കേരളത്തിന് വീണ്ടുമൊരു വന്ദേ ഭാരത് സർവീസ് വരുന്നു. എറണാകുളത്ത് നിന്നും തൃശൂര്‍, പാലക്കാട് വഴി ബെംഗളൂരുവിലേക്കാണ് പുതിയ ട്രെയിന്‍ സര്‍വീസ് നടത്തുന്നത്.നവംബർ മാസം പകുതിയോടെ ട്രെയിൻ സർവീസ് ആരംഭിച്ചേക്കുമെന്നാണ് കരുതുന്നത്.ഉദ്ഘാടന തീയ്യതി നിലവില്‍ അറിയിച്ചിട്ടില്ല. എന്നാല്‍ എറണാകുളം – ബെംഗളൂരു വന്ദേ ഭാരത് എക്സ്പ്രസിന്റെ സമയക്രമം പുറത്തുവന്നിട്ടുണ്ട്. ട്രെയിൻ നമ്ബർ 22651 കെഎസ്‌ആർ ബെംഗളൂരു – എറണാകുളം വന്ദേ ഭാരത് എക്സ്പ്രസ് രാവിലെ 05:10 ന് ആണ് ബെംഗളൂരുവില്‍ നിന്ന് പുറപ്പെടുന്നത്. ഉച്ചയ്ക്ക് 1:50 ഓടെ എറണാകുളത്ത് എത്തിച്ചേരുകയും ചെയ്യും.ട്രെയിൻ നമ്ബർ 22652 എറണാകുളം – കെഎസ്‌ആർ ബെംഗളൂരു വന്ദേ ഭാരത എക്സ്പ്രസ് ഉച്ചയ്ക്ക് ഉച്ചയ്ക്ക് 2:20 നാണ് എറണാകുളം ജങ്ഷനിനിന്നും യാത്ര പുറപ്പെടുന്നത്. രാത്രി11:00 ന് ബെംഗളൂരുവില്‍ എത്തിച്ചേരുകയും ചെയ്യും. കൃഷ്ണരാജപുരം, സേലം, ഈറോഡ്, തിരുപ്പൂർ, കോയമ്ബത്തൂർ, പാലക്കാട്, തൃശൂർ എന്നിവിടങ്ങളിലാണ് ട്രെയിനിന് സ്റ്റോപ്പുകള്‍ ഉണ്ടാകുക.
ബെംഗളൂരുവിലേക്ക് യാത്ര ചെയ്യുന്നവരെ, ഇത് അറിഞ്ഞിരിക്കൂ; വരാനിരിക്കുന്ന എറണാകുളം- ബെംഗളൂരു വന്ദേ ഭാരത് എക്സ്പ്രസ് സമയക്രമം പുറത്തുവന്നു
