കൊച്ചി : സേവ് ബോക്സ് ആപ്പ് തട്ടിപ്പ് കേസുമായി ബന്ധപ്പെട്ട് നടൻ ജയസൂര്യയെ ചോദ്യം ചെയ്ത് ഇഡി. കൊച്ചി ഓഫീസില് വെച്ചാണ് ചോദ്യം ചെയ്യുന്നത്.സേവ് ബോക്സിന്റെ ബ്രാൻഡ് അംബാസിഡറായി ജയസൂര്യക്ക് കരാർ ഉണ്ടായിരുന്നതായി ഇഡിക്ക് വിവരം ലഭിച്ചിരുന്നു. ഇതേതുടർന്നാണ് ചോദ്യം ചെയ്യുന്നത്.ഓണ്ലൈൻ ലേല ആപ്പ് ആയ സേവ് ബോക്സിന്റെ പേരില് വൻ തട്ടിപ് നടന്നതായി മുൻപ് കണ്ടെത്തിയിരുന്നു.
ഇതില് ജയസൂര്യയെ രണ്ടാം തവണയാണ് ചോദ്യം ചെയ്യുന്നത്. സേവ് ബോക്സ് എന്ന പേരില് വിവിധ ഇടങ്ങളില് വ്യാപാര സ്ഥാപനങ്ങള് തുടങ്ങാമെന്ന പേരില് പലരില് നിന്നായി ലക്ഷങ്ങള് തട്ടിയെടുത്തെന്ന സംഭവത്തില് തൃശൂർ സ്വദേശി സ്വാതിക്ക് റഹീമിനെതിരെ പൊലീസ് കേസടക്കമുണ്ട്.
