ബെംഗളൂരു ∙ ഉഷ്ണതരംഗം രൂക്ഷമായതോടെ വടക്കൻ കർണാടക ജില്ലകളിലെ സർക്കാർ ഓഫിസുകളുടെ പ്രവർത്തനസമയത്തിൽ മാറ്റംവരുത്തി സർക്കാർ ഉത്തരവിറക്കി. മേയ് അവസാനംവരെ രാവിലെ 8 മുതൽ ഉച്ചയ്ക്ക് 1.30 വരെയാണ് ഓഫിസുകളുടെ പ്രവർത്തനസമയം. ബെളഗാവി ഡിവിഷനിലെ വിജയപുര, ബാഗൽക്കോട്ടെ ജില്ലകളിലും കലബുറഗി ഡിവിഷനിലെ എല്ലാ ജില്ലകളിലും ഉത്തരവ് ബാധകമാണ്. സംസ്ഥാന ഗവ. എംപ്ലോയീസ് അസോസിയേഷൻ നൽകിയ നിവേദനത്തെ തുടർന്നാണ് നടപടി.
പൊതുവിദ്യാലയങ്ങളില് അവധിക്കാല ക്ലാസ് വേണ്ട; ബാലാവകാശ കമ്മിഷന് നടപടിക്ക്
പൊതുവിദ്യാലയങ്ങളില് വേനലവധി ക്ലാസ് വേണ്ടെന്ന് സംസ്ഥാന ബാലാവകാശ കമ്മിഷന്.ഇക്കാര്യത്തില് പൊതുവിദ്യാഭ്യാസ വകുപ്പിന്റെയും ഹൈക്കോടതിയുടെയും നിര്ദേശങ്ങള് പാലിക്കാത്ത സ്കൂളുകള്ക്കെതിരേ നിയമനടപടിയെടുക്കാന് കമ്മിഷന് ഉത്തരവായി.എല്ലാ വിദ്യാലയങ്ങളിലും മധ്യവേനലവധിക്കാലത്ത് ക്ലാസുകള്ക്ക് പൊതുവിദ്യാഭ്യാസ വകുപ്പിന്റെ വിലക്കുണ്ട്. പ്രൈമറി, ഹൈസ്കൂള്, ഹയര്സെക്കന്ഡറി, വൊക്കേഷണല് ഹയര്സെക്കന്ഡറി വരെയുള്ള വിദ്യാര്ഥികള്ക്ക് ബാധകമാണിത്.
നിര്ദേശങ്ങള് പാലിക്കുന്നുണ്ടോയെന്നു പരിശോധിക്കണമെന്ന് പൊതുവിദ്യാഭ്യാസ ഡയറക്ടര്ക്ക് കമ്മിഷന് ചെയര്മാന് കെ.വി. മനോജ്കുമാര്, അംഗം ഡോ. എഫ്. വില്സണ് എന്നിവരുള്പ്പെട്ട ഡിവിഷന് ബെഞ്ച് നിര്ദേശം നല്കി.സിബിഎസ്ഇ, ഐസിഎസ്ഇ സ്കൂളുകളില് ഹൈക്കോടതി വിധിപ്രകാരമുള്ള അവധിക്കാല ക്ലാസുകളുടെ സമയം രാവിലെ 7.30 മുതല് 10.30 വരെയായിരിക്കും. സിബിഎസ്ഇ റീജണല് ഡയറക്ടറും ഐസിഎസ്ഇ ചെയര്മാനും ഇക്കാര്യം ഉറപ്പാക്കണം. ട്യൂഷന് സെന്ററുകള്ക്കും ഇതേ സമയത്ത് ക്ലാസ് നടത്താം.നിയമലംഘനം ഇല്ലെന്ന് തദ്ദേശവകുപ്പ് ഡയറക്ടറും ഡിജിപിയും ഉറപ്പാക്കണം. തിരുവനന്തപുരം പള്ളിപ്പുറം ശ്രീരാഗത്തില് വി.കെ. കവിതയുടെ ഹര്ജിയിലാണ് വിധി.
