ബംഗളൂരു: മുന്‍ ആരോഗ്യമന്ത്രി ഡോ. കെ. സുധാകരന്‍റെ അനുയായി ചിക്കബല്ലാപുര്‍ സ്വദേശി ചിറ്റാര വെങ്കിടേഷ് ആത്മഹത്യചെയ്തു. കോണ്‍ഗ്രസ് സ്ഥാനാര്‍ഥിയോട് പരാജയപ്പെട്ടതറിഞ്ഞ് തടാകത്തില്‍ ചാടി മരിക്കുകയായിരുന്നു. സംഭവത്തില്‍ ചിക്കബെല്ലാപൂര്‍ പോലീസ് കേസെടുത്തു.
മൈസൂരിലും സമാന സംഭവം നടന്നു. ജെ.ഡി-എസ് നേതാവായ സാര മഹേഷിന്‍റെ അനുയായി ആത്മഹത്യ ശ്രമംനടത്തി. കോണ്‍ഗ്രസ് സ്ഥാനാര്‍ഥി രവി ശങ്കറിനോട് 25,639 വോട്ടുകള്‍ക്ക് മഹേഷ് പരാജയപ്പെട്ടതറിഞ്ഞ് കിണറ്റില്‍ ചാടി ആത്മഹത്യക്കു ശ്രമിച്ചിരുന്നു .ഇദ്ദേഹം ഇപ്പോള്‍ ആശുപത്രിയില്‍ ചികിത്സയിലാണ്.
