ബംഗളൂരു: കര്‍ണാടകയില്‍ പാര്‍ട്ടിക്കെതിരെ സംസാരിക്കുന്ന ചില നേതാക്കള്‍ പാര്‍ട്ടിക്ക് ദോഷമുണ്ടാക്കുന്നുവെന്ന് ബി.ജെ.പി ജനറല്‍ സെക്രട്ടറി അരുണ്‍ സിങ്. അത്തരം നേതാക്കളുടെ പ്രസ്താവനകളും വിഡിയോകളും പാര്‍ട്ടി പരിശോധിച്ചുവരികയാണെന്നും അദ്ദേഹം വ്യക്തമാക്കി. യെദിയൂരപ്പക്കെതിരെ പാര്‍ട്ടിയിലെ ചില എം.എല്‍.എമാരുടെ വിമത നീക്കം അനുനയിപ്പിക്കാന്‍ എത്തിയതാണ് അരുണ്‍സിങ്.
അസംതൃപ്തരായ എംഎല്‍.എമാരുമായി വ്യാഴാഴ്ച അരുണ്‍ സിങ് കൂടിക്കാഴ്ച നടത്തി. എം.എല്‍.എമാരുടെ കോവിഡ് കാല പ്രവര്‍ത്തനങ്ങളെ കുറിച്ചും അദ്ദേഹം വിവരം തേടി. അതേസമയം, വിമതരുടെ മുഖ്യ ആവശ്യമായ നേതൃമാറ്റത്തെ കുറിച്ച്‌ ഒരു ചര്‍ച്ചയും നടത്തിയില്ല. കര്‍ണാടകയില്‍ പാര്‍ട്ടിയുടെ പ്രവര്‍ത്തനത്തില്‍ തൃപ്തനാണെന്നും അദ്ദേഹം കൂട്ടിച്ചേര്‍ത്തു.
മുഖ്യമന്ത്രി ബി.എസ്. യെദിയൂരപ്പക്കെതിരായ എം.എല്‍.സി എച്ച്‌. വിശ്വനാഥിെന്‍റ പ്രസ്താവന സംബന്ധിച്ച്‌ മാധ്യമപ്രവര്‍ത്തകര്‍ സൂചിപ്പിച്ചപ്പോള്‍, അടുത്തിടെ പാര്‍ട്ടിയില്‍ ചേര്‍ന്ന ചിലര്‍ക്ക് പാര്‍ട്ടിയുടെ ആദര്‍ശങ്ങള്‍ അറിയില്ലെന്നും അതുകൊണ്ടാണ് ഇത്തരം പ്രസ്താവനകള്‍ നടത്തുന്നതെന്നും അരുണ്‍ സിങ് പ്രതികരിച്ചു. വ്യാഴാഴ്ച കുമാര കൃപ ഗസ്റ്റ് ഹൗസിലും മല്ലേശ്വരത്തെ പാര്‍ട്ടി ആസ്ഥാനത്തും നേതാക്കളുമായി കൂടിക്കാഴ്ച നടന്നു.
കര്‍ണാടക മുഖ്യമന്ത്രി ബി.എസ്. യെദിയൂരപ്പ അഴിമതിക്കാരനാണെന്ന് ബി.ജെ.പി എം.എല്‍.സി എച്ച്‌. വിശ്വനാഥ് ആരോപിച്ചിരുന്നു. അരുണ്‍സിങ് ബംഗളൂരുവില്‍ ക്യാമ്ബ് ചെയ്യുന്നതിനിടെയായിരുന്നു വിശ്വനാഥിെന്‍റ വിവാദ പ്രസ്താവന. യെദിയൂരപ്പയുടെ മകന്‍ ബി.വൈ. വിജയേന്ദ്ര എല്ലാ വകുപ്പിെന്‍റയും ഭരണത്തില്‍ ഇടപെടുകയാണെന്നും മന്ത്രിസഭയില്‍ ആരും ഇക്കാര്യത്തില്‍ സംതൃപ്തരല്ലെന്നും വിശ്വനാഥ് പറഞ്ഞു. പാര്‍ട്ടിയിലെ അഭിപ്രായ വ്യത്യാസങ്ങള്‍ മാധ്യമങ്ങള്‍ക്ക് മുന്നില്‍ വിളമ്ബരുതെന്നും ആക്ഷേപമുള്ളവര്‍ക്ക് താനുമായി കുടിക്കാഴ്ച നടത്താമെന്നും അരുണ്‍ സിങ് കഴിഞ്ഞദിവസം താക്കീത് നല്‍കിയതിന് പിന്നാലെയാണ് മുഖ്യമന്ത്രിക്കെതിരെ ഗുരുതര ആരോപണവുമായി നിയമനിര്‍മാണ കൗണ്‍സില്‍ അംഗം രംഗത്തെത്തിയത്.
അഴിമതിയുടെ പങ്ക് കേന്ദ്ര നേതാക്കള്‍ക്കും ലഭിക്കുന്നുണ്ടെന്നും വിശ്വനാഥ് ആരോപിച്ചു. അടുത്തിടെ ബോര്‍ഡ് മീറ്റിങ് പോലും ചേരാതെ ജലസേചന വകുപ്പ് 20,000 കോടിയുടെ ടെണ്ടര്‍ ക്ഷണിച്ചതും ജിന്‍ഡാല്‍ സ്റ്റീലിന് ബെള്ളാരിയില്‍ 3660 ഏക്കര്‍ ഭൂമി തുച്ഛമായ വിലക്ക് നല്‍കാന്‍ തീരുമാനിച്ചതും അഴിമതിയുടെ ഭാഗമാണ്. തനിക്ക് േകന്ദ്ര നേതാക്കള്‍ക്ക് പണം നല്‍കേണ്ടതുണ്ടെന്നാണ് അഴിമതി സംബന്ധിച്ച്‌ യെദിയൂരപ്പയുെട വാദം. ഇവിടെ നിന്ന് നിങ്ങള്‍ പണം കൊണ്ടുപോവുകയാണോ എന്നാണ് കേന്ദ്ര പ്രതിനിധിയായ അരുണ്‍ സിങ്ങിനോട് ചോദിക്കേണ്ടത്. യെദിയൂരപ്പ കര്‍ണാടക ബി.ജെ.പിക്ക് നല്‍കിയ സംഭാവനകളെ മാനിക്കുന്നെന്നും എന്നാല്‍, പ്രായവും ആരോഗ്യവും കാരണം അദ്ദേഹത്തിനിപ്പോള്‍ സര്‍ക്കാറിനെ നയിക്കാനാവില്ലെന്നും ഭരണത്തില്‍ അദ്ദേഹത്തിെന്‍റ കുടുംബം ഇടപെടുന്നത് എല്ലാവര്‍ക്കുമറിയാവുന്ന കാര്യമാണെന്നും വിശ്വനാഥ് കൂട്ടിച്ചേര്‍ത്തു.
തബ് ലീഗ് ജമാഅത്തിനെതിരായ വിദ്വേഷ പ്രചാരണം: ന്യൂസ് 18 കന്നഡയ്ക്കും സുവര്‍ണ ന്യൂസിനും പിഴ ചുമത്തി
ജെ.ഡി.എസ് മുന്‍ സംസ്ഥാന അധ്യക്ഷനായ എച്ച്‌. വിശ്വനാഥ് 2019ല്‍ ഒാപറേഷന്‍ താമരയിലൂടെ സഖ്യ സര്‍ക്കാറില്‍ നിന്ന് രാജിവെച്ച്‌ ബി.ജെ.പിയിലെത്തിയതാണ്. ഹുന്‍സൂര്‍ എം.എല്‍.എയായിരുന്ന അദ്ദേഹം പിന്നീട് ഉപതെരഞ്ഞെടുപ്പില്‍ പരാജയപ്പെട്ടു. നാമനിര്‍ദേശത്തിലൂടെ എം.എല്‍.എയായെങ്കിലും യെദിയൂരപ്പ വാഗ്ദാനം ചെയ്ത മന്ത്രി പദവി അദ്ദേഹത്തിന് ലഭിച്ചില്ല. സാേങ്കതിക കാരണങ്ങളാല്‍ വിശ്വനാഥിനെ മന്ത്രിയാക്കുന്നത് ഹൈക്കോടതി തടയുകയായിരുന്നു.
- കർണാടക : ഇന്ന് കോവിഡ് സ്ഥിരീകരിച്ചത് 5983 പേർക്ക്, മരണം 138
- കേരളത്തിൽ ഇന്ന് 12,469 പേര്‍ക്ക് കോവിഡ്-19 സ്ഥിരീകരിച്ചു, 88 മരണം
- ബെംഗളൂരുവിൽ ജൂൺ 21നു ശേഷം സമ്പൂർണ ഇളവുകൾ നൽകിയെന്ന് പ്രചരിക്കുന്ന വാർത്ത ; സത്യാവസ്ഥ പരിശോധിക്കാം
- കേരളത്തിൽ ഇന്ന് ടെസ്റ്റ് പോസിറ്റിവിറ്റി 11.79 % ; നാളെ മുതൽ അൺലോക്ക് ; ഇളവുകൾ പരിശോധിക്കാം
- ബെംഗളൂരു വിലെ ലോക് ഡൗൺ ഇളവുകൾ ; നിർദ്ദേശങ്ങൾ പുറത്തിറക്കി ബി ബി എം പി
