കര്ണാടക മന്ത്രിസഭയുടെ ആദ്യ യോഗം ഇന്ന് നടക്കും. കോണ്ഗ്രസ് പ്രകടന പത്രികയില് നല്കിയ അഞ്ച് വാഗ്ദാനങ്ങള് ഇന്ന് സഭയില് പാസാക്കും.nഅതിനുള്ള നിര്ദേശം മുഖ്യമന്ത്രി സിദ്ധരാമയ്യ നേരത്തെ നല്കിയിരുന്നു.
ഗൃഹനാഥമാരായ സ്ത്രീകള്ക്ക് പ്രതിമാസം 2000 രൂപ, എല്ലാ കുടുംബങ്ങള്ക്കും 200 യൂണിറ്റ് സൗജന്യ വൈദ്യുതി, ബിപിഎല് കുടുംബങ്ങളിലെ ഓരോ അംഗങ്ങള്ക്കും പത്ത് കിലോ അരി, തൊഴില്രഹിതരായ ബിരുദധാരികള്ക്ക് പ്രതിമാസം 3000 രൂപ, ഡിപ്ളോമക്കാര്ക്ക് പ്രതിമാസം 1500 രൂപ, സ്ത്രീകള്ക്ക് സര്ക്കാര് ബസില് സൗജന്യ യാത്ര എന്നിവയായിരുന്നു അഞ്ച് വാഗ്ദാനങ്ങള്.
ആദ്യ മന്ത്രിസഭാ യോഗത്തില് തന്നെ ഇത് നടപ്പാക്കുമെന്ന് പ്രചാരണത്തിനെത്തിയ രാഹുല് ഗാന്ധിയും ഉറപ്പ് നല്കിയിരുന്നു. മറ്റ് ചില ജനപ്രിയ പദ്ധതികള്ക്ക് കൂടി മന്ത്രിസഭാ യോഗം അംഗീകാരം നല്കാനുള്ള സാധ്യതയുമുണ്ട്.
യൂണിഫോമിലെത്തുന്ന സ്കൂള്, കോളജ് വിദ്യാര്ത്ഥികള്ക്ക് സൗജന്യയാത്ര; തമിഴ്നാട് ട്രാന്പോര്ട്ട് കോര്പ്പറേഷന്
തമിഴ്നാട് ട്രാന്പോര്ട്ട് കോര്പ്പറേഷന് ബസുകളില് യൂണിഫോം ധരിച്ചെത്തുന്ന മുഴുവന് സ്കൂള്, കോളജ് വിദ്യാര്ത്ഥികള്ക്കും സൗജന്യയാത്ര അനുവദിക്കാന് തമിഴ്നാട് ഗതാഗത വകുപ്പ്.
ഗതാഗത വകുപ്പ് നല്കിയ പാസുമായി എത്തുന്ന വിദ്യാര്ത്ഥികള്ക്കും സൗജന്യയാത്ര ലഭിക്കും. ഒരു ദിവസം രണ്ട് സൗജന്യയാത്രയാണ് അനുവദിക്കുക. 2016 മുതല് സര്ക്കാര് ബസുകളില് സ്കൂള്, കോളജ് വിദ്യാര്ത്ഥികള്ക്ക് സൗജന്യയാത്ര അനുവദിച്ചിട്ടുണ്ട്.
യൂണിഫോമില് വരുന്ന കുട്ടികളെയോ പാസുമായി വരുന്ന കുട്ടികള്ക്കോ സൗജന്യയാത്ര നല്കിയില്ലെങ്കില് കര്ശന നടപടിയുണ്ടാകുമെന്ന് കണ്ടക്ടര്മാര്ക്ക് മുന്നറിയിപ്പുമുണ്ട്.
