ലോകം ഇന്ത്യയിലേക്ക് ഉറ്റുനോക്കുന്ന സാങ്കേതിക കേന്ദ്രങ്ങളുടെ കേന്ദ്രമായി ബംഗളൂരു മാറ്റാൻ കേന്ദ്ര-കർണാടക സർക്കാറുകള്‍ ഒരുമിച്ച്‌ പ്രവർത്തിക്കണമെന്ന് കേന്ദ്ര വാണിജ്യ വ്യവസായ മന്ത്രി പിയൂഷ് ഗോയല്‍ പറഞ്ഞു.ഇൻവെസ്റ്റ് കർണാടക-2025 ഉച്ചകോടിയില്‍ സംസാരിക്കുകയായിരുന്നു അദ്ദേഹം.കേന്ദ്ര ബജറ്റില്‍ 100 പുതിയ വ്യവസായ കേന്ദ്രങ്ങള്‍ പ്രഖ്യാപിച്ചിട്ടുണ്ട്. സംസ്ഥാനത്തിന്റെ വിവിധ ഭാഗങ്ങളില്‍ നിരവധി വ്യവസായ കേന്ദ്രങ്ങള്‍ സൃഷ്ടിക്കുന്നതിനായി പ്രവർത്തിക്കാൻ കർണാടക വൻകിട-ഇടത്തരം വ്യവസായ മന്ത്രി എം.ബി. പാട്ടീലിനോട് ഗോയല്‍ ആവശ്യപ്പെട്ടു.
കഴിഞ്ഞ വർഷം കലബുറുഗിയില്‍ താൻ അനുവദിച്ചതും കേന്ദ്ര-സംസ്ഥാന സർക്കാറുകളുടെ സംയുക്ത സംരംഭമായി വികസിപ്പിച്ചുകൊണ്ടിരിക്കുന്നതുമായ പി.എം മിത്ര പാർക്കിനൊപ്പം ഇത് ചെയ്യാൻ കഴിയും. കർണാടകയില്‍, പ്രത്യേകിച്ച്‌ ബംഗളൂരുവില്‍ ധാരാളം ആഗോള ശേഷി കേന്ദ്രങ്ങളുണ്ട്. വരും വർഷങ്ങളില്‍ ഇനിയും പലതും വരും. ആർട്ടിഫിഷ്യല്‍ ഇന്റലിജൻസ്, ക്വാണ്ടം കമ്ബ്യൂട്ടിങ്, സെമികണ്ടക്ടർ വ്യവസായം, ബഹിരാകാശ സാങ്കേതികവിദ്യ, ബയോടെക് വ്യവസായം എന്നിവ പ്രോത്സാഹിപ്പിക്കുന്നതിന് നമ്മള്‍ ഒരുമിച്ച്‌ പ്രവർത്തിക്കണമെന്ന് അഭ്യർഥിക്കുന്നു, അങ്ങനെ നമുക്ക് ഒരുമിച്ച്‌ പുരോഗതിയില്‍ പങ്കാളികളായി പ്രവർത്തിക്കാൻ കഴിയും. ഇന്ത്യയിലേക്ക് വരാൻ ആഗ്രഹിക്കുന്ന സാങ്കേതിക മേഖലകളുടെ ആഗോള കേന്ദ്രമായി കർണാടകയെ മാറ്റാനും ബംഗളൂരുവിനെ മാറ്റാനും നാം ലക്ഷ്യമിടണം.
ആഗോളതലത്തില്‍ കർണാടകയുടെ സാന്നിധ്യം വികസിപ്പിക്കുന്നതിനും വളർത്തുന്നതിനും കേന്ദ്ര സർക്കാർ എപ്പോഴും സന്നദ്ധമാവുകയും പിന്തുണയുടെ ഒരു സ്തംഭമായി നിലകൊള്ളുകയും ചെയ്യും. തുമകൂരുവിലെ വ്യവസായിക സ്മാർട്ട് സിറ്റി പ്ലഗ് ആൻഡ് പ്ലേ അടിസ്ഥാന സൗകര്യമുള്ള ഏറ്റവും വലിയ സ്മാർട്ട് സിറ്റികളിലൊന്നായിരിക്കും. ഇത് ലോകോത്തര നിലവാരമുള്ള വാക്ക് ടു വർക്ക് ടൗണ്‍ഷിപ്പായി വികസിപ്പിക്കും, ഇതിന്റെ ആദ്യ ഘട്ടം 1,736 ഏക്കർ വിസ്തൃതിയില്‍ വ്യാപിപ്പിക്കും. ഇതിനകം പ്രവർത്തനങ്ങള്‍ ആരംഭിച്ചു കഴിഞ്ഞു. അടുത്ത വർഷം അവസാനത്തോടെ ആദ്യ ഘട്ടം പൂർത്തിയാകുമെന്ന് പ്രതീക്ഷിക്കുന്നു.
വിനോദസഞ്ചാര മേഖലക്ക് തൊഴിലവസരങ്ങള്‍ സൃഷ്ടിക്കുന്നതിനുള്ള സാധ്യതകള്‍ ഏറെയാണ്.ഹംപിയെ ഒരു മികച്ച വിനോദസഞ്ചാര കേന്ദ്രമാക്കി വികസിപ്പിക്കുന്നതിന് സംസ്ഥാന സർക്കാർ കൂടി പ്രവർത്തിക്കണം. ഹംപിയില്‍ താൻ കാണുന്ന സാധ്യതകള്‍ വലുതാണ്. നല്ല ബിസിനസ്, നല്ല ടൂറിസം കേന്ദ്രമായി മാറ്റാനാവും. ഈ വർഷം കയറ്റുമതി 800 ബില്യണ്‍ യു.എസ് ഡോളറായി വളരും. ചരക്കുകളിലും സേവനങ്ങളിലും കർണാടക നമ്മുടെ കയറ്റുമതിയില്‍ വളരെ പ്രധാന പങ്ക് വഹിക്കും.
ബിസിനസ് ചെയ്യുന്നത് എളുപ്പമാക്കുന്നതിനും സുതാര്യതയും അഴിമതി രഹിത അന്തരീക്ഷവും കൊണ്ടുവരുന്നതിനും അന്താരാഷ്ട്ര നിക്ഷേപങ്ങള്‍ ആകർഷിക്കുന്നതിനും വേണ്ടി നാമെല്ലാവരും പ്രവർത്തിക്കുന്ന കൂട്ടായ ശ്രമമാണ് ഈ ഉച്ചകോടി. കഴിഞ്ഞ 10 വർഷത്തിനിടെ ഇന്ത്യയിലേക്ക് ഏകദേശം 700 ബില്യണ്‍ യു.എസ് ഡോളറിന്റെ നിക്ഷേപം എഫ്.ഡി.ഐ ആയി വന്നതായി ഞങ്ങള്‍ കണ്ടു. സമ്ബദ്‌വ്യവസ്ഥ, വ്യവസായം, അന്താരാഷ്ട്ര വ്യാപാര നിക്ഷേപങ്ങള്‍, ഉല്‍പാദനം, സ്റ്റാർട്ടപ്പുകള്‍ എന്നിവയെ പ്രോത്സാഹിപ്പിക്കുന്നതിനായി നടത്തുന്ന ശ്രമങ്ങള്‍ ശ്ലാഘനീയവും ഏറെ മുന്നോട്ട് പോവേണ്ടതുമാണ്.
കളിപ്പാട്ടങ്ങളുടെ ഇറക്കുമതി പകുതിയായി കുറഞ്ഞു. അഞ്ചു വർഷം മുമ്ബുള്ളതിനേക്കാള്‍ മൂന്നര ഇരട്ടി കയറ്റുമതിയാണ് ഇപ്പോള്‍. കളിപ്പാട്ടങ്ങളുടെയും പാദരക്ഷകളുടെയും നിർമാണം കൂടുതല്‍ പ്രോത്സാഹിപ്പിക്കുന്നതിനുള്ള നയങ്ങള്‍ ഞങ്ങള്‍ ഉടൻ പുറത്തിറക്കും. മറ്റു പല മേഖലകളിലും നമുക്ക് ആഗോള ചാമ്ബ്യനാകാൻ കഴിയും. ഫിൻടെക്, ടൂറിസം, മീഡിയ, ആനിമേഷൻ വ്യവസായം, ഗെയിമിങ് വ്യവസായം എന്നിവയെ പ്രോത്സാഹിപ്പിക്കാൻ നമുക്ക് കഴിയുമെന്ന് താൻ പ്രതീക്ഷിക്കുന്നു. വരും ദിവസങ്ങളിലും വർഷങ്ങളിലും സാങ്കേതികവിദ്യ കർണാടകയുടെ വളർച്ചയുടെ കഥ നിർവചിക്കുകയും ഇന്ത്യയുടെ വളർച്ചയുടെ നട്ടെല്ലായി മാറുകയും ചെയ്യും. കർണാടകക്കും ഇന്ത്യക്കും ലോകത്തിനും വേണ്ടി നമുക്ക് ഒരുമിച്ച്‌ ഭാവി കെട്ടിപ്പടുക്കാം എന്ന് ഗോയല്‍ പറഞ്ഞു.
