ബംഗളൂരുവില്‍ ശ്രീരംഗപട്ടണ താലൂക്കിലെ പമ്ബ് ഹൗസിനും പാലഹള്ളിക്കും ഇടയില്‍ ഹൊസഹള്ളിക്ക് സമീപം ടിപ്പർ ലോറിയിടിച്ച്‌ കാർ കത്തി പഞ്ചായത്ത് അംഗം വെന്തുമരിച്ചു.ഹുൻസൂരില്‍ നിന്നുള്ള മൂക്കനഹള്ളി ഗ്രാമപഞ്ചായത്ത് അംഗം ചന്ദ്രശേഖർ ഗൗഡയാണ് (49) മരിച്ചത്. വ്യാഴാഴ്ച രാത്രിയാണ് സംഭവം നടന്നത്. മൂക്കനഹള്ളി പഞ്ചായത്ത് മുൻ പ്രസിഡൻറ് പരേതനായ എം.എം. ഷെട്ടിഗൗഡയുടെ മകനാണ് ചന്ദ്രശേഖർ.
മാണ്ഡ്യക്കടുത്തുള്ള ഗ്രാമത്തില്‍ സമാധാന യോഗത്തില്‍ പങ്കെടുത്ത ചന്ദ്രശേഖർ തന്റെ ഇന്നോവ കാറില്‍ ഹുൻസൂരിലേക്ക് പോവുമ്ബോഴാണ് അപകടം സംഭവിച്ചത്.നിമിഷങ്ങള്‍ക്കുള്ളില്‍ തന്നെ കാർ പൂർണമായി കത്തിനശിക്കുകയും അകത്ത് കുടുങ്ങിയ ചന്ദ്രശേഖർ വെന്തുമരിക്കുകയും ചെയ്തതായി പൊലീസ് . പൊലീസ്, ഫയർഫോഴ്‌സ്, എമർജൻസി സർവിസസ് ഉദ്യോഗസ്ഥർ എന്നിവർ സ്ഥലത്തെത്തിയാണ് തീയണച്ചത്.
