ലൈംഗികാതിക്രമ കേസില്‍ ഹാസനിലെ എൻഡിഎ സ്ഥാനാർഥി പ്രജ്വല്‍ രേവണ്ണ ഉടൻ കീഴടങ്ങാൻ സാധ്യത. പ്രജ്വലിനെ അറസ്റ്റ് ചെയ്യാൻ സർക്കാർ തലത്തില്‍ പുതിയ നടപടികള്‍ ആലോചിക്കുന്നതിനിടെയാണ് ജെഡിഎസ് നേതൃത്വം പ്രജ്വല്‍ കീഴടങ്ങുമെന്ന് അന്വേഷണ സംഘത്തെ അറിയിച്ചത്. അറസ്റ്റിലായ പ്രജ്വലിന്റെ പിതാവ് എച്ച്‌.ഡി രേവണ്ണയെ വൈകിട്ട് മജിസ്‌ട്രേറ്റിന് മുന്നില്‍ ഹാജരാക്കും.
മൂന്നാംഘട്ട തെരഞ്ഞെടുപ്പിന് രണ്ട് ദിവസം മാത്രം ഉള്ളപ്പോള്‍ ബിജെപി ജെഡിഎസ് സഖ്യം കടുത്ത പ്രതിസന്ധിയാണ് കർണാടകയില്‍ നേരിടുന്നത്. ദേവഗൗഡ കുടുംബത്തിനെതിരെയുള്ള ലൈംഗികാതിക്രമ കേസ് മാത്രമാണ് പ്രചാരണത്തിന്റെ അവസാന ലാപ്പില്‍ ചർച്ചചെയ്യുന്ന സംഭവം.
