എക്സ്പ്രെഷന് ക്വീനായി തെന്നിന്ത്യന് സിനിമാലോകം അംഗീകരിച്ച താരമാണ് രാശ്മിക മന്ദാന.തെന്നിന്ത്യയില് മാത്രമല്ല ബോളിവുഡിലും രാശ്മികയ്ക്ക് നിറയെ ആരാധകരുണ്ട്. ‘നാഷണല് ക്രഷ്’ എന്ന വിളിപ്പേരാണ് സിനിമാലോകം രാശ്മികയ്ക്ക് നല്കിയത്. വളരെ ചുരുങ്ങിയ കാലം കൊണ്ടാണ് താരം ഈ പദവി നേടിയെടുത്തത്. തെലുങ്ക് സിനിമകള് മറ്റ് ഭാഷകളിലേക്ക് തര്ജ്ജമ ചെയ്തപ്പോള് രാശ്മികയുടെ അഭിനയത്തിനും എക്സ്പ്രെഷനും ക്യൂട്ട് ചിരിക്കും ആരാധകര് ഏറെയായി. ഇപ്പോഴിതാ തന്റെ കോളേജിലെ എല്ലാവരുടെയും ക്രഷ് താനായിരുന്നുവെന്ന് പറയുകയാണ് രശ്മിക.
ഇന്ത്യയുടെ ‘നാഷണല് ക്രഷ്’ ആയി ഇപ്പോഴും വ്യാപകമായി കണക്കാക്കപ്പെടുന്നുണ്ടെങ്കിലും, ആ ടാഗില് നിന്ന് താൻ മാറി ആളുകളുടെ ഹൃദയങ്ങളില് തനിക്കായി ഒരു സ്ഥാനം നേടിയതില് സന്തോഷമുണ്ടെന്നും താരം പറഞ്ഞു. ”നാഷണല് ക്രഷ് ടൈറ്റില് ആരംഭിച്ചത് 2016 റിലീസ് ചെയ്ത എന്റെ കിരിക് പാർട്ടി എന്ന ചിത്രത്തിലൂടെയാണ്. അന്ന് ഞാൻ കോളേജിന്റെ മുഴുവൻ ക്രഷ് ആയിരുന്നു, അത് പിന്നീട് കർണാടക ക്രഷും ഒടുവില് നാഷണല് ക്രഷുമായി മാറി.
ഇന്ന്, എനിക്ക് ലഭിക്കുന്ന എല്ലാ സ്നേഹത്തിലും, ഞാൻ അതില് നിന്ന് മാറിയതായി എനിക്ക് തോന്നുന്നു. ഇപ്പോള് ‘നിങ്ങള് രാഷ്ട്രസ്നേഹമാണ്’ അല്ലെങ്കില് ‘നിങ്ങള് എല്ലാവരുടെയും ഹൃദയങ്ങളിലാണ്’ എന്ന് ആളുകള് പറയുമ്ബോള് അത് കൂടുതല് സ്പെഷ്യല് ആയി, സവിശേഷമായി തോന്നുന്നു. ഞാൻ ഇപ്പോള് അവരുടെ ജീവിതത്തിലും ഹൃദയത്തിലും വേരൂന്നിയിരിക്കുന്നതായി എനിക്ക് തോന്നുന്നു, അതുകൊണ്ട് തന്നെ ഞാന് എന്റെ കരിയര് കൂടുതല് മെച്ചപ്പെടുത്തുകയാണ്…” രാശ്മിക പറയുന്നു. റിലീസ് കാത്തിരിക്കുന്ന ഛാവയ്ക്കായി ഒരുങ്ങുകയാണ് രശ്മിക മന്ദാന.
ഛത്രപതി സംഭാജി മഹാരാജിന്റെ ജീവിതത്തെ ചുറ്റിപ്പറ്റിയുള്ള ഒരു ചരിത്ര നാടകമാണ് ഛാവ. സംഭാജിയുടെ ഭാര്യ മഹാറാണി യേശുഭായിയുടെ വേഷത്തിലാണ് താരമെത്തുന്നത് എന്നാണ് റിപ്പോര്ട്ടുകള്. ചിത്രത്തിന്റെ ട്രെയിലർ ലോഞ്ച് ചടങ്ങില്, സംവിധായകൻ ലക്ഷ്മണ് ഉടേക്കർ ഈ വേഷം വാഗ്ദാനം ചെയ്തപ്പോള് താൻ ഞെട്ടിപ്പോയെന്ന് രശ്മിക പറഞ്ഞിരുന്നു. ”അതൊരു ബഹുമതിയാണ്.
ദക്ഷിണേന്ത്യയില് നിന്ന് ഒരു പെണ്കുട്ടി മഹാറാണിയായി വേഷമിടുന്നത് ഈ ജീവിതകാലത്ത് എനിക്ക് ചോദിക്കാൻ കഴിയുന്ന ഏറ്റവും വലിയ പദവിയാണ്…” എന്നാണ് രാശ്മിക അന്ന് പറഞ്ഞത്. വിക്കി കൗശല്, സല്മാൻ ഖാൻ, ആയുഷ്മാൻ ഖുറാന എന്നിവർക്കൊപ്പമുള്ള പ്രോജക്ടുകളാണ് രശ്മികയുടെ വരാനിരിക്കുന്ന സിനിമകള്. വിക്കി കൗശല് നായകനാകുന്ന ഛാവ, സല്മാൻ ഖാൻ നായകനാകുന്ന സിക്കന്ദർ, ദിനേശ് വിജന്റെ നിർമ്മാണത്തിന്റെ ഭാഗമായ ആയുഷ്മാൻ ഖുറാന നായകനാകുന്ന തമ തുടങ്ങിയ ശ്രദ്ധേയമായ ചിത്രങ്ങളുടെ നിരയാണ് രശ്മികയ്ക്കുള്ളത്. ധനുഷിനൊപ്പം കുബേരയും പൂർണ്ണമായും അവരുടെ ചുമലില് ഇരിക്കുന്ന ദി ഗേള്ഫ്രണ്ടും താരത്തിനുണ്ട്.
രണ്ബീർ കപൂറിന്റെയും സന്ദീപ് റെഡ്ഡി വംഗയുടെയും ആനിമല് എന്ന ചിത്രത്തിലെ അഭിനയത്തിന് ശേഷം, ഹിന്ദി സിനിമയില് താരം തന്റെ വ്യക്തിമുദ്ര പതിപ്പിച്ചു.
