ഡല്‍ഹി: ഡല്‍ഹിയിലെ ചെങ്കോട്ടയ്ക്കു സമീപം കാറിലുണ്ടായ സ്ഫോടനത്തില്‍ 9 പേർ കൊല്ലപ്പെടുകയും നിരവധി പേർക്ക് പരിക്കേല്‍ക്കുകയും ചെയ്ത സംഭവത്തില്‍, അന്വേഷണം ദേശീയ അന്വേഷണ ഏജൻസിക്ക് (എൻഐഎ) കൈമാറാൻ കേന്ദ്രം തീരുമാനിച്ചതിനു പിന്നാലെ, കേന്ദ്ര ആഭ്യന്തര മന്ത്രി അമിത് ഷാ ചൊവ്വാഴ്ച ഉദ്യോഗസ്ഥർക്ക് എത്രയും വേഗം റിപ്പോർട്ട് സമർപ്പിക്കാൻ നിർദ്ദേശം നല്‍കി.മൃതദേഹങ്ങളില്‍ നിന്ന് ശേഖരിച്ച സാമ്ബിളുകളുടെ പരിശോധന ഉടൻ പൂർത്തിയാക്കാൻ ഫോറൻസിക് വിദഗ്ധരോടും ആവശ്യപ്പെട്ടിട്ടുണ്ട്.അന്വേഷണം എൻ‌ഐ‌എയ്ക്ക് കൈമാറാൻ തീരുമാനിച്ചതായും എത്രയും വേഗം റിപ്പോർട്ട് സമർപ്പിക്കാൻ അമിത് ഷാ ഏജൻസിയോട് നിർദ്ദേശിച്ചതായും വൃത്തങ്ങള്‍ അറിയിച്ചു. സ്ഫോടനം നടന്ന സ്ഥലത്തു നിന്ന് ശേഖരിച്ച സാമ്ബിളുകളും കാറിനുള്ളിലെ മൃതദേഹങ്ങളില്‍ നിന്ന് ശേഖരിച്ച സാമ്ബിളുകളും പരിശോധിക്കാൻ അമിത് ഷാ ഫോറൻസിക് സയൻസ് ലബോറട്ടറി വിദഗ്ധരോട് സുരക്ഷാ അവലോകന യോഗത്തില്‍ നിർദ്ദേശിച്ചതായും വൃത്തങ്ങള്‍ കൂട്ടിച്ചേർത്തു.അമിത് ഷായുടെ അധ്യക്ഷതയില്‍ നടന്ന ആദ്യ യോഗത്തില്‍ കേന്ദ്ര ആഭ്യന്തര സെക്രട്ടറി ഗോവിന്ദ് മോഹൻ, ഇന്റലിജൻസ് ബ്യൂറോ ഡയറക്ടർ തപൻ ദേക, ഡല്‍ഹി പൊലീസ് കമ്മീഷണർ സതീഷ് ഗോള്‍ച്ച, എൻഐഎ ഡയറക്ടർ ജനറല്‍ സദാനന്ദ് വസന്ത് ദേത് എന്നിവരുള്‍പ്പെടെ പ്രധാന സുരക്ഷാ, ഇന്റലിജൻസ് ഉദ്യോഗസ്ഥർ പങ്കെടുത്തു. മറ്റൊരു യോഗത്തില്‍ ഫോറൻസിക് സയൻസ് സർവീസസിന്റെ ഡയറക്ടറും ഡല്‍ഹിയിലെ ഫോറൻസിക് സയൻസ് ലബോറട്ടറിയുടെ ചീഫ് ഡയറക്ടറും പങ്കുചേർന്നു. ജമ്മു കശ്മീർ പൊലീസ് മേധാവി യോഗത്തില്‍ വെർച്വലായി പങ്കെടുത്തു.സ്ഫോടനത്തെ തുടർന്ന് മുതിർന്ന ഉദ്യോഗസ്ഥരുമായി അവലോകന യോഗം ചേർന്നുവെന്നും, ദാരുണ സംഭവത്തിനു പിന്നിലെ ഓരോ കുറ്റവാളിയെയും പിടികൂടാൻ ഉദ്യോഗസ്ഥർക്ക് നിർദ്ദേശം നല്‍കിയിട്ടുണ്ടെന്നും കൂടിക്കാഴ്ചയ്ക്കു പിന്നാലെ അമിത് ഷാ എക്സില്‍ കുറിച്ചു. കുറ്റകൃത്യത്തില്‍ ഉള്‍പ്പെട്ട എല്ലാവരും തങ്ങളുടെ ഏജൻസികളുടെ പൂർണ്ണ കോപം നേരിടേണ്ടിവരുമെന്നും അദ്ദേഹം കൂട്ടിച്ചേർത്തു.
ചെങ്കോട്ട സ്ഫോടനം; എത്രയും വേഗം റിപ്പോര്‍ട്ട് സമര്‍പ്പിക്കണം; ഉദ്യോഗസ്ഥര്‍ക്ക് അമിത് ഷായുടെ നിര്‍ദേശം
