മംഗ്ളുറു: ഉഡുപ്പി ജില്ലയിലെ അക്വാഡയില്‍ ആറു പേർ കാളി നദിയില്‍ മുങ്ങിമരിച്ചു. ഹുബ്ബള്ളി ഈശ്വര നഗറില്‍ നിന്ന് വിനോദസഞ്ചാരത്തിന് എത്തിയ കുടുംബത്തിലെ നസീർ അഹ്മദ് (40), രേഷ ഉന്നിസ (38), ഇഫ്റ അഹ്മദ് (15), ആബിദ് അഹ്മദ് (12), അല്‍ച്ചിയ അഹ്മദ് (10), മുഈൻ അഹ്മദ് (ആറ്) എന്നിവരാണ് മരിച്ചത്.
വാഹനത്തില്‍ നദിക്കരയില്‍ എത്തിയ എട്ടംഗ കുടുംബം കുളിക്കാൻ ഇറങ്ങിയതാണെന്ന് ദണ്ഡേലി പൊലീസ് പറഞ്ഞു. രണ്ടു പേർ രക്ഷപ്പെട്ടു. ആറു പേരുടെ മൃതദേഹങ്ങള്‍ പൊലീസും നീന്തല്‍ വിദഗ്ധരും ചേർന്ന് പുറത്തെടുത്തു.
