ബെംഗളൂരുവിനെയും മുംബൈയെയും ബന്ധിപ്പിച്ച് ഒരു പുതിയ അതിവേഗ ട്രെയിൻ സർവീസ് ഉടൻ ആരംഭിക്കുമെന്ന് പ്രഖ്യാപിച്ച് കേന്ദ്ര റെയില്വേ മന്ത്രി അശ്വിനി വൈഷ്ണവ്.മൂന്ന് പതിറ്റാണ്ടു മുമ്ബു തന്നെ ഉയർന്നു വന്ന ആശയമാണ് ഈ രണ്ട് നഗരങ്ങളും തമ്മില് ബന്ധിപ്പിക്കണമെന്നത്. എന്നാല് ഇക്കാലമത്രയും അത് യാഥാർത്ഥമാക്കാൻ കഴിഞ്ഞില്ല. ഇരു നഗരങ്ങളിലെയും റെയില്വേ സ്റ്റേഷനുകള് പുതുക്കുകയും, കൂടുതല് ആളുകളെ ഉള്ക്കൊള്ളാനുള്ള സംവിധാനങ്ങളാകുകയും ചെയ്തതോടെയാണ് പുതിയ ട്രെയിൻ വരുന്നത്.ബെംഗളൂരു സൗത്ത് എംപി തേജസ്വി സൂര്യയാണ് കേന്ദ്രമന്ത്രിയുടെ പ്രഖ്യാപനം പങ്കുവെച്ചത്. ഒരു വീഡിയോയിലൂടെയാണ് കേന്ദ്രമന്ത്രി ഈ പ്രഖ്യാപനം നടത്തിയത്.
ബെംഗളൂരു, മുംബൈ തുടങ്ങിയ വലിയ നഗരങ്ങളിലെ റെയില്വേ സംവിധാനങ്ങളുടെ ശേഷി വർദ്ധിപ്പിക്കുകയാണെന്ന് അശ്വിനി വൈഷ്ണവ് പറഞ്ഞു. ഇരു സ്ഥലങ്ങളിലെയും ജോലികള് വളരെ നന്നായി പുരോഗമിച്ചിട്ടുണ്ട്. വളരെ വേഗം തന്നെ റെയില്വേ ബെംഗളൂരുവിനും മുംബൈയ്ക്കും ഇടയില് ഒരു അതിവേഗ ട്രെയിൻ ആരംഭിക്കുമെന്നും അദ്ദേഹം അറിയിച്ചു. കഴിഞ്ഞ മൂന്ന് പതിറ്റാണ്ടുകളായി ബെംഗളൂരുവിനെയും മുംബൈയെയും ബന്ധിപ്പിച്ച് ഒരു പ്രധാന ട്രെയിൻ മാത്രമാണ് ഉണ്ടായിരുന്നതെന്ന് തേജസ്വി സൂര്യ ചൂണ്ടിക്കാട്ടി.
കഴിഞ്ഞ നാല് വർഷമായി പാർലമെന്റിലും പബ്ലിക് അക്കൗണ്ട്സ് കമ്മിറ്റിയിലും റെയില്വേ ബോർഡുമായും താൻ ഈ വിഷയം ഉന്നയിച്ചിരുന്നുവെന്നും അദ്ദേഹം പറഞ്ഞു.നാല് പതിറ്റാണ്ടിലേറെയായി ഉദയൻ എക്സ്പ്രസ് മാത്രമാണ് ഈ രണ്ട് നഗരങ്ങളെയും ബന്ധിപ്പിക്കുന്ന പ്രധാന റെയില്വേ മാർഗ്ഗം. 1,139 കിലോമീറ്റർ ദൂരം താണ്ടാൻ ഈ ട്രെയിൻ 20 മണിക്കൂറിലധികം സമയമെടുക്കുന്നുണ്ട്. കൃത്യമായി പറഞ്ഞാല്, മുംബൈയില് നിന്ന് ബെംഗളൂരുവിലേക്ക് 32 സ്റ്റോപ്പുകളോടെ 21 മണിക്കൂറും 50 മിനിറ്റും എടുക്കുന്നു. ഈ യാത്രയില് ട്രെയിനിന്റെ ശരാശരി വേഗത 52.1 കി.മീ/മണിക്കൂറാണ്.
തിരികെ ബെംഗളൂരുവില് നിന്ന് മുംബൈയിലേക്ക് 31 സ്റ്റോപ്പുകളോടെ 23 മണിക്കൂറും 35 മിനിറ്റും എടുക്കുന്നു. ഈ റൂട്ടില് ശരാശരി വേഗത 48.2 കി.മീ/മണിക്കൂറാണ്. ഓരോ സെക്ഷനുകളിലെയും വേഗതാ പരിധികള്, സ്ഥിരമായ വേഗതാ നിയന്ത്രണങ്ങള്, സ്റ്റോപ്പുകളുടെ കൂടിയ എണ്ണം തുടങ്ങിയ പല കാരണങ്ങളാലാണ് ഇത്രയും സമയമെടുക്കുന്നത്. പതിവ് യാത്രക്കാർക്ക് വലിയ നിരാശയുള്ള കാര്യമാണിത്. ഇത്തരം യാത്രക്കാർ പലപ്പോഴും ചെലവേറിയ വിമാനങ്ങളെയോ ബസുകളെയോ ആണ് ആശ്രയിക്കുന്നത്.ഇക്കാരണത്താല് വേഗത്തില് പോയിവരേണ്ട കാര്യങ്ങള്ക്ക് വിമാനയാത്ര മാത്രമാണ് ആശ്രയം. ഇതിന് പല പരിമിതികളുമുണ്ട്. രണ്ട് നഗരങ്ങളിലെയും സാധാരണ ജനങ്ങള് തമ്മില് ബന്ധം വളരാത്തതിനാല് കച്ചവടപരമായും മറ്റും കാര്യമായ വളർച്ച രണ്ടിടങ്ങളും തമ്മിലില്ല. ഈ പ്രശ്നം പരിഹരിക്കാൻ അതിവേഗ ട്രെയിനിന് സാധിക്കും.
