഗിച്ച് ഔട്ടർ റിങ് റോഡിലേക്ക് എത്താം. ബന്നാർഘട്ട മെയിൻ റോഡിലെ സായിറാം ജങ്ഷനിലെ റോഡ് ഡിവൈഡർ അടച്ചിരിക്കുകയാണ്. പകരമായി ശിൽപകല ജങ്ഷനിലെ ഒരു ബദൽ റൂട്ട് വാഹന ഗതാഗതത്തിനായി തുറന്നുകൊടുത്തിട്ടുണ്ട്.

സിൽക്ക് ബോർഡ് ജങ്ഷനിൽ നിന്നുള്ള വാഹനങ്ങൾക്ക് ജയദേവ ജങ്ഷനിൽ നിന്ന് ബന്നാർഘട്ട മെയിൻ റോഡിലേക്ക് ഇടത്തേക്ക് തിരിഞ്ഞ് സഞ്ചരിക്കാം. വേഗ സിറ്റി മാൾ ജങ്ഷനിൽ നിന്ന് ജയദേവ ജങ്ഷനിലേക്ക് പോകുന്ന വാഹനങ്ങൾക്ക് ജയദേവ ജങ്ഷനിലെ സർവീസ് റോഡ് വഴി ഔട്ടർ റിങ് റോഡിലെത്തി ബനശങ്കരിയിലേക്ക് പോകാം.കോർഡ് റോഡിന് പടിഞ്ഞാറ് ഭാഗത്തെ നിയന്ത്രണങ്ങൾ വിജയനഗറിലെ എംസി സർക്കിൾ അണ്ടർപാസ് മുതൽ കോർഡ് റോഡിന് പടിഞ്ഞാറ് ഭാഗത്തുള്ള പി & ടി ജങ്ഷൻ ( ഹൊസഹള്ളി മെട്രോ ) വരെയുള്ള 270 മീറ്റർ ദൂരത്തിൽ വൈറ്റ് ടോപ്പിങ് ജോലികൾ പുരോഗമിക്കുന്നു. രാത്രി 10:00 മുതൽ താഴെപ്പറയുന്ന ഗതാഗത നിയന്ത്രണങ്ങൾ ഏർപ്പെടുത്തിയിട്ടുണ്ട്

You may also like

error: Content is protected !!
Join Our WhatsApp Group